مسيرون

29

#مسيرون29
Shahd Alsalman
جنت كاعدة بغرفتي دا اقرة كتاب المقطع جان رومانسي كلش والاحداث تشد من كد ما مندمجة ما منتبهة لاي صوت ولا اي شي
فزيت على فتحة الباب بقوة وضياء كدامي بعيون عصبية وحاقدة وايدين مليانة اعصاب ويلهث بصوت عالي وامي وراه تصيح
وكع كتابي من ايدي وراحت كل الرومانسية الجنت عايشة بيها اتبدلت بدهشة وواقع مليان استفهام عن سبب ضرب ضياء الي

كل ما اسألة يضرب اكثر واكثر وامي متكدر تبعدة عني ولا حتى اني واتأذيت هواية وبلا ما اعرف شنو السبب اسمعة يحجي بكلمات ويغلط  ويضرب واسألة ويهيج بالزايد
- حقيرة تلعبين ويانة ام السحورة
- ضياء بس فهمني شكو
- ملاك كل شي متعرفين الله يخلصني منج يا بلوة
وحدة مريضة
مريضة
- كافي حتموتني وخر
- اريد اشرب من دمج يا ام السحر
- عوف بنتي وخر عنها
- امشي كومي وياية هسة اعلمج شون تسوين هيج
- شسوي بس وخر والله حموت
- وين ماخذ بنتي
يبوووو
لحكوني يا نااااس

سحبني من هدومي ونزلني وياه بكل قوتة كأنما ديشيل كونية وامي تصيح وتعيط تريد احد يساعدني لان تعبت من الضرب واحس كل مكان بجسمي متفصخ

صعدني غصب عني بالسيارة وجهي مليان دم وشعري مخربط وهدومي امي وراية دفعها وشغل سيارتة وديسوق بسرعة جنونية ما كدرت انطق ولا كلمة من خوفي ورجفتي وهو ساكت بس احس جسمة كلة يصرخ ما مكتفي باللي سواه بية وكل شوية يصيح ويضرب ع الستيرن واني اضم نفسي عنة عبالي يريد يضربني الي
وصلنا البيت وجرني جر بالكوة دخلني اتوسلة حتى لا ياذيني
- ضياء هدني الله يخليك
- ام السحورة هسة خايفة
- بس فهمني شسويتلك والله مدا اعرف شتحجي
- حقيرة بنت ال ....
- ما اريد ادخل لا تجرني
ماا اريد
- امشي انعل اليوم الصرتي بي بت خالي يا بنت ال....

استسلمت الة وتركتة يجرني للبيت ودخلت وياه
دفعني قوي ع الكاع وبين روحتة وجيتة توتر وقلق وعصبية احسها ممكن تدمر كل شي حوالينا بعدني دا احجي توني وصاح بية ولزم الطبلة الزجاجية رفعها علية ديريد يشمرها وصحت  ورجعت نفسي ليورة بالزحف وكمت ابجي حيل ضميت راسي بين ايديا وسمعت صوتة الخشن وبكل قوتة يصيح ويا صوت كسرة الطبلة اللي وكعها يمي
واتطشر زجاجها بكل مكان وطفر علية وعلى رجلة وبالكاع
لحظات ووكع بالكاع انهد حيلة وخشمة نزف دم ردت الزمة واكلة خشمك ينزف
لزم ايدي لواها سمعت صوت كسرة عظمتها وصحت حيل شاغت روحي وجع الضرب مالتة بجفة وهسة الكسرة بجفة ثانية كوة اجر النفس وابجي حيل اباوعلة واتوسلة يعوفني اتقربلي ويسالني
- ليش هيج سويتي ليش اذيتينا
- شسويتلك بس فهمني
- لج تريدين تخربين حياتي اهلج شمروج علية وما احبج لو تموتين
- ليش هيج تحجي والله مسويت شي
- منو علمج على السحر منوووو احجي
- يا سحر ضياااء يا سحر
- كافي جذب كلشي انكشف يا دجالة يا حقيرة
- الله يخليك ضياء عوفني ايدي موتتني من الوجع
- لج موتي شمنتظرة
مووووتي
كام على حيلة ودفرني برجلة على جتفي مددني بالكاع لازمة ايديا وابجي حيل وحاولت اكوم نفسي وكمت كوة
راح و رد رجعلي شايل بيدة سجينة فزيت وشهكت
- ضياء شبيك شجاك
- باعي تحجين مثل الاوادم لو اشككج بهالسجينة اسويج وصل والله

كمت ارجع ليورة ورجلي بعد متشيلني من الخوف اول ما اتقرب مني ظليت اركض وهو وراية
كمت اقرة ايات وادعي الله يخلصني وهو يسبني ويغلط علية ويكلي تعرفين الله وباستهزاء
وصل تقريبا يمي باقيلة شوي و يلزمني وعثر ووكع بكزازة الطبلة

استغليت هالفرصة ما عندي غيرها و ركضت بكل سرعتي للباب وهو وراية يصيح ويطلب مني اوكف
فتحت الباب وركضت حيل للشارع وهو وراية بالسجين يركض ويلهث
صاح علية بصوت عالي مينا انداريت علي وحسيت نفسي طرت انشمرت بقوة ع الكاع كل الاحسة جسمي حار كلش واباوع للسما بغواش وكوة اتنفس
وحتى من اتقربلي ضياء مكدرت اتحرك بس يحجي وياية وما اسمع شي واشوف هواية ناس فوك راسي مكدرت اتحرك وكل الاحسة رعب وخوف اخر كلمة  كلتها جانت يا رب
غمضت ونمت بس احس ممرتاحة وجسمي يوجعني ويبرد بشكل سريع لحد ما حسيت الالم وصل لكلبي ويعصرة بعدها ما وعيت على اي شي ...