العجوز والقبيحة

14

#العجوز_والقبيحة14
Shahd Alsalman
بقينا على كد السلام كل منتشاوف يعني موقفة وياية حلو جان
نتصادف هواية بالجامعة بعدها بدة يتقرب مني بس مو بقصد اعجاب
هو من كلية واني من كلية ثانية
بس هو قبولة طالع بالموصل لهذا كاعد باقسام داخلية
هذا اللي كالة الي بعد ما بدينا نتعارف وتجاوزنا مرحلة السلام

عجبتني شخصيتة وكلامة و ضحكتة جان يحب الضحك والشقا هواية ما اتذكر فد يوم شفتة معبس
فد يوم و بدون سابق انذار كالي اني احبج واريدج اريد اكمل حياتي وياج
اني مجاوبتة وحاولت ابتعد ما ردت يكول عني مصدكت او مشايفة رجال
- اي هذا الصح يوم
- بعد شهرين هيج من المحاولات والتهرب منة
اجة علية للقسم ..

* ليش دتتهربين مني ؟
* هلو شلونك
* اني مو زين وراح ابقى مو زين اريد افتهم ليش هيج تعامليني قدري مشاعري واحترميها ولو شوي
* عادل اني انسانة بسيطة كلش ومو كد هيج سوالف ولا اتقرب منها صعبة علية واخاف على سمعتي
* تخافين على سمعتج !
بلسم اني جايج من الباب وشفت بيج كل مواصفات الزوجة اللي اريدها مجاي دا العب لو ادور سوالف مكسرة
* وهاي انت كلتها جايج من الباب بس ما شفت احد على بابنا
* غير اعرف ردج بالاول واتاكدي من ثاني يوم اني يم بابكم بس ريحي كلبي
* رأيي من رأي اهلي شيكولون وشيقررون اني وياهم
* بلة اذا رفضو هم انت ترفضين
* الله كريم من رخصتك
* بلسم بس كليلي اي او لا

- وشكتيلة ؟
- مكتلة شي انداريت علي وابتسمت ورحت وهو افتهم من هالابتسامة اني موافقة
- وجاب اهلة؟ اجة ؟
- اي بعد 3 ايام اجة هو و خالة
- وين اهلة ؟
- ما عندة متوفين وهو هالواحد بس خالة هو اللي مربي و تكدرين تكولين ولي امرة
- واهلج قبلو
- اي قبلو بس طبعا بشروط انه يجيبني يمهم و رادو مهر غالي 30 ب 40 اني مقبلت كتلهم ما عندة وهو طالب وهاي شكليات شوية صار جدل بيني وبين بابا بس قنعتة وكتبنا 5 ب 10
بابا جان يكلي اذا تطلكتو لا سمح الله او صار شي اقلها مهرج يفيدج
- اي يمة مو الاهل يحسبون حساب هيج يوم والموزين قبل الزين
- اي بس خالة اني مو مثل بقية البنات اكو بنات ما عدهم مشكلة على النفقة او ياخذون حقهم من انسان خلص ماكو شي يجمعها بي بعد
صحيح هو حق بس نفسي متتقبلة هو بعد اذا كسر خاطري وهان بية وجرحني بشنو تفيدني الفلوس يا كرامة التردها هالكم فلس
- هم صدك الله يكملج بعقلج
كمليلي شصار بعدين
- ماكو انخطبنا فترة سنة وتخرجنا سوةطبعا هي كل الخطبة من داومنا جانو يكولولي شون جبتي راسة هذا ابو عيون زايغة وجنت احسبها شقا لان معاملتة الي غير شكل
ما اكلج بنيت وياه حلم وردي لا والله بس جنت احب سوالفة لهذا ما همني الحجي
وراها عرسنا سويناه ببغداد بالفندق هي قاعة هي زفة لغرفتنا
- اي
- اول شهرين جان كل شي حلو ومستقر بعدين اتغيرت شغلات اكتشفتها بعد الزواج مثلا عندة شوية تسلط ورأية ميصير اثنين بشغلات معينة
يغار من كل شي ويشك بكل شي هالشغلات مجنت اكدر اعرفها بالخطبة بس نتجاوزها اني ما اوكف يمها
- حبيتي ؟
- اي حبيتة ما انكر واول ما صار حلالي وخطبنا وكطعت المهر كتلة بحبي وجان طاير فرح
- زين شنو صار لعد واتطلكتو
- مشاكلنا زادت واني كمت اغار واخاف علي
- يعني من غيرتج !
- جنت خايفة من شي و صار او خلي نكول متأكدة انه حيصير
- و شنو هالشي
- جارتنا جانت ساكنة وحدها هي بالطابق الجوانة مو متزوجة ما اعرف شنو ظروفها ويا اهلها وليش هي لوحدها عايشة
يعني اي مرة طبيعية و عدها عقل راح تعرف وتحس بشي غلط بعلاقتها بزوجها
لبسها جان مو طبيعي كلة كصير ومشلح وهي شكلها مغري يعني اي رجال ممكن يكون صيدة سهلة الها
وهو هواية يجيب سيرتها ويمدح بيها
- والله يمة مو كل رجال الرجال اللي يخاف على بيتة ويخاف من الله ويحب مرتة ميدور هالشغلات حتى لو سوتلة اشكال الوان الاغراءات
- وهو مجان هذا الرجال اللي يريد يحافظ على بيتة ولا حتى حبني ...