لن أنسى برودة جبينك حين قبلته لأودعك يا أختي ورائحة كفنك ومسكة يدك؛مازال فؤادي يرتجف شوقا وحزنا على فراقك اللهم أرحم اختي واسكنها الجنة يارب
.....
رحنه للمستشفى دخلت وحدي ابراهيم ديصف السياره صعدت بسرعه وكلي لهفه اشوف فرح مشتاقتلهه كلش هواي دكيت الباب ماكو صوت ساعه بال ١٠ معقوله نايمين دخلت فرح وجهة اصفر كلش وشفتهه مابيهه لون بابا نايم على الكرسي وماما على القنفه وكعت الجنطه من ايدي ورحت الفرح اكعدهه منظرهه ممطمني بس ماريد حتى افكر بشي سيء اصلا ماكدر مااتحمل
.. بصوت يرجف ناصي ممسموع فرح فرح مجاوبتني هزيتهه والدموع تتسابق من تنزل اسرع فرح حبيبتي فرحتي اني رشا اجيت .. متكعد ! تغير صوتي تحول الصياح فرححح كوومي ولججج شبيج فرحححح ... فرحححح مو داصيحج تدرين اضوج اصيح احد اكثر من مره
... كعدوا ماما وبابا مصدومين
ظلوا يصيحون صوت ماما وبابا اختلط عليه ماسمع غير بجي امي وصياح يكول ينتي راحت من ايدي بس ماعرف منو الحجه
... اشششش اشششش اسكتوااا فرح كومي ولج وين عايفتني مو انتي الوعدتيني متعوفيني شبيججج ولج لتخلين الي يغارون منه يفوحون ويكولون عافتج ... فرحتتتتي مو تدرين من ترحين تروح السعاده مني ! احرك بيهه متتحرك اصيح ومتكعد
.. بابا .. بابا فرح ما .. م اا ..ت ..ت موو بابا فرح متعوفني مو صح .. ماما احجي شييي كوليلهه تكوم هيه تخاف منج ... احجوووا شييييي كولوا كلمه شبيكم صافنين .. وصلت الهستريا كطعت شعري كله وشكيت هدومي وابجي صوتي ماحس بي احجي وميطلع اختنكت كلش من الصياح اكول فرح من داخلي بس متطلع الكلمه تبقى محبوسه كعدت بلكاع ادك والطم ماامتخيله فرححح تعوفني لا ياربي هاي الوحيده الي يمي والي هاي الوحيده الي تواسيني ربي وين وليش اخذتهه مني ! اني شعندي غيرررهه يااالله يا محمد شسوووي هسه لو ميته لووو الله ممخليني وينننن اظل اني وين بدون فرح ... التموا الدكاتره سمعت سجلوا وقت الوفاه كمت كلت لااااا لااااا دكتور ديتشاقه هاي فرح دتسوي مقلب والله متعوفني هيه وعدتني وهيه عدهه امتحانات صدكني دكتور تشاقه درت وجهي الفرح ... كافي دانطق فرحتي واختنكت .. ولج كومي فرح كومي تعبت والله كافي شقه .. كومي شبيج صافنه ...
الدكتور .. بنتي الله محتاجهه وهذا قضاء وقدر خلص خل ناخذ الجثه حرام هيج دتعذبين روحج الي هيه امانه من الله الج
بصوت مبحوح من البجي والصياح .. دكتور انت شدتحجي تدري هيه امي وابويه واختي واخويه وعالمي وكلي .. اني يتيمممه بدونهه دتفهم دكتور يتيمه وحيده محد الها .. دكتور سندي هيه تعرف شنو تحس من ي .. م لااا ماكولهه والله فرح متروح والله دكتور الله عليك كول فرح مميته وحالله ماتح..مل حسيت بدوخه شويه ورجعت جسدي زين بس روحي مريضه تعبانه ميته
غطوا راس فرح علمود ياخذوهه
... هاااااا انتتت منو وتجي يم اختي وتغطيهه اصلا حاره وهيه تضوج اذا تعرك وخررر كمشني ابراهيم الي ديسوي نفسه قوي بس دموعه تطفر من عينه وتكشف ضعفه .. ظليت ادفع بي بكل قوتي وخرررر وخررر عني ماريدك ولككك دياخذون اختك هيج بلا انسانيه انت وخرررر مني وخرررر حقير ادري بيك تكرههه طلعت فرح وطلعت كل ذكرياتنه سوه بردت فجأه عدني ابراهيم وكعت بلكاع وصافنه وين راحت ؟ ها وين فرح وين ...
مرات نفقد شي يخلينه منطيق كلشي .. فرح فقدته وفقدت كلشي حتى النفس مالتي كرهتة حسيت فقدت شي من روحي
طلعت روحي بكل قوه من جسدي .. حاولت اححجي بس صوتي ميطلع اريد اكول راح اختنكت اريد اكوم بس محد يسمع !! صوتي وين ؟
اجه الدكتور علمود اجراءات الوفاة بابا كال
_روحوا للبيت جهزوا العزه بس صوته كلش مكسور اول مره اشوف بابا هيج يجامل ويريد يكعد وحده يبجي اني عندي خبره بلناس وماخسرت مره واني متأكده ابويه يريد ييبجي واني صافنه عليه نزلت دموعه حط ايده على عينه دار وجهة ورجعه شاف الفراش مال فرح متحمل انهار وصار يبجي ...
كملوا مراسيم الي بلمستشفى ولفوها بلكفن وخلوهه بلتابوت
... اذا ماجبتوهه اودعهه اقسم بالله يطلع تابوتي وراها
امي ... ولج بنتي شبيج تخبلتي مو زين بس انتي تعبانه كلنه بس مو زين هيج
ياسر.. خاله حقها حروح نفوتهه للحديقه بعد متشوفهه خلتودعهه وراح شاور امي مفهمت شكال بس مهتميت اهم شي اشوف فرحتي .. شويه وجابوهه وهيه بلتابوت .. اني واعرف انعي ابد بس بشرفتهه بلتابوت النعي كام يطلع من الساني والبحي ترس المكان وصوتي هز البيت هز ...
ياسر دخل _رشا كومي ميصير هيج كافي كومي خلندفنهه
_لكك ياااسر دتشووف شديصير دتحس لك انت شدتحجي ولك ههاي رووووح تاكل تشرب تتحرك تتتتفس هسه هيه اسوء من النبات هيه جماد !! لك ياسر اختنكت والله اريد اموت شون يعني لو اغضب ربي لو مااعيش شوووون رربي ارررحممني ومووتني اني هاطري ميننجبر ربيي هاي فررحتتتتتي يااناااس تدرون منو فرح لكم هاي نفسي هاي روووحي مو اختي هاي هيه امي اني تيتمت بدوونههه من الصياح وللبجي فقدت كمت اكطع بشعري ردت اشك هدومي ولزمتي ياسر دخلني ...
ومنا راحوا بابا وابراهيم وعمامي وخوالي حتى جيرانه كلها تحب بابا وتسويله خاطر وخاصه علمود فرح جانت كلش مؤددبه
... مااااماااا
ببجي _ها رشا شتردين
_شنوو شريد اريد اختي اريد اروح وياها القبرهه
_لتعبيني ماما وكعدي ابوج والولد مقبلوا ترحين موزين
اني عرفت ميردون اندل مكانهه
ضليت اصيح .. شللووووون ولكككممم اخذتوهااا بدوووني ولكممم هاي كلبي يدليني بيهااا شلوووون ... ولجج فرررحتتتتتتتتييييييي رجعي فررررح ويننننج تعاااي شووفي شصار بشوشتجججج ولجج متحبيني مينكسر كلبج تشووفيني هيجج وترحيننن محسيت غير اني بلمستشفى ومعلكيلي مغذي ويمي خالتي شفتهه شون واكفه الامي وضاله يمي وخرت المغذي حيل وكمت ضلت ايدي تنزف مهتميت
_ولج حبيبة وين رايحه متكوليلي تعاي نامي موزين حالتج مامستقره
.. اريد امي خاله خلنروح
رجعنه واني دايخه اول موصلت شفت العزاء ماتحملت صعدت الغرفتهه تمددت على فراشهه وخليت صورتهه يمي اشهك واحجي ويه الصورة ..
_فرحتي تعالي موتردين تفوتين تخصص انكليزي يلا تعاي ندرس ولج حتجي الامتحانات مالتج يلا عمري .. بعدين انتي مو تعرفين انتي فرحتي تغيب فرحتي من تغيبين يرضيج كلبج يلااا كومي والله ماتحمل بعد ضلت دموعي تنزل بحيره .. ضياع متملكني كلي شفت الصوره اني وياها جنه بلحديقه وحاطين جباسه وبباسي ونساتل وناكل وندرس مسحتهه وبستهه جان يندك الباب .. ادخل
فتح الباب ودخل ابن عمي (علي)
_اسف على للازعاج بس اجيت اطلب شي منج ..
