رجعنه للبيت واني بلطريق منهاره تعبانه عيوني مورمه من البجي
مادري شسوي وشكول
شون حيشوفني بابا هيج
ياربي ياربي صبرني وخليني اتحمل هذا الاختبار
قطعت سلسلة افكاري اتصال رغد
ميس: حبيبتي رشا لازم تعرف رغد مراح تشيلي ؟
رشا: البنيه حامل ومبقه شي وتجيب شون اكوللها هيج اذا صار بيها شي اني امووت بعد مااتحمل والله وظليت ابجي
ميس: حبيبتي رشا خلي ايمانج بالله جبير هذا اختبار من رب العالمين لازم تكونين قويه وتتحملين وتنجحين بهذا الاختبار لتضعفين من اول ضربه وبعدين عمو بعده بداية المرض ولتنسين كومة ناس انشفوا منه كولي يالله اني وانتي واهلج كلهم ويه عمو ومنعوفه لحد ميوكف على رجله ويصير بخير
الكلام مو مثل المشاعر مهما الانسان يحاول يهون على انسان ثاني ميكدر لان محاس بربع الاحساس الي بي صاحب المصيبة
شكد جانوا يكولون اهل المريض يتأذون اكثر منه مجنت فاهمتها ولا مصدكتها لحد مامريت بيها اني نار وبكلبي دااتعذب بابا مو مثل اي اب بلعالم بابا اميري الاول والوحيد اكثر شخص دعمني ووكف ويايي شون حواجها ياربي
ياالله اوكف ويايه ولتشوفني بي شي ماامتوقعته
وصلت للبيت ميس حبت نكون وحدنه من اكوللهم على هاي المصيبه دخلت البيت هدوء الضاهر متغدين ونايمين نومة الضهر
صعدت بدلت وصليت وظليت ادعي الله يحفظ بابا ويطي القوة قريت قرآن عسا ولا عل يخفف الي بكلبي ووصلت الايه
قال تعالى ♦ ﴿لَتُبْلَوُنَّ فِي أَمْوَالِكُمْ وَأَنْفُسِكُمْ وَلَتَسْمَعُنَّ مِنَ الَّذِينَ أُوتُوا الْكِتَابَ مِنْ قَبْلِكُمْ وَمِنَ الَّذِينَ أَشْرَكُوا أَذًى كَثِيرًا وَإِنْ تَصْبِرُوا وَتَتَّقُوا فَإِنَّ ذَلِكَ مِنْ عَزْمِ الْأُمُورِ﴾ [آل عمران: 186].
احتمال هذا دليل من الله من وكعت عيني على السوره هاي اي الله يبتلي عبده ويختبره هذا ابتلاء من الاه وحنحاوزه بلصبر
كمت الابراهيم كعدت وكعدت امي وابويه
فاطمه : بنتي رشا احجي شكو شصاير خوفتيني
رشا: بس تجي رغد
بعد 10 دقايق فاتت رغد
رغد : سلام عليكم هلاو بابا شلونك باست ايدة وكذلك ماما سلمت على ابراهيم وعلية
رشا: تفضلي رغد اكعدي عندي موضوع مهم لازم احجي بي وياكم
هاي القوة او التضاعر بيها عذاب ثاني شكد مبينه قوية ودموعي متنزل بس اني من داخلي حرب اني دااموت بداخلي بس لا مراح اخلي الضعف يبين عليه حنوكف ويه بابا ونبين اله انه مرض عادي
رغد : خير رشا افندي جايبتني بهل وكت ظل بالي احجي
رشا: اني اليوم ..
فاطمه؛ اي اليوم ؟
رشا : اني اليوم رحت يعني من الكلية رحت على المستشفى
وشاد : خير بنتي يا مستشفى صاير شي شكو احجي نسحب الحجي منج كوة
ابراهيم : رشا عندي دراسه احجي يااختي لتعبينه
