الزواج هذه الكلمه التي لم اعشها مثلما وددت لم تكن مثلما حلمت
زواجي هوه اختيار اهلي لي
زواجي هوه دماري
هل يمكنكم ان تعيدوا لي حياتي الان بعدما اخذتموها
هل يمكن ان تعيدوا حبيبي
هل يمكن ان اعيش سعيده بدون ابني
عشت حلم فصحيت الى كابوس
بسبب اهل لا يعرفون معنى الحب
لا يعرفون معنى الزواج
كانه فقط رابطه بين شخصين وليس مسؤليه او اختيار
ليس شخص اكمل معه حياتي
كان بمفهومكم شخصين اجتمعوا في الحياه لانجاب طفل
.................................................................
حبيبتي هذا قضاء الله انسي الصار
رشا : ابتعد عنني كله بسببكك بسبب اهمالك شوف وين وصلتني اطلع اطلللع من بيتي وحياتي هه يا حياه هاي الي خربتهه
خلليت ايدي بين رجلي وابجي واحجي
ياربي ياربي ليش اني بعدما قبلت بقدري هيج يصير اخسر الي جان مصبرني
اهللي هه باااهل ذولي اوف شكد اشتاقيت الايامي اني دااموت يررربي يربي خلي الكابوس يخلص
................................................
قبل 6 سنين
.................
رشا : مداصدك ميس تخيلي اليوم اخرر يوم خلصت الامتحانات خلصت المدرسه خلص هذا الكابوس .... باجر لا لا باجر شنو اليوم حبدي اعيش حياتي حبدي اخذ نفس اريد اصيح يم كل الناس اني خلصت سادس .
ميس : هههههههه شكد مخبله ولا تعقلين . بس تدرين حقج هاي اكثر سنه اتعب بيها مجذبوا من كالوا صعب
رشا : اوف منج اوف بس شوكت راح تفهمين هوه مثله مثل غيره بس مشكلته تحديد مصير هذي صعوبته هاي مو قرينه وخلصنه منه
ميس : مممم صح حجيج المهم مصدكنه نخلص وانتي بعدج تحجين بلدراسه امشي نرجع نرتاح كلش تعبانه
ميس اييي يلا
رشا مم معرفتكم عليه
........................
اني رشا سادس علمي عمري 18 سنه من بغداد
اني شاطره كلش احب الانكلش كلش اريد ادخل كليه لغات واصير مترجمه وها ماكو شي مستحيلل جمله متفارق لساني
اني مثل معرفتوا خلصت سادس ومنتظره نتائج هسه حتعرفوني اكثر بالايام الجايه
.......................
ام رشا (فاطمه) : ها رشاوي بشريني شونج جاوبتي زينن
ابو رشا (رشاد) : يعني هذا سؤال متدرين ببنتج شاطره وبس تقره اكيد مجاوبه احسن من ابنج العاف دراسته
فاطمه : رشاد الحياه مو بس شهاده ابني مكدر مفلح بلدراسه بس فلح بشغله تدري بي لكه شغل زين مكاعد بلبيت
رشاد : اوف منج من مره ولا تقبلين واحد يحجي على ابنج
المهم بنتي رشاوي شونج اليوم زينه
رشا : اي بابا حبيبي كللش زينه ان شاء الله ارفع راسك انت وامي
فاطمه : عفية بنيتي هسه روحي بدلي ارتتاحي بين مااكمل غده
رحت ابدل وبالي وتفكيره ويه الكليه هلص يعني حبدي حياه جديده حطلع كليه لغات وادرس الانكلش واعرفه وتعمقه
قاطع سلسله تفكيري اتصال اختي
رغد : ولجج شووشتيي خللصتتتتيي مدااصدكك يلا عيني باجر تبدي الطلعاتت
رشا : ياا طلعات اني بس خلي اشوف الفراش مااعوفه اسبوع
رغد : هههههه هذا حجي هسه يوم وتكولين رغد طلعيني حبابه بوكتها مااطلعج تره مو تتوسلين
رشا: متكدرين ادري بيج تحبيني .. المهم كوليلي شونج مشتااقتلج كومه النونو حبيب خالته شونه
رغد : اني الحمدلله بس النونو متعبني كللش متكولين اختي خطية خل اروح اساعدهه بشغل البيت
رشا : اني خلصت روحي ويه السادس يا شغل هذا روحي حبيبي باي خلي زوجج يجيب مساعده فلوسه قليل
رغد : يا مكاره تهربتي بسرعه ديلا باي بليل اجيكم
رشا : اوكي ننتظرج ع العشه باي
...........................................
ميس : رجعت للبيت اكلت وارتاحيت بديت اقره المواد البقتلي
طبعا اني ميس صديقة رشا العزيزه اني وياها شخصيتين مختلفه بس هذه مأثر على علاقتننه ابد
....................................
فاطمه: رشا يلا يماما تعاي صبيت الاكل غسلي ايدج وتعاي اكلي
رشا: سمعت امي تصيحني على الغده غسلت ورحت كعدت على السفره
تغدينه وكمت غسلت الاماعين ورحت نمت ارتاح
ساعه 8:00
الباب يندك
ابراهيم :رشاا كعدي يلا كافي نوم شون تنامين بليل
رشا: برهم عووفني نعساانه مشبعتت نومم
ابراهيم : كومي عيب خالة ايناس هنا ورغد راح تجي تشوفج
رشا :كمت كمت شنو هلبيت الي ميقدر النوم ياربي
كمت غسلت وجهي وسويت شعري لان كفشه من النوم ورحت
رشا : هلوو خاله شونج
ايناس : هلووو حبيبتي شوشتي اني الحمدلله وانتي كوليلي شونج شونج بالامتحان
رشا :الحمدلله والله خاله جاوبت الاعرفه ويصير خير
ايناس : حبيبتي انتي شاطره مينخاف عليج تطلعين معدل ان شاء الله اذا طلعتي بال 60
اني هنا ضجت يعني خالتي كلما تجي هيج تجرح بكلامهه اذا ابنها طلع اداره واقتصاد وهوه ادبي خلص الكون احو هواي شطار ويطلعون معدلات الكل مثله اني واثقه بقرايتي وان شاء الله ميضيع تعبي واثبت منو رشا ..... ان شاء الله خاله الله يقدم البي خير
فاطمه : رشاوي كومي سوي جاي لخالتج
رشا :اوكي ماما وانتوا تشربون مو
فاطمه :اي حبيبتي
كمت سويت الجاي واني جارحتني كلمتها بعني ليش هيج الكرايب دائما ميشجعون شكد اتمنى لو جنت بدوله اجنبيه يقدرون الانسان ويشجعوا المهم الله ليعوزني لدعمهم بذراعي اني انجح
كمل الجاي قدمته
ايناس : وين اكو مثل رشاوي ان شاء الله بس تخلص كليه رشا الياسر
يااربي شون فتحت قصه عليه شوكت توب خالتي اني مو رشا بنت ال 15 من جنت ولحد هسه ماخذه فكرت انوا ازوج كرايبي
شوكت تفهم ياسر مثل اخويه ماكدر اتزوجه واحبه
هلمره حسكت بس اذا انفتح الموضوع لا هيج لازم ابين الخالتي وجهه نظري شكلهه ناويتهه جد من جنت صغيره كل الي ببالي تشاقه اشو راح افوت كليه وهيه نفس الموضوع اني اريد اكمل واسافر واشتغل مثل كل الي بعمري اني متعبت حتى اتزوج اول مااكمل دراسه
ظلت خالتي وامي يسولفون وره شويه جان تفوت رغد
رشا : ياااا باعوا باعوا اجتي رغودتنتي حبيبتي كمزت سلمت عليها ولج رغوده مشتاااقتلج كومه اليوم تباااتين ماكو نقاش
امي وفاطمه يضحكون
فاطمه
: يا ولج رشا تخبلتي خلي البنيه تتنفس
هلا رشواي بنتي شونج ماما تعاي ارتاحي انتي حامل لتعبين
سلمت على خالتي الي هيه ام زوجي وكعدت
رشاد : شكو هل هوسه وصلت للجيران
فاطمه : متدري ببنتك مخبله شافت رغد وصارت الهوسه
رشاد : ياا حلوتنه منوره هيه وحفيدي شونج بابا رغد زوجج شونه مأجه وياج !؟
رغد : هلو حبيبي اني الحمدلله وحفيدك الوكح الحمدلله
اي والله بابا مااجه آسر عنده شغل واني خلصت شغل البيت واجيت ابات يم رشاوي
رشاد : نورتي بس فوتي سلمي على عمج رشا انتي هم مسلمتي على ابو ياسر فوتوا سلموا عليه وكعدوا ويه خالتكم
فتنه هلوو عمو شلونك
ابو ياسر ( وجدان) هلو بزازين شونكم
رشا : والله عمو ناقصنه شوفتك مشتاقيلك كلش
وجدان : شونج بلاامتحان زينه
رشا : اي الحمدلله
رغد راحت سلمت عليه وضلوا يسولون اني استأذنت ورحت كعدت يم امي وخالتي
شويه واحتي رغد كعدت يمنه سولفنه واحنى نكرز (ناكل) حب ونشرب جاي (شاي) لحد مصارت ساعه 12
اجه عمو كال يلا ايناس اتاخر الوكت
ايناس : اي والله محسيت على الوقت وياكم
فاطمه : متباتون ونفرشلك هنا وباجر نتريك سوه وروحوا براحتكم
رشاد : اي والله شيوديكم ب 12
وجدان : حبيبي ابو ابراهيم الغالي والله متقصر بس تدري ياسر بلبيت وحده ان شاء الله بغير مره
وبده الوداع اني رحت غسلت الاماعين ورغد كعدت ويه ابراهيم
بينما كملت رحنه اني ورغد للغرفه
رشا: رغد انتي تحبين زوجج
رغد : شهل سؤال رشا اكيد احبه
رشا : شون حبيتي !؟ انتي ازوجتي على رغبه اهلي
رغد : حبيبتي الحب ييجي ويه العشره ومو ويه الكل اكيد اني تحملت لان علاقتي ب آسر مو قويه فعشت ويه بعد الزواج علاقته حب حلوه وهوه احترمني ودللني ولتنسين اسر واخو مختلفين اسر حنون ومتفاهم ومكمل ماجستير فكدر يخليني احبه وهسه خامل بابنه
