مسيرون

2

#مسيرون2
Shahd Almsalman
مثل كل روحة النا لبيت خالي ننعزل اني ومينا عن الكل ونكعد نسولف ونحجي بكومة شغلات كلش وحدة مقربة من الثانية وطبعا دائما نريد نتخلص من موضوع انفرض علينا ونتمنى نكمل دراستنا حتى نستقل ونعتمد على نفسنا
بالبداية جنا نلوم خالة صابرين اللي بيبي وجدو وحتى امي وخالو اتبرو منها لان درست واختارت حياتها وحبت واحد هي راغبتة وتزوجت بدون موافقتهم وجبرتهم انه يقبلون بي
بس كلما نكبر نحس بيها اكثر ونفهم ليس هيج هي اتصرفت
احنا عبارة عن قطع ميكانو مجرد قطع تكميلية وكل قطعة بينا تنحط بمكان مخطط الة ومحدد وممنوع تكون بمكان ثاني حتى لو جان ممكن هالمكان ينطي جمالية اكثر او يكون احلى من المكان الاول ..

- مينا
- نعم حبي
- اريد اسألج سؤال بس جاوبيني بصراحة
- اي اكيد
- اممم باعي اني مدا احجي هيج لان هو اخويا بس ليش متحبين ضياء ؟
- شنو هالسؤال الغريب!!
- مو غريب بالعكس
- لا غريب لان المفروض انت تعرفين مالنا حق نختار او نحب الشخص النكمل حياتنا وياه
- بس ضياء حباب
- وفهد هم حباب
ليش مدتحبي ؟
- لأن ..
- شفتي
مودة حبيبي الموضوع ما الة علاقة باخلاق الانسان او معرفتج بي او حتى حباب او مو حباب
الموضوع مشاعر اكو شي بداخلج يتحرك لانسان معين حتى لو متعرفين شي عنة انطيج مثال
- اي
- انت دتتفرجين تلفزيون جان اكو ممثل يطلع بمسلسل تركي خبصتيني بي تتذكري
- ايييي مراد فدوة لله
- شفتي شلون كلتيها بلهفة وعيونج لمعو وطرتي من الفرح برغم انت متعرفي ولا حاجية وياه ولا حتى هو جميل لدرجة تخليج هيج معجبة بي بس بالنهاية هو عجبج وتحرك شعور بداخلج الة بغض النظر عن انه هو تمثيل او دور ومو حقيقة
وهالشي ينطبق على اخوية واخوج انت تعرفين كلش زين هم خوش ولد والنشوفة كدام عيونا شكد هم حبابين بس ماكو اي شعور ماكو اي شغف ماكو شي ممكن يشدج الة بحيث يخليج تكولين هالشخص مو عادي بالنسبة الي
- ما ادري يعني انت من تتزوجي مراح تفكرين تحبي ابد او تغيرين فكرتج عنة
- هههههه حبيبي افهميني الموضوع مالة علاقة بالتفكير و لا حتى اني ماخذة عنة فكرة مو زينة الموضوع هنا بالقلب بالروح مو بالعقل ابد
- لعد اهلنا شلون تزوجو وكملو
- اهلنا مثلنا اهلهم خططو لحياتهم ومالهم حل ثاني غيرة ولا يكدرون يكولون لا وهو هذا العقل
زواج بدون مشاعر او قبول هذا نوع من الاجبار
- يعني اهلنا ما اعتقد هيج يفكرون امي تحب ابوية اشوفها تحضرلة هدومة اكل كل شي يريدة تسوي الة يعني ممقصرة وياه
- بس هذا مو حب هذي اسمها واجبات تجاه زوجها او شي مطلوب منها
مثلا حسيتي بمرة هي خايفة علي لان هو عندة افلاونزة
- اممم يعني هي تنطي دوة الها اكيد
- خااايفة خاايفة مو تنطي علاج وخلص
زين حسيتي مرة هي ضايجة لان جانت لابسة وكاشخة وطالعة بس هو مكاللها شي حلو او ما انتبه الها
- امي تكول هاي شغلات تخص النسوان حتى اسيل هم نفس الحجي تكول
-لان اسيل اختج ولينا اختي وامي وامج كلهم نسخة وحدة يرضون بالمكتوب وانتهى
-وانت مراضية ؟
- لا اجذب عليج اذا كلت اي
- وشلون لعد ؟
- ما اعرف اني ما بيدي شي بس ادعي انه تصير معجزة حتى تتغير كل هالخطة
صدكيني اني ما اريد اتزوج ابد اكدر ابقى هيج احسن ما كل حياتي انظلم بشي مختاريتة
- ولج مينا ترة هيج تحجين على ضوة العين (ضياء)
- هههههههه لا والله بس احجي عن الوضع كلة
- الله كريم مندري شنو ممكن  يصير كل شي يتغير بلحظة
- اكيد
-  واذا تجين للصدك امنيتي اكمل دراستي واتعين واجرب شغلات ممجربتها قبل اعيش عمري مثل ما هو بدون قيود والزواج راضية بفهد بس مو هسة ولا بهيج طريقة ..

هذا جان حديثنا هالمرة لان بعد سنة يخلص ضياء كلية ويتخرج ويتم زواجنا كلما يتقرب الموعد اختنك اكثر واكثر
مدا اتقبل هالفكرة حتى من جنا صغار ويكولون مينا لضياء مجنت احس احبة بس مجرد ابن عمتي وخلص وطبعا اني ما اعرف شنو يحس تجاهي
صار كل الاتمناه حياة حلوة ويا زوج اختارة واكون مخلصة شهادة حتى اولادي يفتخرون بية ما اريد اكون نسخة من امي وامة واصير تعيسة ...