أتظاهر أمامه بأنه لم يعد يعني لي شيئًا، لكني أفشل بإظهار عكس ما أشعر به اتجاهه، بخطوة واحدة يتجه بها نحوي تجعل كل ما بي يتخبط، يبدو أن هذا الحب تمَكن مني
_بيوم الي كلتيلي بي اني رحت لبيت فرح مباشراً ..
يوم رسالة رشا الى رأفت ...
رأفت ... بعدما وصلتني رسالة رشا كمت مااشوف كدامي يعني اني عايف ناسي واهلي ومسافر ومن رجعت محد وكف الي ومع ذلك بقيت لاخر لحظه وياهم من اجي احب يوكفون بوجهيي ! ليش ياربي البنيه الحبيتهه ووثقت بيها وانتظرتهه سنين هيج يصير وياها هسه شتكول عليه لا لازم اخذ حقهة لعد شنو بس بلاسم حبيبها ..
رحلت لبست هدومي ورحت لبيتهم ماكو ببالي شي بس اكو نار بكلبي واذا ماابقيه تحركني وتحرك حبنا ..
وصلت للبيت دكيت لباب شويه وطلعت ام فرح ..
_هلو خاله شلونج
_هلا هلا برأفت شعجب اجيت تفضل تفضل فوت
_ههه هلو بيج خاله حبيبتي ..
دخلت للبيت وبقينه نسولف فااستغليت الفرصه مال غيابي ذاك السبوع من الجامعه ..
_خاله اشو فرح ماكو وعمو علاء هم ماهوه وينهم
_اي والله طلعوا بس هسه همه على جيه .. خل اجيبلك جاي ومسويه لحم بعجين يخبل
_والله لحم بعجين مالتج ينشهد اله بس والله متنك كلش مثكل بالاكل ..
_يلااا لعد تردني وانت صارلك شكد مطاب النه والله ازعل منك
_كلشي ولا زعلج يلا استكان جاي ولحم بعجينايه صغير ..
_بعيوني حبيب خالته..
_(بابتسامه)سالمه عيونج
راحت ام فوح وبقيت اني صافن ليش الدنيا مابيها عدل !! ليش هيج ام تكون من نصيب فرح .. حب دلال لبس جامعه كلشي من احسنه .. ورشا .. اوووف يا رشا الي شكد شافت وتحملت من امها مع ذلك صابره وتحب امها ومحترمتهه .. اصلاً لوما اني قاري المذكرات مجان حسيت اكو شي مشاكل بينهم ..
شويه واجتي خاله جايبه جاي ولحم بعجين ماعون كله ..
_شكرا خاله تعبتج وياي متقصرين بس شدعوه هلكد ..
_اكلل وليدي اكل تغذه ..
_شربت الجاي وحاولت اكل لحم بعجين اكلت نص وكعدت اني مو بحال اكل..
جنت ناوي اروح جان تدخل ست فرح وابوها وياها ..
كمتله سلمت عليه هم رحب بيه وسلم ذاك السلام وفرح فاتحه حلكهة ممصدكه وابتسامتهه ماليه حلكهة سلمت عليها وكالت تبدل وتجي ..
راحت بدلت وعدلت مكياجهه لان جان فاتح وطلعت طوخ وشعرها فاتحته ولبس يقزز بلوز لا اصلا فانيله صلوخ وستريج فوك الركبه والجوه كله شيفون ..
حتى استحيات اشيل راسي مااخذت راحتي ابد ..
سولفنه ربع ساعه وكتلهه اريد محاضرات وامي مريضه اذا تكدر تجي هم اخذهم وتشرحهم الي وهم ابقى يم امي وبالي وياها سويت فلم حتى اني خفت من نفسي ..
هيه هم مصدكت راحت بدلت واجتي اخذتهه لمكان فارغ حدائق كلش حلوه بس ققليل بيها ناس بليل بقيت خازرهه شويه وكمت اصيح عليها
_لججج انتي شنوور حية ثعلب شيطان .. ولج حتى الحيوانات عيب اشبهم بيج .. ولج البنيه يمج حواليججج ليش هيج تسوين شنو انتي مو اهلج ذوله يمج ليش مو مثلهم .. تكرهين تشوفيني سعيد .. كاتلج احد ماخذ ورثج بايكج شمسووويلج اني ..
