OUR UTOPIA [Completed]

OUR UTOPIA - 3

(Unicode)

နာမည် - ထယ်ယောင်း

အလုပ်အကိုင် - The Faceဆိုတဲ့ Company
လေးကို သူငယ်ချင်းနှစ်ယောက်နှင့်
အတူဖက်စပ်လုပ်ကိုင်လျက်ရှိ

ချစ်သူရည်းစားရှိမရှိ - လုံးဝကိုမရှိ

Ideal type - ဘယ်သူမှမကြိုက်

ပညာအရည်အချင်း - အင်ဂျင်နီယာဘွဲ့ဖြင့်
ကျောင်းပြီးထား

ကြိုက်တတ်တာတွေက - ဂိမ်း၊ပိုက်ဆံ၊အဝတ်အစား

အမုန်းဆုံးက - သူ့ကိုဆရာလုပ်တာ၊ကျောတာ

သွားတတ်တဲ့နေရာတွေက - စာအုပ်အရောင်းဆိုင်၊
ပန်းဆိုင်၊ ဟန်မြစ်၊
(အများအားဖြင့်တော့ရုံးခန်း
မှာပဲရှိတတ်သည်)

လူမှု့ဆက်ဆံရေး - စိတ်မမှန်၊ ဖော်ရွေချင်သူကို
ဖော်ရွေပြီး တချို့ကိုတော့
ခပ်တန်းတန်းသာဆက်ဆံတတ်သည်။

မှတ်စုစာအုပ်လေးကို ဂျုံးဂုပိတ်လိုက်သည်။
မပြည့်စုံသေးပေမယ့် ဒီလောက်ဆိုလုံလောက်ပြီ။
သူများကို အချက်အလက်တွေရှာဖွေခိုင်းတာထက်
သူကိုယ်တိုင်ပဲ ထယ်ယောင်းအကြောင်းကို စုံစမ်းဖို့
ဆုံးဖြတ်ထားသည်။ထိုမှတစ်ဆင့် ရင်းနှီးကျွမ်းဝင်
ခွင့်တွေနဲ့ ထယ်ယောင်းအနားကိုချဉ်းကပ်မည်။

လှိုင်းကောက်ပြေပြေထချင်နေသော
ဆံပင်တို့ကိုနဖူးပေါ်သို့ သူ
လှန်တင်လိုက်သည်။

မှန်တင်ခုံရှေ့ပေါ်တွင် လက်ထောက်ပြီး
သူ့ကိုယ်သူ မှန်ထဲစိုက်ကြည့်မိတော့
သိပ်အဆင်မပြေသလို ခံစားရသည် ။

အသက်မပါတဲ့မျက်လုံးတွေကို အရင်ပြင်ရမည်။
ပြီးတော့ စေ့စေ့ပိတ်ထားတဲ့ ဒီနှုတ်ခမ်းတွေ
ပြုံးတတ်လာအောင်လည်း လေ့ကျင့်ရဦးမည်။
သူ့အစိတ်အပိုင်းအားလုံးက ထယ်ယောင်း
မျက်စိထဲ လုံးဝကိုကန့်လန့်ခံသွား၍ မဖြစ်။

စိတ်ထဲကအကြင်နာတွေကိုချပြဖို့
ဟိုးအရင်ကတည်းကနေ အခုထိ
ကိုယ် ဘာကြောင့်များ
တွေဝေခဲ့မိတာပါလိမ့် .....

အခုအဲ့လိုမလုပ်တော့ဘူးလို့ ကတိပေးတာမို့
ကိုယ့်ဆီသာနောက်တစ်ကြိမ်ပြန်လာမယ်လို့
ပြောပါ .....