Hindi ko man masabi ang nadarama kong ito sa iyo,
Sana madama mo sa bawat liriko ng tulang ito
Ang lahat ng ninanais ipabatid ng pusong ito.
Sana mabasa mo ito sa panahong nakatakbo na ako
Sa masamang panaginip na idinulot mo.
Unti-unti nang nawawala. Pag-ibig na akala 'di mawawala. Bigla na lang hindi nadama, Hindi na pala masakit kapag nakikita ka.
Unti-unti nang nawawala. Mga bakas ng iniwan mong marka. Sa puso ko na dinaanan mo lang. Kailangan din na kalimutan na lang.
Unti-unti nang nawawala. Sakit na akala ay nakaukit na. Mawawala rin pala, Mga sakit ng ala-ala.
Unti-unti nang nawawala. Mga bakas ng ating pagmamahalan. Sa pagtingin kong muli pabalik sa ating nakaraan. Hindi ko na madama ang dating nararamdaman.
Unti-unti nang nawawala. Hindi sa salitang nawawala. Kundi sa salitang mahal ko na muli. Sarili kong nawala nang minahal kita.
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
SAVAGEBLOSSOM WATTPAD2018 All Rights Reserved -------------------------------
