Hindi ko man masabi ang nadarama kong ito sa iyo,
Sana madama mo sa bawat liriko ng tulang ito
Ang lahat ng ninanais ipabatid ng pusong ito.
Sana mabasa mo ito sa panahong nakatakbo na ako
Sa masamang panaginip na idinulot mo.
Hayaan mo na ako ritong mag-isa, habang ika'y nar'yan at nagpapaka-saya. Tanggap kong ika'y may bago na, Sadyang hindi lang matanggap na ika'y naka-limot na. Paano ko sisimulan ang pusong dinurog mo noo'y buo na. Akala ko'y ikaw na ngunit hindi pa pala. Hangad ko ang kaligayahan mo kahit hindi ako ang nasa piling mo. Sana'y kamtin mo ang mga pangarap mo, At matuto ka sa mga ginawa mo. Malaya ka na mahal ko, kahit nanatiling wasak ang puso ko. Hindi na muling mangangarap, na sana tayo ang magkayakap. Sa tuwing ako'y aasa, Sadyang lungkot lamang ang dala. 'Pagkat tanggap ko na, puso mo'y laan sa iba. Paalam mahal ko, salamat dahil minsa'y naramdaman ko, Pag-ibig mong minsan sa akin ay napadako.
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
