Ito na naman
Ako muli ang 'yong unan
Sa damdamin mong nabibigatan
Ako ang sasalo sa lahat ng 'yong nararamdaman
Ako ang unan
Na sasalo sa puso mong muli na namang nasaktan
Ako na naman ang unan
Na pansamantalang magigi mong takbuhan
Takbuhan ng mga luha mong nag-uunahan
Ang mga luha mong paulit-ulit na lang
Na bumabasa sa dibdib ko na siya ng nagi mong unan
At panyo
Ako na naman ang panyo
Ito na naman ako
Ito na naman tayo
Ito na naman ang mga luha mo
Na sinasalo ng dibdib ko
Na nagsisilbi mong panyo
Sa bawat sandali na nagdurugo
Ang puso
Nang dahil sa isang tao
Isang taong 'di makita ang halaga mo
Na 'di ka mapahalagahan na kagaya ng pagpapahalaga ko
Isang taong mahal mo
Ang taong mahal mo
Pero 'di kayang ibalik ang pagmamahal mo
Ito na naman ako
Umaasa na makikita mo
Na nandito lang ako
Ang taong nagiging balikat mo
Ang taong nagiging tenga mo
Ang tao na handang maging sandalan mo
Ang tao na handang makinig sa lahat ng kwento mo
Kahit na sakit lang ang dala nito
Sa puso ko
Sa puso ko na patuloy na umaasa sayo
Umaasa na mapansin mo
Na nasasaktan ako
Pag nandito ka sa piling ko
Pag nandito ka sa tabi ko
Pero 'di ko magawang sabihin sayo
Na sana dito ka na lang sa tabi ko
Na manatili ka na lang sa piling ko
Na sana ako na lang ang piliin mo
Na sana ako na lang ang mahalin mo
Na sana ako na lang ang mahal mo
Na sana di na lang ako isang kaibigan mo
Kasi mahal kita, kaso
Pansamantala mo lang ako
BINABASA MO ANG
S.O.S (Screams Of Silence)
ŞiirMga tula ni JonMakuDesu also known as TheLastKid Sana magustuhan kahit ang mga ito'y trip trip Lang