العجوز والقبيحة

28

#العجوز_والقبيحة28
Shahd Alsalman
بعد اسبوع..
صار موعد مراجعتي لدكتور اسد والحمدلله شوي الجرح اللي بيدي صار احسن بس وجهي كل ما ينشف ينشد اكثر ويتشوه بالزايد كمت اتضايق منة الكل يخاف مني خاصة الجهال من اروح اتسوك شي
حتى شغلي اني متاكدة من عرفو بوضعي ما قبلو ارجعلهم يعني رحت مقهورة للمراجعة وانتبه علية الدكتور
-  بلسم انت ليش ضايجة
- ما بية شي
- ضايجة بسبب وجهج مو
- اي وكلش
- بس هذا نكدر نعالجة وسهل يمكن ميرجع مثل قبل 100 % بس نسبة 90% يصير ويتصلح
- لهاي الدرجة اني قبيحة حتى نصلحة ؟؟
-بالعكس اني ما شفتج ولا مرة قبيحة ابد
- ههههه عليمن تضحك بهذا الحجي دكتور وجهي تشرح والكل ديخاف مني ويباوعلي نظرات غريبة
- هذولة اللي مهتمة الهم !
انت متحسين نفسج بقيتي مثل ما انت
- اي متغير بية شي بس شكلي ..
- وانت كلتيها مثل ما تغير شكلج هسة نكدر نغيرة مو علمود احد بس علمودج انت واني كتلة لساري هذا الحجي صحيا ونفسيا حيأثر عليج بمرور الوقت
- ما اعرف شكلك
- طولي بالج ولا تضوجين وبعدين كلنا راح يتغير شكلنا وممكن نتعرض لحادث او شي يشوهنا او يحسن شكلنا منعرف وابسط شي لمن نكبر بالعمر
- مضبوط صحيح كلامك
- اريدج تبقين فخورة بنفسج اللي سويتي مو شوية وان شاء الله كل شي يتصلح
- ان شاء الله شكرا دكتور ريحتني بكلامك
- العفو يلة  خليني اوصلج لان اني طالع
- زحمة عليك دكتور
- بالعكس رحمة يلة تفضلي

صعدت وياه و بالطريق وكفنا بازدحام شوية فاتت سيارة من يمنا فاتح اغنية سعدون جابر وجانت من هالمقطع

" كبرت يايمه والايام تمشي ..
شفت مايعادل الام ثمن كل شي
يايمه الشمس من تمشين تمشي
ياتربه طاهرة ودار ..
ربينا بحضنك صغار
المحبة تنحني وتبوس ايدك ..
ويصلي الوطن لعيونك ياجنه
يا امي .. يا امي .. يام الوفا

مابين الناس اسهر ياشمعتي ..
تصيرين الحديث الحلو انت
واسولف لاصدقائي شلون كنتي
تناديني حبيبي .. ذخر لايام شيبي
ش ما وفينا ما نقدر نجازي ..
انت النهر واحنا فروع منه
يا امي .. يا امي .. يام الوفا  "

اني بدون ما احس تنزل دموعي وهو هم انتبهت علي تذكرت امي والظاهر هو هم اتذكر امة
بس اني ما اعرف ميتة لو عايشة لكن من دمعتة خمنت امة ميتة ومحبيت اسالة وصلنا للبيت وضلينا نسولف عني وحجيتلة عن شغلي بس ما طولنا بالحجي وصلنا بسرعة نزلت وتشكرتة وطبيت للبيت
ورة شوي اجة ساري كال جوعان وكمت صبيت
وكعدنا نسولف ع الغدا ع المراجعة وشكالي اسد
بخصوص التجميل
- ساري
شنو وضع أسد ؟
- يعني من اي ناحية ؟
- اقصد اهلة عائلتة امة ابو
- ما عندة بس اخ واحد واهلة متوفين ابو من كم سنة وامة مصارلها شهور
- اها الله يرحمها من هاي هيج تاثر
- شنو ؟
- اليوم من وصلني سمعنا واحد من السيارات فاتح اغنية على الام فشفت دمعتة نزلت
- اي هو جان يحبها كلش وتوفت بدون ما يشوفها حتى تدرين لحد هسة ما زار كبرها
- الله يرحمها بس ليش مزارة
- لان اخو مشغول هالفترة اخو متزوج وملتهي ببيتة وشغلة
- يعني هو كاعد ويا اخو
- لا بشقتة وجنا كاعدين سوة شبيج نسيتي
-هااا اي صحيح
خوش ولد هو كلش مؤدب
- بشكل متشوفيني متوالم وياه لان ابن اوادم
-الله يحفظكم انت وهو حبيبي
- ويخليج الي حياتي
- ساري حبيبي مناوي تفرحني بيك
- بلسم شلون نفرح واهلنا
- يعني يا حبيبي انت دتكبر مدتصغر واهلنا ما معروف عنهم شي مندري شوكت نتلاكى وياهم ولا معلوم احياء اموات انت مشفت الموصل شون صايرة خراب كل اللي بيدنا ننتظر وهم اكيد حيفروحون من يشوفوك متزوج ومعيل وهاي جانت امنيتهم مو صحيح
- صحيح بس والله صعبة
- صدكني هذا الاحسن بلكت ترتاح انت هم
- ما ادري اللي ببالي ممكن متقبل بية
- تقصد جمانة
- اي
- يعني انت معجب بيها مو
- كلش
- شنو وضعها هي
- محجيت وياها من ذيج المرة بس الاعرفة عنها هي مطلقة وخريجة علوم حاسبات يعني مبرمجة ومتعينة
- اممم يعني ما عندك مشكلة اذا مطلقة
- لا هي كلش خلوقة ومن تعرفيها حتحبيها
- زين شنو رأيك نمر عليها فد يوم او تتواعد وياها بحجة الحاسبة او شي
- اي خوش فكرة تعالي لعد نخرب البرنامج وهسة ادكلها كدامج
- يلة
دنقرة ببيانات البرنامج وحاولنا انه نخرب البرنامج ونجحت الخطة بس قريت اسم مو غريب علية وما اتذكر وين سامعتة اول اسمين بس الثالث والرابع ما اعرف
" سحر عبدالله سالم كرار "
من اندماجي ويا ساري مركزت بي كلش ودك لجمانة واتفقو باجر يتلاكون بنفس المكان
بدلت ورحت وياه بالصدفة لاكينا اسد يتمشى ورحنا كلنا سوة بس شوية ساري جان محرج ومعرفت شنو السبب ..