Hindi ko man masabi ang nadarama kong ito sa iyo,
Sana madama mo sa bawat liriko ng tulang ito
Ang lahat ng ninanais ipabatid ng pusong ito.
Sana mabasa mo ito sa panahong nakatakbo na ako
Sa masamang panaginip na idinulot mo.
Kay hirap sambitin Kay hirap aminin. Labim-apat na letra, Apat na mga salita.
Kay hirap sabihin Kay hirap banggitin. Kabog sa dibdib abot hanggang ibayo. Daig nito tambol sa kanto.
Kay hirap bigkasin 'pagkat hindi na maari. Kay sikip ng dibdib tila di mapakali. Ayaw nitong kumawala hangga't 'di nasasabi. Mga katagang tanging ako lang makakapagsabi.
Ang hina ng aking loob. Kasing hina ng aking bulyaw. Dahil mukhang kahit anong aking sigaw, Sarado ang iyong pandinig.
Mahina man ay paulit-ulit kong isisigaw, Mahal pa rin kita, Kahit ako'y 'di mo rinig. Paulit-ulit kong isasambit...
Mahal pa rin kita.
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
------------------------------ SAVAGEBLOSSOM Wattpad2018 All Rights Reserved --------------------------------
