Hindi ko man masabi ang nadarama kong ito sa iyo,
Sana madama mo sa bawat liriko ng tulang ito
Ang lahat ng ninanais ipabatid ng pusong ito.
Sana mabasa mo ito sa panahong nakatakbo na ako
Sa masamang panaginip na idinulot mo.
Malalim ang sugat. Kahit anong gamot, Hindi tumatalab. Parang apoy lalong lumalagablab.
Sabi nila, Oras ang katapat. Panahon siyang magdidikta Paghilom ng sugat na iniinda.
Ilang beses ba akong nadapa? Bakit mas lalong lumalala? Babangon at muling madarapa. Parang lagi na lang sinasadya.
Mas lalo lamang atang humahapdi, Paglipas ng mga araw hindi ko na mapipili. Mabilis pa sa hanging dumaan. Ngunit hindi ito nagamot kailanman.
Paano nga ba ito hihilom? Gayong nasa loob ang tunay na galos. Hindi makita 'pagkat sa loob ito tumagos. Tanging ako lang siyang magpapahilom.
Lumaklak na ng alkohol. Sinubukan na rin ang katol. Kailan nga ba ako hihilom? Kapag ba naging mahid na ang puso ko?
Pilit akong kumakawala. Sa sakit ng lagi mong pagbalewala. Siguro nga'y kahit anong gawin. Kung 'di pa handang tanggapin, Hindi ito kailanman mawawala.
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
-------------------------- SAVAGEBLOSSOM Wattpad2018 All Rights Reserved -------------------------
