Infernio Academy 2: Hell To Pay

Chapter 3: A life saver

Multimedia: Risei

Chapter theme: Ruelle - Take It All

⪼ H A D L E Y

Napasigaw ako nang makitang tumatakbo na si Risei papalayo nang sigawan siya ni Shai, takbo lang siya nang takbo at hindi lumilingon. Mula naman sa kaniyang likuran, may mga taong iisa lamang ang pamamaraan ng takbo ang humahabol sa kaniya. Kinabahan ako sa nasasaksihan. I took a step forward dahilan para muntik pa akong mahulog. Hinawakan ni Newt ang braso ko at hinila ako pabalik. 

"Bumaba na tayo." Kahit ang kalmadong si Silver ay hindi na naitago ang pangamba sa boses. Bumaba siya gamit ang hagdanan at sinundan si Risei habang kami ay nakasunod sa kaniyang likuran. 

"Ordinaryong tao pa ba sila?" Rinig kong tanong ni Shaiala habang tumatakbo kami. Nangunguna na ngayon si Blake dahil alam kong sa aming lahat, siya ang pinakanag-aalala para kay Risei. 

Ang dilim na nang paligid. Nag-aagaw sindi na ang mga poste ng ilaw kaya naman paminsan-minsan ang nangangapa kami sa dilim. Hindi namin alam kung nasaan na ba kami, kung anong daan na ba itong tinatahak namin. As long as naririnig pa namin ang mga yabag ng paa ng mga humahabol kay Risei ay nakasisiguro akong tama lang itong tinatakbuhan namin.

Nagulat ako nang may dumamba sa akin mula sa gilid. Nagpagulong-gulong kami parehas sa madumi at malamig na kalsada. Napahinto si Newt dahil roon habang ang iba ay hindi na napansin ang nangyari. Pilit akong sinasabunutan ng babaeng dumamba sa akin kaya naman mabilis inabot ang mukha niya at kinalmot. Napasigaw siya sa sakit at napahawak roon. Ginamit ko ang pagkakataong iyon upang itulak siya at sipain ng malakas sa sikmura. 

"Kaka-manicure ko lang. Epal ka." Sinipa ko siyang muli sa sikmura at sumuka naman siya ng dugo. 

Newt approached me, the concern in his brown eyes were visible. Ngumiti ako sa kaniya para ipaalam na ayos lang ako. "Tara na. Baka makalayo na sila." Inabot ko ang kamay niya at hinila siya upang tumakbo muli. Hinanap namin ang aming mga kasama ngunit mukhang nakalayo na sila. Hindi ko man sila makita, naririnig pa rin namin ang mga tunog ng kanilang mga sapatos na humahalik sa kalsada.

"Stay close. Don't let go of my hand." Hinigpitan ni Newt ang pagkakahawak sa aking kamay. Kung normal na pangyayari lang ang mga nasasaksihan namin ay malamang kinilig na ako. Pero hindi e. Iba ito. Hindi namin alam kung normal pa nga ba ang mga taong iyon. Kasi ang mga mata nila...blangko. Iisa ang mga kilos nila na para bang isang controller lang ang nagpapagana sa kanilang lahat. Nakakakilabot.

Anong nangyayari sa Del Fuego?

⪼ R I S E I

Rinig na rinig ko pa kanina sila Blake mula sa likuran ngunit ngayon wala na. Hindi ko na sila makita o marinig. Ang tanging natira na lang ay dalawang babaeng pilit akong hinahabol. Pagod na pagod na ako dahil ang layo na ng aming tinakbo pero para sa kanilang dalawa ay parang wala lang ang tinakbo namin. Nilingon ko silang muli. They're chasing me with emotionless eyes and smirk on their pale lips. 

What the hell is happening? Were they drugged? 

"Damn it!" I cussed as I tripped on a big rock. Nadapa ako at nakagalos pa ang palad at tuhod ko since nakasuot ako ng dress ngunit mabilis rin akong bumangon at hindi na pinansin ang nararamdamang sakit. Napangiwi ako at pinagpag ang aking palad at damit. Ngayon, nasa harapan ko na ang dalawang tumigil na sa pagtakbo matapos akong madapa. Unti-unti silang lumalapit sa akin habang ako ay nakatayo lang at hinahanda ang aking sariling lumaban. 

"Pakibilisan ang paglalakad, naiinip ako." I said impatiently and tapped my flat shoes on the road. 

Tila ba naintindihan nila ang sinabi ko kaya naman heto silang dalawa ngayon at pasugod na sa akin. Akmang hahawakan na nila ako ngunit hindi iyon natuloy nang sanggain ko ang kanilang atake gamit ang magkabilang braso at kamay ko. Napaatras ako at napakagat sa aking labi.