مسيرون

24

#مسيرون24
Shahd Almsalman
رحت لامي بعد اللي صار قبل يومين وشفتها كاعدة و صافنة ومبين متأثرة بكل الحجيناه سلمت عليها وجان ردها ثكيل
- ليش وحدج كاعدة هيج
- دا افكر بمصيبتك
- وليش مصيبة يا ساتر
- ضياء صدك حتطلك مينا
- اي طبعا
منو يرضى يزوج بنتة لواحد متزوج
- زين ادري مالها علاج وهيج ايستو
- امي كتلج ما ترهم بعد واني رجال الله منطيني صحة ومال ليش ما اتزوج واملي البيت جهال وعلى فرض انتظرتها مثل مكالت امها بلة منا ل 10 سنوات مصار شي شوكت الحك اشوف ابني او بنتي واكبرهم واربيهم
- يمة اني فاهمتك بس شلون وبعدين المن تاخذ الغريبة ذيبة شمعرفنا شنو هاي
- يمة كل الناس خير وبركة عود من الكى البنية اكلج عنها بس اني مدا افتهم انت زعلانة على وضعي لو حيرانة بالبنية وخاف تطلع طمعانة
- الاثنين
- ماشي اني اريدج تفكرين زين بوضعي اريد طفل وولد يشيل اسمي شفتيها لمرت خالي شلون ظلت تدعي وتتحسب برغم اني مالي علاقة هي بنتها مريضة
- شون فورت دمي ولا استحت
- حقها هم بنتها
- لا مو حقها وعيب عليها تاليها هيج تحجي
- ترة اني اكثر من مرة جنت اسمعها تحجي عليج يم مينا من جانت تجينا وتلح ع الخلفة وهي جانت تتعالج بس مسكينة ما بيدها شي
- تحجي علية ليش
- تكللها تقرة براس ابنها وتفر دماغة ومدري شنو بحيث سوتج كدامها مثل الوحش باي لحظة ينكلب عليها وجنت انبه على مينا متسمع حجي امها وهي هم خطية تسمع كلامي
- شكد منافقة ما غزر كل شي بيها
- بعد هاي هي وضميرها هسة المهم عندي تقنعيلي ابويا بالسالفة لان انت تعرفين اني بلا جهال ما اكدر معناها شغلي وتعبي رايح للهوا
- لا هسة اكلة واني احجي وياه خل تولي نجلاء وبنتها
- بنتها معليها بس هي اي
- قابل شراح تطلع بتها اكيد عليها
- يجوز
سكتت وببالها وعيونها صفنة شون تكسر خشم مرت خالي وتقنع ابويا وقاطعتها بسؤال مجان على بالها ولا على خاطرها
- يوم صدك شو انت نسيتي موضوع مهم وبديتي تخططين لسالفة زواجي
- شنسيت
- سالفة ديون ابويا شلون راح نحلها ؟؟
- يا ديون ؟ هااا اي الديون
اي مو ..
ظلت تتلعثم ومتعرف شتجاوب وتحججت انه الصار نساها هالشي وفعلا مثل ما اتوقعنا اني ومينا انه هالشغلة لعبة منهم حتى يضمنون زواجنا ..

اما مينا امها ظلت تحشي براسها حجي وتقنعها تبقى لان اذا اطلكها مالها يمي شي غير النفقة وحتى مراح تاخذهم وبنفس الوقت مرت خالي حتخسر
الفلوس وتصير بنتها بنظرها مطلقة

بعد كم يوم ابويا دز عليا اني ومينا ورحنالة وجان خالي ومرت خالي يمهم وكعدو ويانة وانطونا موافقتهم على اللي حنسوي بس وجه ام وابو مينا جان كلش عصبي وحاد
- احنا موافقين على اللي تريدة اتزوج وعيش حياتك بس اكو عدنا شرط
- شنو الشرط
- تبقى مينا بذمتك ومتطلكها
- اي بس شلون ...
- ماكو شلون هالشي منتناقش بي ابد
- عمو ميصير بعدين شكو باقية عندة هو حيتزوج واكيد اي اهل مينطو لان متزوج
- انت سكتي شكيتي بطني ببرودج
- ماما شبيج غير هو هذا الواقع
- نجلاء كافي خلينا نسمع قرارهم
احجي بابا مينا
- القرار يم ضياء وهو يكول
- ها حجيتي هدية خاتون وصار ابنج بيدة كل شي
- لعد اني اللي اطلك وازوج
- خلينا ساكتين مو دافنينة سوة لو ناسية
- يمعودات سكتن
احجي ضياء ابني
بقيت اباوع لمينا ومينا تبلع بريكها وتباوعلي
وكتلهم موافق استغربت مينا من ردي
ومن طلعنا منهم سالتني
- ليش هيج سويت
- لان اني راح اظلمج بطلاكج مني لازم نمشي هسة على هواهم وبعدها يحلها الف حلال
- ضياء انت مستوعب عن شنو وافقت
- اي طبعا
- بس منار واهلهة مراح يستوعبون وامها فهمتك بصريح العبارة انه ما تكدر تواجه الناس بعريس لبنتها ومتزوج
- الله كريم هي تصفى
- استغفر الله العظيم متوقعت حيتفقون هيج ابد
- لا اتوقعت اني ..