-قُم مِن جِراحكَ قد صبرتَ طويلاً،
- ماعادَ صبرُكَ يا عِراقُ جميلا.!
الرحمه لشهداء ثوره ٢٥ اكتوبر
الكاتبه مينا
................
جنت كاعده مثل كل مره اكلب بالبوم الصور ويه كل صوره ذكره
هنا بابا اشترالي اللعابه
هنا بابا وكلني
هنا تعاركت ويه بابا
ابتسم ويه كل ابتسامه تنزل دموعي
كنلت الصور وكعدت صافنه على البيت صار مثل المسكون لا صوت لا ضوه لا حركه حتى مو نظيف
اندك الباب رحت فتحته واني امشي واتذكر شون انتقلنه للبيت
رحت فتحته شفت ابو البيت
_مرحبا رشا شلونج
_مرحبا ابو يوسف
_اكدر افوت ببيتي ههه
_تفضل تفضل
فات للبيت سويت جاي شاف الصور عزاني وكال اني اقمت الواجب وكعدتكم بلبيت هنا وهسه يريد البيت اطانه يًومين وننتقل وراح ..
بقيت صافنه شسوي
الصفنه متفيديني هلي اكوم انظف واعزل البيت وناخذ غراضنه وهروح للفندق بينما نشتري بيت صغير على كدنه
وصدك كمت نظفت البيت سويته يلمع لمع اخذت جنط وحجزت ليله وكمت ادور بلبيوت بس بغير منطقه اول بيت شفته اخذته بيت فره واسع بي ٤ غرف ومطبخ جبير وصاله وهول كلش حلو وحديقه حبيره اتفقت ويه ابو البيت رحت سحبت فلوس واخذته اجه ابراهيم كتله ينام اليوم بلمستشفى رحت اني اشتريت كم شي المحتاجي للبيت ورحت الامي الثاني يوم اجه ابراهيم رجعت اني نمت ساعه وكعدت كملت غراض البيت كمنه نتناوب اني وابراهيم كل يوم واحد يروح ويرجع ينام ساعه ويكوم يكمل اثاث البيت صار كلش حلو بي روح حلوه وكل غرفه بيها صوره البابا ...
ماما كعدت بس تمشي بلكرسي المتحرك ومتحجي مجرد نفس
وبصراحه كلنا صرنه هيج نفس بس ع الاقل احنى نتحرك احسن النا
كملنا البيت كله واثاثه صار يخبل مثل بيتنا قبل حتى يبقى ذكرى بابا بي
ماما طلعناها من المستشفى واني كمت اشتغل ابراهيم كمل دراسه خلصت هلسنه وماكول على خير خلصت وخلصنه وياها بحيث حتى الي يشوفنه يخترع من الضعف يعني اني وزني صار ٤٠ بحيث اتعب بس اسوي اي شي ولو بسيط وراسي بلكوه شايلته ...
اجتي السنه الجديده رحنا البابا كلنا زرنا وقرينه الفاتحه ورجعنا بهل ايام هذوء كلش رأفت ييجي ويسأل دائماً ورغد جابت ولد يجنن سموا على اسم بابا
بهاي الفتره
بقيت بين رأفت و ماما وبين رشودي وبين الشغل
........
بعد مرور سنه و٣ اشهر
...........................................
ماما بدت تمشي ابراهيم فات كليه هندسه كهرباء وميس وياه
جنت بلشغل كمت اشتغل مترجمه واسطه من صديق بابا لان يعرف شون لغتي ..
كلش تعبت اليوم بلشغل رجعت للبيت مسويه اكل اني من بارحه كمت نظفت وصبيت الاكل اكلنا وصعدت سبحت طلعت لبست بجامه سوده (مذبيت الاسود حتى بعدما سنه من وفاة بابا)ونزلت يم ماما لكيت بيت خاله ام ياسر بلبيت رحت صعدت لبست شال ومانتو ونزلت
سلمت عليهم ورحت سويت چاي وكعك وعدنه كليچه وقدمته وكعدنه سوالف كومه شويه واجه ابراهيم جان طالع ويه ميس ديجهزون للعرس مالهم
_هلا يابه ابراهيم
_هلاااو عمو شلونك شخبارك ..
_هلا بيك يابه صار ساعه منتظريك بموضوعنا ..
_مادري اليوم حتجون عذروني اني هم طالع ويه خطيبتي دنجهز للعرس
ام ياسر.. هاي شنو حتزوجون وليش اخر من يعام احنى
_لا خاله حشه اصلا اول من يعلم كلنا منكول الاحد منا لمن نكمل جهاز ونسوي حفله بينه بس وعود نسافر اني وياها
_ياا حرامات هم بنيه صغيره ليش
_هيه متفهمه ماكدر اتزوج بلا ابويه الله يرحمه ... المهم حجي هواي اني حروح ابدل واجيكم
..........
رشا، بهل شهور الي فاتت مجان بيها شي حلو لا اني ولا سوالفي ولا شكلي ولا حياتنا مجرد ماما صارت زينه بس الي جان مقويني ومصبرني وواكف وياي ومازال وحيبقى لاخر نفس وياي هوه رأفت
