مسيرون

8

#مسيرون8
Shahd Alsalman
الكل انتبه على تصرفاتي شكد متغيرة وشكد صاير نشيط واتفاعل وياهم وحتى اهتم بنفسي ولبسي اكثر من قبل برغم اني ما قاصر بس زاد عن اول
و احس عيون الكل علية وخاصة امي وما اريد احد يعرف شنو السبب وليش هيج اني
اي اني احب وعايش حالة ما ممكن اعيشها ولا حتى جربتها قبل بس ويا منار اختلف الوضع
متطلع من تفكيري وطيفها ميفارك خيالي اشتاقلها هواية حتى من احنا سوة ما اريد اعوفها صرت احب النهار واول طلعة الشمس لان حتجمعني بيها واضوج من الليل بعد ما جنت اعشقة وانتظرة بس لان هو يخلص يومي وياها كمت ما احبة ..

غيرتلي كل شي بية ونسيت وياها نفسي والتزاماتي كل شوية ادزلها رسالة واعتقد هي هم نفس الانجذاب الي يعني متقل عني بس ما تكول ولا تبين مثلي اني عيوني فضحتني وابتساماتي وحتى غيرتي عليها احس نفسي مثل الفراشة تدور داير الضوة اللي يدفيها ..

صار موعد سفرة الكلية ولاول مرة البس لبس كاجوال يعني لبس سبور وما بي اي تكلف وكلهم بالبيت سالوني ليش هيج لابس وكتلهم رايح سفرة كلية استغربو
من جنت صغير ما اروح لا سفرات ولا حتى مسموح الي يخافون عليا ومن كبرت شوية صارو يخافون من موضوع الخطف باعتباري زنكين والكل يعرفنا
سلمت عليهم وطلعت وقبل لا اطلع
- ضياء
- نعم امي
- مر على مينا واخذها وياك
- مينا !
- اي انتو مو طالعين سفرة
- اي بس هاي حجز وما اكدر اخذها وياية
- وشنو يعني اخذها بسيارتك و الحكو جماعتكم
- ما اكدر اني متفق وياهم حتى نروح بالباصات ومالي خلك اسوق يلة مع السلامة اتأخرت

خلصت من امي واحسها شاكة بشي بس مدا اكدر اسيطر على مشاعري ولا تصرفاتي ما اكدر اضم اكثر هالراحة الاحسها بعيد عن كل القيود اللي محكوم بيها
وصلنا المكان وكل مجموعة توجهت لشي اللي راح الالعاب اللي ركب العبارة واللي كضاها طوبة او مسابقات يعني بعد كل واحد بيهم اتونس بالطريقة اللي تعجبة
اما اني عيوني ورة منار وين متروح رحت عليها وسحبتها من بين البنات بكل هدوء وتمشينا سوة نسولف ونشاقة ونضحك جانت تضحك على كل شي اكولة بس اني اضحك لضحكتها اللي من كلبها
اشتريتلها شعر بنات وكعدنا على مصطبة
-ضياء
- ها عيني
- عوف المصطبة وتعال نكعد ع الحشيش والثيل جرب هذا الاحساس
- يا احساس
- انك ترتاح
- بس اني مرتاح هنا
- دتعال وراح تفهم شقصد
كعدت وهي كعدت مقابيلي متربعين اني وياها وبيدنا شعر البنات وعيونها تنتظر اللي حسيتة من كعدنا
- عندج حق
- ها وصلك الاحساس
- ما احس نفسي متقيد وماخذ راحتي كأنه رجعت لايام الطفولة
- هو هذا بالضبط متهتم لكل شي تفكر ممكن يتوصخ بنطرونك او يشوفك احد كاعد بالكاع باختصار الموضوع بساطة بدون متحسب لشي
- منار انت كارثة
- ها عاد كارثة
- اي كارثة بشرية مستعدة تحولين هالكون وردي بلحظة بمجرد ما تضحكين
كلماتج كلها امل وسعادة والمقابل يحس بيها غصبا عنة ويتعدل مزاجة شكد ميكون متعكر
- لازم واحد يفكر بالامل لان يدفن نفسة بالحياة اذا يظل كئيب او يفكر زيادة عن اللزوم بعدين تعال هنا
- اي هياتني
- هههههههه
احنا حنكضيها كاعدين هيج كوم خلي نلعب
- هههههه اني !! العب ! مستحيل
- ديلة كوم
- وين صدك تحجين
- اي صدك احجي احنا طالعين نتونس ونكمز ونلعب ونغير جو
- بس اني ما اصعد العاب ما اعرف
- اريدك اليوم تعوفلي نفسك
صفنت شوية وهي تباوع علية بكل حماس ومتأملة انه اكول اي
- اني ملكج اليوم و عايف نفسي الج
-هييييي واخيرا
يلة اركض وياية
ركضت كدامي واني وراها اركض ووكفتنا يم لعبة المكص طبعا احس بالقلق متعودت اترك نفسي لشي بهيج طريقة بس ثقتي بيها خلتني اكعد واني مستسلم
بدت تتحرك اللعبة وصار صريخ من الموجودين وهي تكلي ضياء صيح بالاول مجنت احس انه اريد اصيح بعدها من بدا تعلى وتنزل مثل حركة المكص صحت بس صياح فرح صياح سعادة وهي تصيح وتضحك صفنتي وصياحي وياها نساني شكد صارت عالية اللعبة
نزلنا واني احس بانتعاش وهي تضحك وفرحانة بس تمشي بقلة توازن مثلي دتنزل ومالت شوي لزمتها وشديتها الي ضحكت هي وكالت يمة ردت اوكع
سكتت لمن شافتني صافن على وجهها
اخذنا لحظة تعادل سنة من عمرنا كل نظرة منها لعيني بيها الف كلمة والف احساس وكل نظرة مني لعينها تكول اني وكعت بحبها وما انتظر اكثر حتى اعترفلها ..