مسيرون

18

#مسيرون18
Shahd Alsalman
- بس انت مسمعتيني وحكمتي علية وعلى نفسج ذنبج بركبتي حيظل ليوم الدين
- لا يظل ما بيناتنا شي وكل اللي صار جان عبارة عن علاقة عابرة وتجربة فاشلة واني السبب لان انطيتك مجال ودخلتك حياتي واختاريت انسان مثلك
- اسمعيني خليني احجيلج كل شي
- الوقت اللي جان لازم تحجي بي انتهى ماكو شي يوكف علمودك ولا كل الدنيا ملك لحضرة جنابك كل شي الة ساعة وساعتك خلصت وانتهت 
واذا هامك شكلي واللي صاير بية وذابحك ذبولي فلا تتخيل ابد حيكون علمودك
انت متت باليوم اللي مات بي ابوية الفرق انت بيك الروح بس ميت بداخلي وهو فاقد روحة وعايش بية
- ابوج توفى ؟؟؟
- ميخصك بس دا احجيلك ليش اني هيج حتى لا يوديك خيالك لابعد من هذا
ومدامك تزوجت اريد اكلك شغلة وحدة لا تخدع احد بعد لان اذا اني اسامحك يجوز القبلي والبعدي متسامحك واذا سامحوك الله ميترك حقنا بيك

تركتة ورحت وعفتة بصدمتة من كلامي اللي ما ممكن يخلص بداخلي شعور غريب
راحة لان شفتة  من بعد كل هالمدة اللي مرت علية كانما سنين
وغضب وكره لان خدعني واذاني
هلكد ما حبيتة ما كدرت اقسى علي بالحجي برغم الكلتة جان قاسي واكيد ما يوفي نص اللي حسيتة بغدرة الي

جاي يريد اسمعة بعد ما موتني بيدة بعدها صفنت وكلت هو اساسا مجاي علمودي لوما هاشم جان بقى خاتل ورة اتصالاتة ومسجاتة ولو بس شوية طالعة من وكت ومتلاكينا بهاي الصدفة هم مجان دور علية ولا سأل عني
رجعت للبيت وشفت امي تبجي بغرفتها حضنتها وبجيت حيل من كل كلبي عبالك اليوم توفى بابا وعبالك اليوم اتفاركنا اني وضياء
ومن كد ما بجيت وانبح صوتي امي سكتت وهي اللي حاولت تهديني لدرجة حسيتها فاهمة شبية ومن شنو دا اتوجع ..

مرت الايام بصعوبة وكل ما احاول انهض بنفسي واكول اوكف على حيلي يرجع ضياء يدك لحد ما كتلة لاخويا يغيرلي الرقم وغيرتة حتى ما نزلت اي برنامج بعد على جهازي مسحت كل شي اريد بس اصفي بالي وارتاح من التفكير
خلصت من دكاتة ومسجاتة كام كل فترة يجي للكلية واني بكل برود اعاملة اسكت ما احجي اي شي واتركة او اتهرب منة وطبيعي البنات عرفو اللي صار بيناتنا بس ولا وحدة لامتني او ضوجتني بشي بالعكس صارو يدعون علي ويتمنولة الاذية حتى ما يسلمون علي ولا يعبرو ..
بمحاضرة من المحاضرات حسيت نفسي كلش تعبانة ومختنكة استأذنت من الدكتور اطلع وطلعت ايات وياية جابتلي مي وعصير وكعدت ع المصطبة اشم هوا ارتاحيت شوية واني صافنة وموجهة نظري للسما سالت ايات
- ايات اذا طلبت منج تحجيلي شي بصراحة حتجاوبيني؟
- حجاوبج بدون متسالين
منار تعرفين اني اختي ليش بيها حالة نفسية ومتاذية ودائما جنت اجي مهمومة واكلج وحتى البنات يدرون انه تالا متخربطة او تعبانة
- جنتي تكولين لان جانت تحب واحد واهلة ما قبلو عليها
- اي وهم اهل ضياء نفس اهل سدير
- سدير مو اخو ضياء ؟؟
- اي
- وليش مكتيلي من الاول
- حاولت انبهج بس ما اكدر احجي بصراحة لان يمكن ضياء يختلف عن سدير ويمكن جان الموضوع شخصي ويا اختي واهلة ما ردت اخرب بيناتكم على كد ما حبكم جان صافي وحلو جنت اتمنى ما تنخذلين ولا تتوجعين هيج بس طلع ماكو فرق
- و سدير ليش مدافع عن تالا وحبة الها ؟
- لان ميكدر يعيشها اهلة حاربو من كل النواحي ومن كاللهم اني ما اريدكم واريدها طردو من الشغل والبيت وصار حالة اتعس من الفقير رجعلهم مذلول وترك اختي كاللها حتى لو اتزوجتج راح ياذوج وما اكدر اكمل وياج و من يومها هي بحالة نفسية صعبة سنين مرت وهي بعدها تحبة وتريدة ومتتقبل غيرة لان تالا مو مثلج عاطفية بشكل مفرط لدرجة تخليج تحسيها اضعف انسان بالكون هي ..
- اني بس اسأل نفسي دائما اذا ضياء يدري بنفسة مو الي ولا ممكن بيوم اكون الة ليش لوث كلبي وخلا مشاعري تتحرك وما تهدى كل يوم بيها نار اكثر من القبلة
- ما اعرف جواب هالسؤال عندة هو وحدة
- وتتصورين اذا عرفت الجواب راح يفيدني بشي هسة او  راح اكون مرتاحة ع الاقل
- لا راح تتعذبين اكثر لان ثقتج انهزت بي ومراح تصدكين اللي يكولة حتى لو جان هو الصدك ..