العجوز والقبيحة

31

#العجوز_والقبيحة31
Shahd Alsalman
- ليش صادق هيج سويت بية ليش كتلي امي ماتت ليش وشلون كدرت تطردها ؟
- اسف يمة سامحيني على كل شي سويتة بيج وبأسد وابويا وجمانة
دكولي عليها خلي تجي اريدها تسامحني الله يخليكم
- شتسامح منك انت دمرتها جانت تحبك وتريد خاطرك و ممقصرة وياك ولو اني دا احجي عنها هو انت امك ما غزر بعينك رباها بيك مو عاد مرتك
- يمة كافي تاذي اخوك اني مسامحتة الله يسامحة ويسامحنا جميعا
- مغلطنا بحقة هو غلط بحق نفسة
- اسف اسف
- ميفيد بجيك هسة ولا كلمة اسف حتنسينا كل المرينا بي
- يوم ابوس رجلج ارضي علية سامحيني اريد ارتاح دا اموت من عذاب الضمير اني غلطت غلطة جبيرة

كعد يسولفلنا على كوثر واللي شافة وشلون حس بغلطة اللي صار وشكد هو ندمان

- اسد اني مديون وجانت بمحفظتي اوراق بيها تنازل عن كل شي من كوثر اخذها وبيع الشقة وسدد ديني اريد اموت واني مرتاح وماكو دين يخنكني يكفي السويتة بيكم ما اكدر اتحمل ذنب الناس همين
- لا تحجي هيج يمة الله يخليك
- يوم الله يخليج سامحيني وخلي جمانة تسامحني كوليلها اني نذل وكوليها احبها هواية

جنا دنحجي واجتي جمانة جانت دتسمع اخر جملة كالها
- صادق
- جمانة سامحيني فدوة اروحلج خليني ارتاح
- الله يسامحك
- وانت ؟
- صادق دمرتني حبي الك وزواجي منك ما جابلي الا التعاسة والمرض والتعب والخذلان ليش هيج سويت بية
- اني غلطان ونذل وحقير واعترفلج خسرتج ومراح اكدر اسامح نفسي حقج اذا مسامحتيني بس حاولي
- سامحتك
- والله سامحتيني !!
- سامحتك الله يغفرلك

عافتنا وطلعت تبجي وراح ساري وراها بقينا اني واسد وامة وياه

- اسد حزام ظهري اخويا اللي محسيت بي الا بوكت كل الناس عافوني بي ما جيتك كلت تشمت بية بعدني الوص بغلطي واليوم انت الوحيد اللي وياية وواكف يمي ومنهار على وضعي
سامحني مالي غيرك بالدنيا اسف على كل شي سويتة بيك من اول ما تزوجت لحد اليوم
- ...
- جنت تزعل مني هواية وتعصب من غيرتك علية ومتريد اصير مكرن بس صرت وصرت لعبة بيدها خسرتك يا خوية من ورة مرة خرب شاربي اللي علية من فضلت مرتي عليكم ويا ريتها تستاهل بس اني استاهل كل الوجع والتعب استاهل اموت هيج موتة تعيسة او اعيش مذلول
- الاخ ما يخسر اخو صادق وانت اخويا الجبير وتاج راسي وما اكدر اكمل حياتي بدونك بهاي الدنيا مسامحك وعاذرك صدكني اني احبك لو عندي الف اخ واخت ما اريد غيرك سندي بهاي الحياة اريدك تتقوى وترجعلي

حضنتة بكل قوتي وممصدك رجع اخويا الي واستوعب كل اغلاطة وندم على كل شي

- امي ريحة الجنة اللي قسيت عليها واذيتها وتعبتها بحملي وولادتي ورباتي وتالي جازيتج بالصياح والطرد ولعبت بحالج لعب بكبرتج ما شلتج وما حافظت عليج كل ذرة تراب تمشين عليها ابوسها بس كون تسامحيني وترضين علية
- يمة الله يرضى عليك انت واخوك دنيا واخرة وما يحرمني منكم مسامحتك والله وما شايلة عليك بس كوم بالسلامة يا يمة وما اريد شي بعد
- قربيلي ايدج اريد اشمها وابوسها شفتي شون الله حرمني من احساسي بحضنج مثل ما حرمتج مني ومن اسد شكد كلب اني
- كافي يمة سودة علية لا تاذي بروحك هاهية مو زين عليك

بعد شهور من الحادث..

رجع صادق عاش ويا اخو وامة بنفس بيتهم القديم ورفع قضية اثبات نسب على كوثر والكارثة طلع اسامة مو ابنة انهار بالزايد واتازم وضعة وطبعا هالشي مو زين على العلاج لان بلشو وياه بجلسات علاج طبيعي قبل عمليتة

ساري جان يحاول ويا جمانة حتى يطلب ايدها وقرر يخطبها مبدئيا حصل على موافقة اهلها وموافقتها وطبعا بعد ما استأذن من اسد وطلب راية وكالة هالشي راجعلكم وباركلهم
خطبة ساري وجمانة اجت ضربة ثانية على راس صادق واذاه اكثر لان احساسة بالندم رجعلة احساس حبة لجمانة
عزمناهم على خطوبة جمانة وساري وتعذرو من عدنا علمود صادق

بيوم الخطبة ...

- بلسم
- عيون اختك كول
- ما احس جمانة تحبني
- شون متحبك وقبلت بيك
- جمانة قلبها مو الي هذا الزواج ناتج عن تفكيرها بالعقل مو بقلبها وحتى مشاعرها مو الي
- ساري شنو هالحجي جمانة اكيد تحترمك وتقدرك
- ايييي بس متحبني
- يعني شنو ؟
- يعني هذا الزواج مجرد ورق وبس ولو صارت بيناتنا علاقة زوجية مراح تحس بية بيوم جمانة بعدها تحب صادق وبعدها عايشة بالماضي وياه
- اذكر الله لا تحجي هيح ويلة كمل لبس حتى نروح للجماعة دينتظرونا

وصلنا بيت اهل جمانة وهي طلبت تكون خطبة على كد اهلها واحنا وما اعترضنا بالعكس بس فعلا جان كلام ساري صحيح جمانة باردة بمشاعرها ويا ساري واني اخوية صح ديحبها بس همين برد من ناحيتها لان ديحسها تفكر بصادق
جان المفروض نحجي بخطبتهم ونقرة فاتحتهم بس .. ..