باجر نرّد الوطن للوطن وتمطر الدنيا 🌧
وتنسكي سنين العراق اليابسات 😻❤️
الكاتبة :مينا
فتحت العلبه لكيت رساله ورق قديم واطرافه شكلها محروكه كلش حلوه مكتوب بقلم اسود فحمي ..
من الذي يحبكِ بقدر حب الوطن بقدر حب امه وشوقه الى ابيه رأفت ..
حبيبتي ..
امي ...
ابي ..
اخي واختي ..
وكل عائلتي وناسي وعالمي ..
انتي التي خطفت قلبي ، انتي التي علمتني الحب ، انتي التي علمتني الحياة .
شوشي روحي وقلبي ودواء جراحي ..
اني ادري بروحي جرحتج وضوجتج وزعلتج مني وادري انتي متستاهلين مني غير الخير ادري بروحي قصرت بحقج وادري لو شما اسوي ماكدر اخليج تسامحيني بس اني ماكدر بدونج اللحظه تمر سنه والله المي ينزل نار اذا اشربه ..
أحبج والله كلش أحبج اكوت عليج احبج بكل معاني وتفاصيل الكلمه أحبج بكد كل حب الدنيا الموجود ..
سامحييني ..
رأفت ..
الى التي سرقت قلبي شوشي
بقت دموعي تحجي كلش اثرت بيه كلماته اعتذاره ..
بقيت اتكلب بلقراش لحدما غفيت كعدت الصبح
_صباح الخير
_صباح الخير ام الشوش المشهورة
_ههه يا مشهورة الي يكول ماخذه جوائز بانجازاتي الي لا تعد ولا تحصى
_اذا ممشهورة وكل هلهدايا
باوعت على المكان الاشر بي موجود ٣ صناديق
من الجبير وسط والاصغر
رحت تحركت الهن هسه كاعده وعقلي الصبح ولا طكه
شفت ورقه ملفوفه وعليها شريط هم ورقه قديمه عرفت من رأفت
كتله الابراهيم حصعدهن هاي صديقتي متعاركه وياها وجابت الهدايا البينه
_اي تمام عمي مرتبه اختي
ابتسمت وصعدت فتحتهن اول واحد الصغير بي كرة الثلج ورسالة كاتب بيها
تذكرين كلما اشوفج شكلج
انتي بيضه ميلوكلج جو العراق مال شعرج افتحه واوديج المنطقه كلها ثلج وحمره غامقه اكثر شي يلوكلج وهسه جبتلج الثلج لحد عندج
اميرة الثلج او اميرتي الباردة ..
فتحت الصندوق المتوسط لكيت بي حلقة وعطر رجالي وكلاده حرفي وحرفه صاير R وبيها R
كاتب برساله الحلقه هاي تلبسيها هسه حلقة حبنا وبيوم الي تنزعيها تتحول لحلقة خطبتنا وبعدين تنزعيها تتحول الحلقة زواجنا من فضه الى ذهب الى الماس
والكلاده هاي ال ارين المترابطه مثل كلوبنا بوقت الي تنزعيها كانما فرقتي قلوبنا
اما العطر حتى من تمشين يم احد يعرف انج على ذمة رجال
وصلت للجبير فتحته لكيت بي
ورد باقه كلش جبيره ونساتل ويه الباقه اخذتها جان الكي جوه تمثالين اثنين متشابكين وفراشات بي
وكاتب وهلورد للورد حتى يسامحني اما الفراشات والتمثال هاي حلمج اذا تذكري من حلمتي الدنيا فارغه واني وياج كاعدين سوه والفرشات تطير فرك راسنه والموسيقى تداعب مسامعنه
رجعت كلشي العلبته وحطيته على صفحه قريت الرساله الجبيره كاتب ادري مراح تقبلين ولا هديه بس ثقي بالله كلما ترفضين ازود كلما تكولين لا اجيب اكبر واكبر كلما يرجع شي ارجع بكد ١٠ اضعافه ..
وحبقى اسوي كلشي لحدما تسامحيني
سديت الرساله وابتسمت صار عندي طاقه كمت كملت كل الشغل ورحت للمكان الي تعاركنه بي اخذت نفس وكعدت على المصطبه غمضت عيني اجتي ببالي كل الذكريات فتحتها على صوت يمي لكيت رأفت وبيده ورده
اني كمت بسرعه كال
مصيرج ترجعين
درت وجهي عليه كتله باحلامك حبيبي
جان ضحك ضحكه جبيره وتقدم يمي كال وهاي رجعتي حبيبتي
ابتسمت جان يكمش ايدي كال اسف رشاا والله مو قصدي
_تمام تمام هاي ننسه الماضي اوكي
_اوكي ملكتي
ابتسمت ورجعنه نتمشى وصلت للبيت ودعني وراح صعدت اني فوك لبست الكلاده والمحبس وحطيت الورد بلمكتبه كدامي والتمثال وكرة الثلج على الميز الي يمي واخر شي حطيت عطره عليه وكمت قريت كتاب
مرت فتره زينه بدت بيها الطائفيه بلعراق ..
وهنا جانت ايام ماممكن انساها 💔
ولو شنو اوصف متكفي بحق الي صار
جنه نشوف البشر الميت بلشارع طبيعي الوضع كلش اتأزم خاصه المنطقه الي جنه بيها كلش خطره جان القتل مو طبيعي نطلع نلكي جثث اطفال كبار اتذكر اجه جيرانه صديق بابا كلش كله ..
_ابو ابراهيم اني ماكدر اعيش هنا بعد اريد اعرف البيت فليش متخلي بيتك وتكعد ببيتي ماريد ااجره وبيتك اني اشتري
فكر بابا بلموضوع كومه وره اسبوع كله تمام وباع بابا البيت ورحنه كعدنه بيت صديق بابا مجنت اشوف الوضع من تلفزيون او شي جنت اشوفه من شباك الغرفه ..
الغرفه الي ماشفت النوم من اجيتها حتى معالم البييت مشفتها بس حفظت الشارع وشههدائه
دائماً جنت اسال ليش ناس تكول لشيعه السبب وناس تكول السنه السسبب وناس تكول الامريكان حركوا مسجد شيعي وكالوا السنه حركوا وحركوا مسجد سني وكالوا الشيعه حركوا وصارت هلفتره وناس تكول ايران السبب وناس تكول السياسه
واني جنت اكول ليش وشوكت يخلص كل هذا هسه كل بيت عراقي لازم عدهم شهيد زين ليش ليش مكلنا نصير دجله والفرات كل واحد بمكان بس اثنينهم يصبون بنفس المكان
ليش هلشي صار واحنى الي نشوف بسفرتنا
لبن اربيل وكبه الموصل ودهينة النجف وتمر البصره ؟
زين احنى مو نفسنا الي نكعد بكيه وحده والي يمنه بغض النظر عن مذهبه اذا ناسيه محفظته ندفعله فلوسه ..
مرت هلايام بلا طلعه وطبه لان حرب اهليه والروح عزيزه هواي محد يحب يخسرها
بلصدفه بابا جان طالع وماما تصلي وتدعي ابراهيم يقره قرأن واني صافنه على الشباك كلبي مخنوك وبلكوه اجر النفس
باوعت على الشارع اجتي طلقه وكع واحد كمت ادك والطم عبالك اول جثه اشوفها حسيتها لامستني بقيت امشي بلا احساس لحدما وصلت للجثه
شفته ....
يتبع ..
#نريد_وطن
#نازل_اخذ_حقي
