العجوز والقبيحة

19

#العجوز_والقبيحة19
Shahd Alsalman
قريت الرسالة وابجي واشهك راحت بلا ما اودعها وما كدرت اخليها بالمكان اللي ممكن احس بامان وهي بي نفسها عزت عليها وحسيت بتأنيب الضمير بس شبيدي ذولاك هم اهلي ووضعي صعب
خابرت على اخويا وشرحتلة الطريق ومديقبل اروح لهناك بس كتلة وياية ناس مو لوحدي وعادل همين
اهلي لحد اليوم يعرفون بية متزوجة وميدرون بشنو مريت وشون تطلكت منة

بعد 5 ايام ودعت اخويا واختي و كتلهم يبروني الذمة وفهمتهم ميقلقون لان ماكو اتصالات هناك
وجان المفروض يجي اخويا هاي الايام بس اذا انتظرتة ممكن اخسر فرصة روحة الموصل لهذا فضلت روحتي على جيتة ولو مشتاقتلة كلش وتمنيت اشوفة قبل لا اروح ..

صار الموعد واجاني السايق ب 3 الفجر كال يلة قبل بيوم سلمت الشقة وكل شي وودعت ابو نورس والجوارين  واخذت كل شي احتاجة وطلعنا طول الطريق ادعي رب العالمين واسبح ما بطلت
وصلنا تقريبا وجه الصبح للحدود بس صايرة كانو منطقة مهجورة ومخيفة والطريق مليان الغام بمجرد ما فتنا اتلكونا دواعش وطبعا السايق انطاني بوشية وكالي متفتحين حلكج ابد اني راح احجي وياهم
نزل من السيارة مدري شحجة وياهم وشفتة نطاهم فلوس وصعد عبرونا وكدرت اوصل لبيتنا
بس بيتنا ماكو محروك ومتفلش جزء منة كعدت بالكاع ادك والطم لان من وضعة اكدر افتهم انه اهلي ماتو اكيد

المنطقة عبارة عن خراب ودمار وماكو اهلها يا دوب جم واحد والنسوان كلها مبوشة والرياجيل ملحاية ولبسهم يشبه لبس الدواعش بحجة هاي دولة اسلامية وماشية على نهج الاسلام
رفعت البوشية عن وجهي وشافني واحد منهم اجة يكلي انت دتخالفين شرع الله وانت زانية كمت اتلاغى وياه والسايق يحاول يجرني وماكو اتهسترت
فكالة ترة هاي بنت عمتي وشوية مختلة عقليا لا تعتب عليها وما عليها حرج ويكلة ايات واحاديث لشوية حسيتة يشتغل وياهم بس هو الظاهر خبرة بهاي الامور ويعرف شون يحجي نزل البوشية على وجهي وصعدني بالسيارة وبعدني بحالة البجي والصريخ واللطم

اجتني وحدة مبوشة الظاهر جانت تسمعني وشافتني وعرفتني لمن شلت النقاب
طلعت جوارينا ام مؤمن كالتلي يمة اهلج اخذوهم الدواعش وما نعرف شي عنهم هم وسرة الجوارين اليمهم بيت ابو رافع وابو هادي وابو انور  وابو شيلان  كلهم اخذوهم وحركو البيوت وفلشوها لان لكو عدهم تلفونات وانترنت وبعد ما نعرف شي عن اي احد بيهم

جريت نفس لان اكو امل الكاهم عايشين بس اسرى
يعني ممكن يكونون مجنديهم او كاتليهم او موجودين والله ما اعرف حتى افكاري مشتتة والوضع حيل يخوف الله يعين الاهالي شون كدرو يعيشون هنا
اخذني السايق لبيت كالي ارتاحي بي دخلت لكيت بي 6 نسوان وجهال هواية اول مفتت سلمت وهو قفل الباب وراح
بس صافنات علية وخايفات مدري شبيهن فاتت ساعتين والثالثة وماكو احد دكيت الباب مفتحلي وما عندي تلفون شنو الموضوع ووحدة منهم كامت تحجي وياية 

- عليمن دتدكين بالباب ؟
- على السايق اللي جان وياية
- ههههههه يا سايق
- السايق اللي جابني لهنا كالي نرتاح نص ساعة وارجعلج وصارلي اكثر من ساعتين وما مر علية
- انت تعرفين احنا وين ؟
- وين !
- احنا هنا اسيرات للامير يعني سبايا واللي جان وياج مو سايق هذا يشتغل وياهم
- شنوووو ؟؟؟؟
- مجنتي تعرفين !
- مستحيل انت دتتشاقين بس هو نطاهم فلوس حتى يفوتني
- يعني قابل من فلوسة اكيد من فلوسج
- اي فلوسي جيت ادور على اهلي وما لكيتهم وكالي نرتاح ونطلع وراها نكمل
- الله يكون بعونج نصب عليج حتى ياخذج سبية هنا اللي يجيب سبايا للامير ينطو فلوس ومنصب عالي بحيث الكل تحترمة

اسودت الدنيا بعيني معقولة هيج البشر ميخافون من الله اني بيا حال وهو عينة ع الفلوس يا رب دخيلك خلصني من هالورطة
اباوع لوجوه البنات كلها خايفة ومحتارة دكيت الباب كسرتها واصرخ بس محد يجاوب الى ان اجاني واحد منهم دفع الباب قوي وفات عصبي بس يحجي عراقي والبنات كلهن نزلن النقاب

- يا كلبة دتدك الباب هيج
- اني دا ادكها صيحلي صالح السايق
- مو هو يشتغل عد حضرة جنابج اكعدي بمكانج وانجبي واسكتي
- خليني اطلع منا وخر شوية
- انت شنو متفتهمين لا تخليني اكطع هالسوط عليج وغطي وجهج من تحجين وياية
- لك يا عار تبيع بنات بلدك علمود كم فلس يا قليل الشرف
- باعي انت ميفيد وياج
تعالو جيبولياها

اجوي اثنين جروني جر من ايديا وودوني لغرفة ظلمة بيها ضوة خافت واجة هو يفتر داير مدايري ويضرب بالكاع بالسوط البيدة حتى يخوفني بس مخفت نوب هجت بالزايد وكمت اسبة اكثر وادعي علي وبعدها انضربت اول جلدة على كولتة
والثانية جرت الثالثة والرابعة
مغطية وجهي بيديا ودا اموت وجع اريد بس يهدني محسيت بعدها على شي ومع هذا متوسلت بي ولا كتلة عوفني جنت كلش صلفة وياه ..