مسيرون

30

#مسيرون30
Shahd Almsalman
من دزني ضياء لبيت اهلي واني ممرتاحة دكيتلة بنفس اليوم بس ميجاوب بعدين ورة وكت طويل دك علية وصوتة مخنوك ومبحوح خوفني
- شبيك ضياء ؟؟
- .....
- الوو ضياااء
- تعاليلي للمستشفى
- يا مستشفى شصاير وياك
- تعاليلي منار مينا مينا
كام يبجي ويحجي كلشي مفتهمت منة رحتلة للمستشفى اللي كالي اسمها خليت دانيا يم امي وطلعت وصلت لكيت اهلها واهلة وهو واكف هدومة مليانة دم ومنهار وامها بس تبجي وترجف اول مشافني حضني حيل وبدون اي حجي حضنتة
بعدها سالتة شبيك شصاير هنا مجاوبني اخذتة وكعدتة وسالت امة تبجي وتكلي مينا اندعمت بسيارة وبالعمليات هسة حالتها صعبة و طلبت مني ادعيلها
بقيت صافنة ودموعي تنزل عليها متستاهل هي الا كل شي زين ومدا اكدر اسالهم شون صار كل هذا بعدني مصدومة بكلامهم طلع الدكتور واجة قريب منا كلهم اتوجهولة
وكال مينا بيد الله امها رأسا وكعت بالكاع وتلطم وابوها يريد يفتهم شنو قصدة وبدة يشرحلهم على جسمها عدها كسور بالايد والحوض وارتجاج بالمخ ونزيف داخلي باكثر من منطقة والكلة متأثرة كلش لدرجة انه جان لازم يستأصلوها صايرة عبارة عن قطع متناثرها بخاصرتها
كلنا نبجي على وضعها وحالها وكاللنا العملية تطول ويا تعيش يا تموت وطلب منا نحضرلها دم لان فقدت اثناء النزيف هواية
رجع لغرفة العمليات وبلشنا نستجمع كل قوتنا ورحنا حتة نتبرعلها اني وضياء وامها وعمتي ام ضياء حسب تشابه الزمرة
العملية طولت اكثر من 7 ساعات واحنا ما بقى بينا حيل ابد كل البيدنا ندعيلها
طلع الدكتور والطاقم الطبي اللي وياه وكال سوينا كل شي نكدرلة وراح ينقلوها لغرفة العناية المشددة رحنا اني وضياء وياه للغرفة لان طلب شخص مقرب منها واهلها مديكدرون من البجي والحالة صعبة كلش
- تفضلو استريحو
- شكرا دكتور
- اول شي والاهم اريدكم تشدون حيلكم وياية الوقت الي راح وحد وهسة والجاي وحد لان معتمد عليكم
- يعني شلون دكتور
- بنتي المريضة حتبقى نايمة دخلت بمرحلة الغيبوبة واحنا منعرف شوكت ممكن تصحى ولهذا الوقت لازم نسوي شغلتين مهمة
- شنو هن ؟
- اول شي لازم نلكى متبرع للكلة لان هي عايشة بكلة وحدة حاليا واصلا متضررة حتى نسوي تحليل تطابق الانسجة
والشغلة الثانية اريد تتبرعون بالدم لصالحها حتى يكون عدنا كمية كافية منة
- سهلة بس شلون اجراءات طلب التبرع بالكلة

بدة يشرحلنا الدكتور عن اصحاب الدرجة الاولى اللي ممكن ينطوها الكلة اهلها واقاربها ومن بعدها نبلش بالمتبرعين الاغراب عنها او اللي يكونون مو من ضمن الاقارب ..
اتشكرنا من الدكتور وطلعنا منة ورحنا بلغنا الاهل اللي عيونهم مليانة خوف ودموع وكأنه فقدو الامل برجعتها للحياة حجينالهم كل شي والشي اللي متوقعت بحياتي ممكن يصير خلاني انصدم
ام مينا نزلت على ايدي تبوس بيها وتطلب مني اسامحها واغفرلها كل شي سوتة ويانة والشي نفسة سوتة ويا ضياء بس الفرق بيني وبين ضياء انه اني مكسور كلبي عليها اتخيلت لان جانت تعاملني بمعاملة مو زينة او تضوجني
اما ضياء جان يعرف ليش لدرجة انهار وظل يدعي عليها ويكللها انت السبب بكل شي ومفتهمنا اي شي منهم لا هي ولا هو
تركت علامات سؤالي تدور بمخي وبداخلي وما سويت اي شي لان الوضع ميسمح والاهم هسة صحة وحياة مينا
بدينا برحلة التحاليل وطبعا اهلها ينطون فلوس في سبيل يستعجلون بالنتيجة لكن النتيجة كلها سلبية ومينا صارلها اسابيع داخلة بغيبوبة ونسبة استجابتها صفر عايشة على الاجهزة الطبية والدكاترة يخافون لاتموت دماغيا وهالشي يخلينا نفقدها لمينا لان اذا طولت اكثر معناها دنعذبها قبل لا تموت ..

بيوم جنا كاعدين بالهول ببيت اهل ضياء وكلنا الصفنات والدموع مسيطرة علينا لان ماكو اي امل انه نلكى هالمتبرع سوينا دعايات جرايد ومجلات ومواقع تواصل اجتماعي وانشر واشارك بكل كروب بس ماكو فائدة
صرخت ام ضياء بأسم صابرين كلنا التفتنا عليها ورفعنا راسنا نباوعلها باستغراب اني ما اعرفها منو هي بس هم يعرفوها بدة عمو ابو ضياء يحجي وياها
- شبيج ام سدير ؟
- صابرين ابو سدير صابرين
- شبيها صابرين وشجابها ببالج
- صابرين اخر امل النا لان هي من الاقارب لازم نوصللها ونطلب منها كلية
- و تتوقعين بعد كل شي صار راح تقبل تباوع لوجوهنا لو تنطي بنت اخوج كلية تعيش بيها بقية حياتها ؟ شدتحجين انت هه

من سمعت هيج ام مينا ظلت تبجي وتكللهم اني انزل ابوس رجليها واعوضها عن كلشي بس ترجعلي بنتي
سالت ضياء منو هاي صابرين كالي خالتي وحجالي مختصر عن قصتها وكتلة امشي نروح ندورها ..