“Debate at Search for Miss PolSci: Beauty and Brain.” Iyon ang nakapaskil sa kanilang Bulletin Board ng pumasok ang magbabarkada.
“Ito ang pakulo ni Ram?” si Elle.
“Puwede kang sumali diyan sa Search for Miss PolSci, Elle.” Pagbibiro ni Kit.
“Sana lang. Pero ikaw Heidi, bakit hindi ka sumali?” si Elle.
“Pwede ba? Anong kala niyo sa akin uto-uto.” Banas na sabi ni Heidi.
“Oo nga Heidi sali ka, tingnan mo, judge si Ken Carvajal.” Ani Patty at tinuro ang nakasulat na pangalan nito.
“Holy Shit! Pa’no nakuha ni Ram ang commercial model na ‘yon.”
“Barkada kasi siya ng kuya ko.” Si Ram na biglang sumulpot sa kinaroroonan nilang magbabarkada. “Ayaw mo niyan Heidi, baka madiscover ka.”
“Oo nga Heidi, this is your chance to shine.” Ani Elle at inaksiyon pa ang mga kamay.
“Sa tingin niyo?” nagdududang sabi Heidi.
“Oo naman.” Si Kit.
“At iilan lang ba ang magaganda sa Pol Scie, tayo-tayo lang naman,” si Tina. “At for sure hindi kami sasali.”
“Bibigyan ka naming ng daan para sa ‘yong stardom.” Si Elle at inaksiyon muli ang mga kamay na parang mga bituing nagkikislapan.
“Sige jojoin ako, basta friends, you will support me.” Ani Heidi na ginaya pa si Nora Aunor.
“All the way friendship.” Ani Tina at pumalakpak ito na sinundan naman ng buong barkada.
“Turuan mo ako mamaya Patty ng catwalk.” Si Heidi.
“Sure.” Panigurado ni Patty.
“By the way, meron pa nga pa lang debate,” si Ram na sumingit. “isang grupo pa lang ang nagpaparegister. Sali naman kayo.”
“Ayaw ko na, sawa na ‘ko sa debate.” Si Tina.
“Please, Sali na kayo. May additional grade na ibibigay ang lahat ng teacher natin, even sa minor subjects.”
“Kahit sa Physics?” alinlangang tanong ni Elle.
“Kahit sa Physics.” Si Ram
“Sure ka, join ako diyan.” Si Elle dahil kailangan niya ng additional points sa Physics dahil lagi siyang bokya rito sa recitation
“Ikaw Tina, sumali ka na rin, para naman maiba ang impression sa’yo ni Myles.” Ani Ram at natawa ito. “Kasali kasi siya.”
Nagpantig ang tenga ni Tina sa narinig. Palagay niya ay nakuwento na ng kumag na ‘yon ang nangyari sa kanya sa hagdanan.
“Tsismosong unggoy na ‘yon.” Mahina niyang sabi na siya lamang ang nakarinig. “Sige sasali ako.”
“Pati na rin ikaw Kit, tatlo kasi ang kailangan sa isang group.”
Sumang-ayon naman agad si Kit.
“Moral support na lang ako.” Si Patty.
“Punta na kayo mamaya sa Office para magpalista.” Ani Ram at umalis na ito.
Kinagabihan, halos hindi mapakali si Heidi. Wala itong ginawa kung hindi ang maglakad ng maglakad sa loob ng maliit nitong silid habang nakaharap sa salamin at walang tigil sa kakakaway na animo’y beauty queen habang sinasabayan pa ng emote.
BINABASA MO ANG
University Blues
RomantizmAnim na Kabataan. Isang Paaralan. Pagkakaibigan. Pakikipagsapalaran. UNIVERSITY BLUES.
