Too Young to be Married (Hard Fall Series#3)

Chapter 31

Mabilis na lumipad ang kanang kamay ko papunta sa kaliwang pisngi ni Ate eva. Hindi ko na napigilan ang bugso ng aking damdamin na matagal ko na ding kinikimkim.

"Wala kang utang na loob" punong puno ng hinanakit na sabi ko sa kanya.

Halos manlabo ang aking paningin dahil sa namumuong luha sa aking mga mata. Hindi ko mapaliwanag ang aking tunay na nararamdaman. Pero nasisigurado kong galit ako, pero mas nangingibabaw ang takot sa aking puso.

Hindi nakapagsalita si ate eva. Patuloy pa ding iniinda ang aking pagkakasampal sa kanya. "Nagusap na tayo, ang sabi mo hindi mo kami guguluhin ng asawa ko" sumbat ko sa kanya.

Nakipagtitigan ito sa akin na para bang kayang kaya niya akong labanan. "He was mine first, una siyang naging akin brenda" mariing pagpapaintindi niya din sa akin.

"Matagal na iyon, tapos na...akin na siya ngayon Ate eva, ako na ang asawa niya ngayon" pagpapaintindi ko din sa kanya dahil para bang nakakalimutan niya kung saan siya dapat lumugar.

"I still love him, at nararamdaman kong...mahal pa din ako ni Alec" sambit niya na para bang siguradong sigurado siya.

"No!" Sigaw ko sa pagmumukha niya at muli ay hindi ko nanaman napigilan ang aking sarili at muli ko nanaman siyang nasampal.

Sa pangalawang pagkakataon ay hindi na nagpatalo si Ate eva dahil kaagad niya na din akong ginantihan. Rinig na rinig ko ang sigawan ng mga katulong, maging ang kambal ay rinig na rinig ko din ang pagiyak kaya naman mabilis akong tumigil at humiwalay kay ate eva.

"Mommy! Mommy!" Sigaw nina chantal at channel. Napalunok ako at nahiya para sa aking sarili, hindi dapat ganito ang makita ng mga bata.

"I'm sorry..." sambit ko sa kanila pero huli na ang lahat.

"Bad ka! Bad ka Tita brenda!" Sigaw nilang dalawa sa akin kaya naman kaagad akong nanghina. I don't want them to hate me, I love them.

"Chantal..." tawag ko sa kanya para sana magpaliwanag, I really love her, she is so sweet mali man pero sa sandaling panahon na nagkasama kami ay siya ang paborito ko.

Lalapit na sana ako sa kanya ng kaagad akong tinulak ni Ate eva. "Layuan mo ang anak ko!" Sigaw niya sabay tulak ng malakas sa akin.

Dahil sa aking panghihina ay hindi ko na din na control ang aking balance. Mabilis akong napasalpak sa sahig at kaagad na halo dumiretso ang aking mukha sa nga batong nakalandscape sa aming garden.

"Naku po, si Ma'm brenda!' Sigaw ng mga katulong at kaagad na may naramdaman akong tumulong sa akin.

Sa bahagyang pagangat ng kalahati ng aking katawan ay kaagad akong nakaramdam ng sakit sa aking bandang tiyan.

"Aray..." daing ko sabay hawak dito.

"May blood!" Sigaw ni Chantal kaya naman napatingin ako sa aking binti at halos manlaki ang aking mata ng tama nga, may dugo sa aking binti, madami iyon.

Nanginginig akong bumaling sa kanila. "Tulungan niyo ako..." umiiyak na sabi ko. Maging sila ay hindi din makakilos dahil sa nangyari.

"Anong nangyayari dito?" Matigas na sambit ni Alec at halos takbuhin niya ang pagitan naming dalawa ng makita niya kung ano ang aking posisyon ngayon.

"P*tangina, anong nangyari dito?" Galit na sigaw niya at kaagad na lumuhod para aluin ako.

"Ihanda niyo ang sasakyan!" Galit na sigaw niya sa kumpol ng mga kasambay at iilang driver.