طول هلفتره فتره الخطوبه ظلت طلعات وين منروح برهم ويانه علاقتهم كللش حلووه
واكيد مثل كل علاقتين بين كل اثنين تصير مشاكل وغيره واوامر
بيوم من الايام او اخر اسبوع للعطله بعد مسجلنه اني لغات وميس اداره واقتصاد واشترينه هدوم واكسسوارات وهلسوالف
واخر اسبوع كلنا نطلع نجيب النواقص ماسكات للوجه وشعر وهلسوالف لان كلية جديده عالم جديد لازم نكون مجهزين على ال 10
وجبنه هلماسكات والاكسسوارات
ميس: شنو رأيكم نتعشه بره مدام بعد اكو وقت
رغد : ايي ليش لا وبرهم يعزمنه
ابراهيم : اوكي وعندي خبر الكم اكوله على العشه
رغد: مممم اوكي
.................
تعشينه وكملنا وسولفنه محسينه ع الوقت ابد
ابراهيم : اني
ميس: اييي ؟
ايراهيم : قدمت
رشا : اييي كلمه كلمه دحجي
ابراهيم : كليه وويه ميس وتركت الاعمال الحرة
ميس ابتسمت ابتسامه يمكن ميحتاج تحجي شي من جمالها ابتسامه تحجي بيها عن فرحها بلموضوع ومع ذلك باركت الابراهيم
جانت علاقة ابراهيم وميس رغم مل هلحب بيها خجل جميل جمال يخلي اي اثنين يحبوهم ويكفي صدقهم الموجود
رشا: عزا مدااصدكك الففف مبرووكك شعجببب رجعت بعد هلمده مع اني شكد حاولت اقنعك قبل جنت رافض الفكره
ابراهيم : مو قصه اني محاب الشغل الحر اكيد بس اني اريد اكون ويه خطيبتي بكليه وحده وبالاضافه الى اني اريد يكون عندي شغل مضمون مستقبلاً واذا صار عندي فلوس نفتح مشروع اني وميس لان الشغل الحر راتبه مامضمون وبما انوا العمر كدامي فاكمل دراستي واشتغل
رشا: هااي شنوو عيني ميس غيررت اخوويه شكد حاولت وياه ورفض وهسه هوه يدور دراسه وشغل
ميس : اش اسكتي لتخجليني
................................
اول يوم كلية
......................
بدينه دوام اني وحدي بعد ماقررت ميس تغير القسم الي تريده لان برهم يحب هلمجاال ويجوز متفقين على دراسته ححس بصعبه بس اني اجتماعيه اكيد سهله عليه عام جديد حلو خلي اعيش كل لحضه حلوه بي ومحلوه اسويها ذكره الي
فاطمه : يلا يمة رشا راح تتاخرين تعالي تريكي
رشا : هلا ماما صباح الخير
شون طالعه ؟
فاطمه: الله يحررسج بنيتي تخبللين الله يبعد عنج ولاد الحرام ويحمج من العين يا رشا يا بنت فاطمه
رشا : حبيبتي الله يخليج خيمه فوك راسنه
بعد مكملنه ريوك اجه الخط
رشا: يلا مع السلامه ادعولي
رشاد: ديربالج ع تفسج بابا الله وياج
اوكي لحضات وابدي بحلمي الحلم الي جنته اريده من اني وصغيره ححقه هه منو يصدك البارحه جنت مدرسه وهسه حصير كدام حلمي كلما يقرب الطريق تزيد دكات كلبي وفرحتي اوكي مااجذب على نفسي اني خايفه بس شنو الخرف كدام فرحي كل مااتذكر اليوم الي انقبلت بي عبالك البارحه
