البارت السابق كلش حزين فهذا البارت ماراح اتعمق بلتفاصيل حمشي الايام بسرعه ..
.. رشااااا افتحي الباب يلا ياعيني لتخليني واكف ماكو حس اتخبلتت عليها ..
فتت شفتهه على السجاده عبالي مغمه عليها رحت الها طلعت نايمه كومتها نومتها على الفراش وعفته وطلعت ..
رشا..
عرفت رغد الي جانت بيت جدو طول هلفتره علمود تقره اصلا اكثر وقتها بيت جدو جانت تخلص من عصبية ماما ومن صارت زينه جانت متعودة عليهم .. اول ماعرفت اجتي للبيت دكت ولطمت ونعت وشاركت وياها كل الحزن بس لو اضل ميه سنه قليل لو اشارك الكل أحزنهم ميكفي عن حزني ..
كل يوم بحياتي يمر واني اتذكرها واكتب عنها واروح اكتب ذكريات وياها واشوف صورنه وشون كاتبين ذكرى جواها جرح افراح عمرة مراح يطيب راح يضل كلبي ينزف لفقدانهة عشت حالة نفسية وتعب وارهاق بعددهة لحدما حسيت روحي جسم بلا روح جسم فارغ مجرد جسد ويمشي
جانت ايامي وهيه متشابهه يوم يجر يوم واسبوع يجر اسبوع والشهر مثل القبله ونسخه من البعده مصار تغيير غير الحزن .. جان رفيق دربي الاسود والي يواسيني صور فرحتي .. هه فرحتي اني اصيحلها فرحتي لان صدك بوجوده يكون الفرح ومن اختفت اختفه كل الفرح بلبيت .. رغد رجعت لبيت جدو من جديد علمود دراستهه واستمرت الايام بلا نكهة للفرح ولا طعم ولا اله وجود اصلا .. وماكو شي مصبرني غير الله وقربه وايماني بي
.......
اليوومم شي غريب صار اتقدملي شخص اسمه 'رأفت' ... حسيت وياه روحي رجعت مادري ليش حسيت حبيته او اتعلقت بي تفاصيله نبرة صوته عطره وشخصيته كلشي بي يچذبني اول مره ارجع اكتب مذكرات بفضله بفضل اعجابه وحبه
.........
سديت المذكرات ومشاعري مختلطه خوف من ياسر وحزن على ماضيهة واختهة وحب واعجاب بوصفها الي وحسيت بذنب لان فتحت ماضيهة ...
...............
رشا ..
صعدنه للدكتور فتنه اني وبابا وبرهم بس الدكتور كال وحدنه يحجي ويانه ميصير ويه المريض طلع بابا ،...
الدكتور : اني مو منحقي اطلع الوالد بس بصفة المعرفه بيكم طلعته
اني راح احجي بصراحة وبدون مقدمات المرض مقال من نسبته جسد والدكم ميتقبل الكيمياوي فلهذا افضل حل يسوي عمليه واكيد الاحسن بلهند بس تكلف هواي مصاريف واكيد لازم شخص وياه
اخذت نفس مااتأثر بعد ماتحمل الصدمات الي بحياتي خلت عندي برود نزلت راسي وحجيت بحسرة شكد نسبة نجاح العملية
الدكتور : بتلعثم اا ٧٠ ب بالمية
صار عندي امل شكرت الدكتور وطلعت فات بابا فهمه رجعنه مباشراً للبيت بدون اي كلام الكل راح الغرفته واحد يشارك همومه ويه شخصه المفضل .. مذكراته .. او حتى نفسه .. كل انسانه عنده طريق يطلع من الضيق الي هوه بي من خلالهة
وبعائلتنه .. بابا وماما اتجهوا للقرأن وبرهم راح الميس الي ماتركته لحظه واني بقيت بحيره اروح الرافت لو عيب بس اني محتاجته ضليت صافنه شويه ودك التلفون فزيت بس شفت اسمه فتحت الخط بسرعه
رأفت.. الووو شوشي
رشا : ش .. ش..و..شي
اتذكرت افراح جانت الوحيده الي تصيحلي هيج حسيتهة يمي اتذكرت من ماتت ورحنه ثاني يوم كالوا السرطان ٩٠ باليمه بجسمهه كل الشريط انعاد كدامي
رأفت .. شوشي !! تسمعيني
ماتحملت اني ضايجه ومنا بابا ومنا افراح لا والحلو الي يذكرني بيها اكثر انسان محتاجته كمت ابجي كعدت بلكاع وكع التلفون من ايدي لا احس برجلي ولا ايدي من الحزن والتعب .. مرات تجي لحظات للانسان يحس نفسه ضايع ميعرف شنو ديحس ميعرف شديسوي لحد مينهار .. بس انهيارة حيكون صعب حيفقد حتى قوتة وهذا وضعي هسه فقدت قوتي فقدت روحي ونفسي احس اني مخنوكه مداكدر اتنفس .. الهوى احسه ديقلل من عمري
صليت ابجي لحد مدك التلفون لان مسدود ومحاسه عليه شفت رأفت مفتحت الخط مابيه حيل شويه وصلت رساله
.. اني بلباب اطلعيلي لا ادخلج هسه ادري بيدج التلفون
دكيت بسرعه
_ولكك اتخبلت انت شجابك تريد تسويلي مشكله فضيحه متكلي شبيك
_ماسوي شي انزلي اريد اشوفج
_مانزل والله خوش حتى نطي سبب للناس يحجون علينه
_قسماً بالله يا رشا اذا مانزلتي تلكيني بغرفتج دقيقتين اذا تأخرتي ثانيه تدرين شيصير ورأفت مو بس حجي
_زين زين جايه ثواني
