العجوز والقبيحة

32 .. النهاية

#العجوز_والقبيحة32
#النهاية
Shahd Alsalman
- جمانة تعالي نحجي شوية
- اوكي
- اذا سالتج تجاوبيني بكل صراحة ؟
- اي
- انت متحبيني مو ؟
- اني ... اني احترمك
- سؤالي واضح ؛ انت متحبيني مو ؟
- ...
- اخذت جوابي
انت تحبين صادق وتريدين ترجعيلة صح ؟
- ...
- جاوبيني اني هنا حتى اساعدج ومراح اوكف بطريقج لان ما اكدر اعيش ويا انسانة متكدر تنطيني مشاعرها
- ساري اسفة بس ..
- بلا اسف انت تستاهلين كل خير واني حبيت اخلاقج واسلوبج وحبيت هالوفاء اللي دا اشوفة بعيونج الة صدكيني اذا اختاريتي الة اني حساعدج و اوديج بيدي الة لا تتخيلين حزعل منج ولا تخجلين من مشاعرج هذا شي منكدر نتحكم بي وزواج بدون حب حيسببلنا تعاسة اني وانت
- ما اكدر اكرهة وما اكدر اكمل وياك عبالي اذا اختاريتك وتزوجنا راح ينتهي كل شي بس اني اريدة واريد اوكف يمة واساندة بالشدة اللي هو بيها
- امشي وياية نكول لاهلج واوديج يمة
- بس خايفة منهم
- لا تخافين اني يمج

كعدنا يمهم وحجينا بكل الصار وعرفو نية جمانة بالاول ما قبلو وضاجو من جمانة بعدين هدأو وافتهمو الموضوع وباسلوب بلسم واسلوبي وتاثرو ببجي جمانة
قبلو واقتنعو وبالاخير الاهل ميهمهم الا سعادة اولادهم لهذا قبلو برجعتها الة وطلبت منهم اخذها الة حتى يكون هالشي دافع انه يتشافى بسرعة
راحت بدلت هدومها وبوست اهلها وتشكرنا منهم وطلعنا ..

دكينا الباب عليهم وطلع اسد استقبلنا واجتي امة وحجينالهم على كل الموضوع وطارو من الفرح وجمانة كالت كل الفضل يرجع لتفهم ساري و اقناع بلسم لاهلي
واستاذنت من عدنا حتى تروح لصادق لان خالة كالتلها من عرف بخطبتج الى هسة وهو لوحدة وميقبل يحجي ..

دكيت الباب على صادق ومجاوبني فتت علي

- يوم كتلج عوفوني لوحدي الله يخليج
اني ما بية شي
- ....
- طفي الضوة
- ....
- يوم شبيج ساكتة

افتر علية بالكرسي حركة بيدة لان تشافت حسب ما كال اسد وشافني كبالة واكفة وساكتة وصافنة علي عيونة مورمة وحمر ومبين شابع بجي

- جمانة !!!
- اي جمانة
ليش حابس نفسك هنا ؟
-ليش اجيتي اليوم خطبتج وخطيبج اذا عرف حيزعل منج وممكن يسويلج مشكلة
- اجيت لان هنا بيتي وهنا حب حياتي

اتقربت علي ونزلت يمة لزمت ايدة وهو صافن علية ومستغرب من كلامي

-صادق اني هنا مكاني
يمك ما اكدر اكرهك
رغم كل شي احبك بعدني
ما اكدر اخلي رجال ثاني يلمسني او يكون زوجي
- جمانة مراح تتزوجين ؟
- انت زوجي هسة وبعدين ومن قبل
صدكني ما اكدر بدونك صعب اكون لغيرك حاولت وفشلت

كام يبجي و حضنتة وحضني حيل
حيل جنت مشتاقتلة واتمنى ارجعلة ويرجعلي صحيح اللي صار بيناتنا مو شوية ويمكن ماكو مرة تتحملة وجان لازم افكر بكرامتي بس ردتلي لمن اعتذرلي ولمن اعترف بغلطة كدام الكل

ما اكدر اتخيل حياتي اعيش بغير هالبيت ولا اكون مرة غير مرة صادق
رجعت ووكفت يمة وسوة العملية بعد ما سافرنا اني وياه
بدة يحاول بالعلاج يمشي ولو خطوات يتعب هواية بس وجودي يمة يخلي يتجاوز كل شي صعب واني فرحانة بكل خطوة نسويها سوة رجعلي حبيبي القديم و زوجي اللي عشت وياه وكملنا حياتنا مثل قبل واحسن ...

ساري استمر بحياتة مرتاح وعرف مشاعرة تجاه جمانة جانت عبارة عن اعجاب مو اكثر وما حس بشي تجاههة من بعد ما اخذها بيدة لصادق وبالعكس كمنا نروحلهم ويجونا يعني صرنا عائلة وحدة
و نبهتة على نادين صديقتي وسبحان الله كأنو واحد انخلق للاخ حبها وحبتة وخطبتها الة من امهة والحمدلله تزوجها واستقرو ..

تقربنا اني واسد من بعض هواية وشكلي حبيتة وهو حبني واعترفلي بمشاعرة وحبني اكثر من عرف بموقفي ويا امة وشلون داريتها الحجية حجتلة عن كل شي حتى سبب طلاكي وشكد تاذيت بسبب خيانة زوجي
خطبني من اخويا بالاول ترددت لان يعني هو شاب ممتزوج واني مطلقة ومشوهة لدرجة القباحة شون حيعيش وياية بس بعدها قبلت بي وطارت خالة من الفرح
وهو اصر نسوي عرس بوجهي هذا ومقبل نسوي عملية تجميل و نتزوج لا كالي اني حبيتج مثل ما انت ولوما صحتج ما جنت راح اقبل اسويلج هالعملية ابد
تزوجنا ومن بعدها بشهر سوالي هو العملية ونجحت
رجعت حتى احلى من الاول و نفسيتي تغيرت وتنفسي رجع طبيعي وعيوني اكدر اشوف براحتي وعايشة ويا اسد بدلال عمري محسيت بي بس عند اهلي ..

صادق وجمانة بعد كم شهر رجعو من السفر تفاجئنا بجيتهم مكالولنا والحمدلله رجع يمشي مثل قبل بس ببطئ شوي وكالت جمانة بالحركات ومتابعة العلاج يرجع احسن بعد من اول
وكفة جمانة وياه خلتة يتعافى بسرعة ودعاء امة الة هو الي رجعة يوكف على حيلة مرة لوخ

بعدها قررنا نسوي مفاجأة لأسد من يجي من الشغل واتصلت بساري حتي يجيب مادين ويجون
اجة اسد بالليل وجنا كلنا كاعدين فات وسلم عليهم وصادق سوة نفسة بعدةميكدر يمشي ورة شوية صاحلة لاسد حتى ينتبه علي
مشى واتحرك باتجاه اسد وهو ممصدك كام وحضنة ويكمز من الفرحة
- شنو رأيك بهالمفاجأة
- لج جمانة هاي صدك هههههه
- والله شوفة عينك بعد ههههههه
- الحمدلله يمة الله يخليكم الي

باسو خالة من راسهة اثنينهم

- زين واذا كتلكم على المفاجأة العندي !
- كولي شنو حبيبي
اشرت لبطني وشوفتهم صورة السونار
- حااامل !!
- هههههههه اي
- كلللللووووووووششش
- مبروك بلسم حبيبتي
- مبروووك ولج حصير خالو
- واني حصير عمووو فدوة لابن اخويا

اجة اسد علية حضني وفرني بالهول وهم يكلولة نزلهة ولك لا تدوخ مو زين عليها جان طاير فرح مثل ما اني فرحانة واكثر ..

بقى اللي ناقصني فرحة اهلي وياية لليوم ما نعرف شي عنهم وانفقدو وطبعا كلنا لاختي وداد عنهم انهارت بس ما بيدها شي بعد
بقينا على امل نعرف عنهم شي او تتحرر الموصل حتى نكدر ندورهم جائز نلكاهم احياء ويمكن العكس
الله كريم ...