مسيرون

12

#مسيرون12
Shahd Alsalman
جنت اكدر ارفض او اسايرها لحد متتحسن بس صدمتني بحجي ما جنت اعرفة
- ضياء ابني اني جنت اكلك حجج هواية واكلك خالك وما اكدر وخاف يزعل بس الحقيقة تختلف وغير عن كل الكلتة
- حقيقة !! شنو ؟
- يمة ابوك كاتب على نفسة صكوك بملايين وخالك هو اللي كافلة لان ديسدد عنة الدين بسبب خسارة بمشروع بينة وبين خالك بس الله مقسملة يربحون بي وخسر وجانت الخسارة جبيرة علينا وخالك هو اللي سد كل شي
- شنو هالمشروع ؟ وشوكت صار هالحجي؟؟
- من زمان والمشروع جان معمل اخشاب علمود لا يستوردون الاثاث من برة وبعدها يفتح مصنع نجارة ويصير التصنيع محلي الهم بدون تكاليف ضرايب والخ وجانت فكرة ابوك وخالك بوقتها ما ساندة فدخل بكل فلوسة ومن خسر اضطر ابوك يرجعلة حتى يكون هو كفيل ويدفع اقساط القرض بالاضافة للديون
- وبهالحالة اذا كلت ما اتزوج بنتة حيشيل ايدة من الموضوع و يطالبة بفلوسة !!
- و ينحبس
ترضى ابوك تالي عمرة وهاي شيباتة يدخل سجن ؟
- يوم تنحل وراح اشوف السيولة اللي عدنا حتى لو نبيع حصصنا
- ميفيد يا امي لان حصصكم مرهونة وكل شي هسة بيد خالك
يمة لا تسود وجهنا كدام الناس ابوك اذا دخل السجن كلها تشمت بينا حرام عليك

احس راسي يريد ينفجر ما اعرف شتصرف بين خوفي على امي وبين ابوية اللي ما اريدة يتاذى وبين منار حبيبتي اللي جنت مخطط اعتمد على نفسي واسعدها ونبدى حياتنا سوة وهسة طلع ماكو شي من حقي كلة صفر
سلمت امري لله و قبلت بالامر الواقع ولما امي تشافت سوينا الخطبة وعقدنا محكمة
كانه هاي الايام مرت علية مثل الحلم صارت خطوبتي باول ايام دوام منار يعني باول اسبوع الها المفروض هي مكانها وحلقتي مكتوب اسمها بيها كلهم فرحانين ومرتاحين الا اني كاتلني الهم وزادت علية الالام راسي
ما اعرف شسوي ويا منار وشلون اواجهها يا ترى حتعذرني لو تتقبل السويتة بيها لو تتركني
كل شي ردتة انه اعيش وياها بدون اي منغصات او تعب او تدخلات وصار العكس واكيد مراح تسامحني  جانت تسميني السند وتكلي حبيبي وروحي واجيت بكل بساطة سحبت روحها منها بس ما بيدي شي اهلي وكفو بعيني و حياتهم ومستقبلهم بيدي
واذا مسويت هيج راح ادمر كل عائلتي
اتذكرت كلام هاشم من كالي نهايتكم مؤذية
وكل كلامة وحتى ملامة الي
ورطت منار بحب ووعود ما كدرت اوفيها اني ما بيوم انطيت وعد لاحد ومسويتة
و هسة اقرب انسان علية واحب شخص لكلبي خلفت بوعدي الها وراح اوجع كلبها

المصيبة اشتياقي الها دمرني وخلاني اتخيلها بكل مكان اكون بي حتى من اباوع لمينا اشوف منار بيها ضحكتها ؛ كلامها ؛  طريقة دلالها ؛ كل تصرفاتها تعاكس مينا ومالها علاقة بيها ..

خابرتها لمنار واتفقت وياها اشوفها بالكلية بيوم معين
ورحت بحال تعبان وعيوني غطاها سواد السهر والارق وقلة النوم
جانت دائما تسالني شبيك وليش تعبان من صوتي تعرفني ومن نبرتي تحس باللي بية بدون ما احجي ومن شافتني اجتي بسرعةو كعدت كدامي بلهفة وخوف
- حبيبي شصاير وياك ليش هيج لونك مخطوف ؟
- ما بية حبيبتي تعبان شوي
- من شنو كوم نروح مستشفى
- متسوى بس ضغط شغل هالايام ومدا انام
- ضياء عوف الشغل احجيلي شنو صاير وياك اني مو حبيبتك
من سالتني اني مو حبيبتك حسيت كلبي انشلع من مكانة ووكع بالكاع والجاي والرايح يدوس علي بلا ميشوفة اتمنيت اصرخ واكللهة غدرت بيج واني ما استاهلج اني حقير
- ما بية منار كافي تسالين
- شلون ما اسال والله ممرتاحة ما اعرف شديصير احس بشي مو زين وانت تعبان
- كافي منار الله يخليج لخاطري
- ضياء شبيك شنو هالدم ؟؟
- وين ....
- ضياء
ضيااااء حبيبي
ساعدوني ..