مسيرون

25

#مسيرون25
Shahd Alsalman
جنت طايرة من الفرح لان عرفت كل شي صار ويا ضياء ورجعلي وفرحت اكثر بموافقة امي واحساسها بية صح بالاول جانت معترضة بس بعدها لانت
رجعت احجي ويا ضياء احس الروح ردت بية
كل شي مثل اول رجع بمكانة وعوضني عن ذيج الايام الصعبة يمكن مرات اني اكون لئيمة وياه بس انسى كل شي بمجرد ما اسمع صوتة وما انكر برغم مصدكة كل الحجي لكن مرات اغار علي من مينا وبعدها ارجع واكول هي مراح تبقى وياه اول تالي هو الي وبالنسبة الها هو ابن عمتها واخوها مو اكثر
ما بقى شي وتخلص سنة ابوية ومن بعدها ضياء يوفي بوعدة ويجيب اهلة بس لحد هالوكت اني منتظرة اشوف شحيسون وشلون يقنعوهم ..

جان وكت عصر تقريبا ساعة 5 دك تلفوني مينا
-  الو
- هلو منار شلونج
- هلو بيج مينا الحمدلله انت شلونج
- الحمدلله
- خما نايمة
- لا حبيبي كولي
- اني دكيتلج حتى اكلج وابشرج اهل ضياء قبلو بزواج ضياء بس حسب الخطة مكنالهم انت المقصودة كلنا بعد فترة يكللهم لكيت وحدة واخطبولي
- صدك والله
- اي والله ما بقى شي وتنجمعون
- الله يبشرج بالخير
- بس اكو شرط
- شنو الشرط ؟؟
- ما يطلكني وابقى على ذمتة
- ...
- اعرف ضجتي وصعبة عليج بس شسوي بعد اني مو بيدي شي وجان لازم نوافق حتى يوافقون هم اذا كلنا لا راح تظل الشغلة تطول وتجر وقت
- اي صحيح بس اني ما عندي اعتراض خاف امي تحجي شي
- ليش تحجي منار اني ما اعني شي لضياء وانت تكدرين تقنعيها اريدج تقدرين موقفي شوية واهلي ميحبون مرة ترد لاهلها مطلكة عاد انت تعرفين الوضع وراح اعزل نفسي عنكم وانتو عيشو براحتكم منا لحد مندبرها واتطلك بس المهم تنجمعون بالاول
- ماشي حبي لعد حكول لماما
- تمام يلة حبيبي اروح اني سلميلي ع الكل
- يوصل حبي
بعد اتصال مينا بية حسيت بالخنكة لان هالشي ممكن يخلي امي تعارض وبصراحة اكبر الغيرة مسيطرة على مشاعري وافكاري
جتي سارة للغرفة وحجت وياية صح هي اصغر مني بس عقلها جبير وحجيتلها الصار وشكالتلي مينا
- هسة اللي افتهمة منج انت غيرانة منها
- الصراحة اي
- منورتي حبيبتي انت عقليها يعني هي لو تحبة او عدها شوية شعور تجاهة ولو بس اعجاب حتخلي يروح منها او تحاول وتسعالكم حتى تنجمعون
- اعرف بس يعني ...
- بس يعني شنو ترة هي الوحيدة اللي متضررة انت حتعيشين ويا الشخص التحبي وضياء حيرجعلج ويحقق حلمة وياج واهلة مراح يريدون الا سعادة ابنهم وتبقى هي ملامة على كل شي من قبل وبعد لا تتزوج ابن عمتها هي متبهذلة ومستقبلها ضايع فلا تلوميها انت هم وتكعدين تتضايقين من وجودها بحياتكم لولاها هي مجنتو ترجعون لبعض
- صحيح
- شغلي عقلج لا تخلين المشاعر السلبية تتحكم بيج انت تحبين واللي يحب ميعرف ياذي المقابل وكلبج جبير
- ان شاء الله
ودخلت مرحلة ثانية من اقناع امي وبصعوبة اقتنعت جان اكثر شي مخوفها انه ما ارتاح وياه او ويا اهلة وهسة صار موضوع مينا  ...

بعد ما طلعت السنة صار الموضوع رسمي واجتي امة وخواتة وياه ومينا بعد ما بلغهم ضياء عني شافوني و تعارفنا امة مبينة قوية ومتسلطة او خلينا نكول متحكمة وكلمتها مسموعة
بعد شهر تقريبا صارت خطبتنا جنت اتمنى بابا يكون موجود ويحضر خطبتي ويفرحلي بس احس بكسرة جبيرة كلش برغم اهلي وضياء ممقصرين وياية بس يبقى مكانة خالي كلش واكيد عماتي استغربو من موضوع انه اتزوج شخص متزوج والاسئلة متخلص  ..
مطولنا فترة الخطوبة ولو هي جانت احلى ايام عشتها ويا ضياء كلش جنا متونسين واتعود على اهلي واهلي اتعودو علي وصار صديق اخوية كلش واني هم تقريبا تعودت على اهلة بس هم ما اعرف مرات احسهم وياية ومرات لا
حددنا موعد العرس وممصدكة طايرةمن الفرح اللي حلمت بي طول عمري حيصير اتزوج شخص احبة وكلبي رايدة ومتفاهمة وياه برغم الظروف المرينا بيها بس زاد حبنا وتخطينا ذيج الفترة الصعبة
مينا بالعرس ما اجتي بلغتني بالتلفون انه اهلها كلش متضايقين وامها صاعد ضغطها والظاهر صايرة مشاحنات بين امها وبين ام ضياء
جان العرس حلو ومثل منريد وضياء فرحان واني مثلة بحيث اول ما فتنا البيت بعد ما زفونا حضني ويبجي ممصدك انه صرت مرتة وبين احضانة ..