نزلنا للبيت شكرت رأفت وودعته
واجتي اللحضه الصعبه ...
لحضه المواجهه
رشا.. فتحت الباب وفتت لكيت ماما تقرأ قرآن شافتنه كملت سدته
فاطمه: ها ماما رشا شكال الدكتور وليش ابوج وجهه اصفر شكوو
رشا.. اكعدي ماما بس اصعد بابا يرتاح ونحجي
_ليش اكو شي
باوعتلها اشرت بعيوني بمعنى بعدين
هيه تفتهمت سكتت
يلا بابا تعال نصعد تنام ارتاح تعبت اليوم
صعدته سديت الضوه وفتحت تدفئه قليل حتى ليبرد غطيته خليت يمه مي ونزلت
ماما اني ابراهيم وين
_بغرفته يدرس تعالي احجيلي كلبي مثل النار بنتي شكو اكو شي مو زين
يصير خير اصيح ابراهيم واجي
رحت الابراهيم صحته كعدنه
اني اول شي اريد تعرفون كل انسان عنده امتحان عند الله ولازم يصبر وينجح بي ... والله اذا احب عبداً ابتلاه
_رشا احجي ابوج طلع مرضه خبيث موو احجي
ماما بابا مرضه بلبدايه جتى العلاج حيكون كيمياوي مو عمليه بس ..
_بس شنو ؟
بس .. طلع مثل ماكلتي سرطان خبيث بس صدكيني اله علاج وحتى سفر ميحتاج
ماما ماتحملت فقدت الوعي
ابررراهيم ابرراهيمم حو وكت صفنتتككك جيب عصيرر ليموووننن انخفض ضغطها اكيددد يلاااا لتصفن بوجهي
ماما ماما الله يخليج لتسوين هيج تدرين بيه دامووت لتصعبيها عليه لازم تصيرين قويه وتساعدينه بابا محتاجنه كلنه هسه
__رشا هذا العصير
شربته الها شويه شويه صعد ضغطها
امشي ماما نامي ارتاحي وادعي البابا اكثر شي يحتاجه ندعيله وهوكف وياه لتبين اله انج ضجتي او صاير شي لتعبي اكثر لازم نتحمل حبيبتي انتي
اني حكوم انظف البيت وانتي اصعدي فوك نامي ارتاحي
كمت مسحت الاخشاب ( اثاث البيت) مسحت غراض المطبخ مسحت البيت الاطراف وكنست الزوالي غسلت الحمامات عزلت الغرف كلها غسلت الهدوم وشريتها فتحت صوبه حاولت اندثر بلشغل حتى ماافكر لحدما كمل البيت عطرته كله صار كله ريحه ديتور ومعطر جو مزيجهم كلش حلو دنيا مغرب جان فتحت بخور
وصعدت الغرفتي
عزلتها وطلعت هدوم رحت سبحت طلعت حطيت عطر وكعدت امشط شعري لحدما سمعت الباب يندك
ربطت شعري ونزلت
منوو ؟
_احنا
اها بيت عمو وجدان
فتحت الباب سلمت عليهم جان ياسر جاي هم كتله الحمدلله على السلامه وفوتتهم
