قروا الفاتحه
ورحت اني للمطبخ اجيب عصير حسيت اكو صوت بس كلت منو ييجي للمطبخ ماحسيت خير على ايدين ثنين يم الكاونتر بحيت حاضرني من يمنه ايد ويسره ايد ماكدر اطلع درت وجهي رأفت
_عززا شدسوي ولك ايدك هسه ييجي احد
_ممم خل ييجون داسلم على خطيبتي ميصير
_رأفت بشررفكك ولك هسه يفصخون كلشي
يربي احجي ومو يمه قرب عليه جان ييجي بابا
_رشااااا رشاا
_شكوو شنو اني وينن
_بابا اليوم مكعدناج الصبح بس صبينه غده وكلت اكعدج تاكلين شنو مريضه وجهج اصفر اخذج للدكتور اطيج دوه ؟
_ لا بابا حبيبي مابينه شي شفت كابوس بس
كل الكوابيس هيج حلوه بس عزا شون نهاية الكابوس تشبه بدايه الواقع لا اني صدكت كابوس حلم اصلا وشون حلم خلاني احب رأفت اكثر
_يلا بابا لتصفنين كومي غسلي ونزلي اكلي كعدي يمنه اشتاقينه الج
_حاضر حبيبي هسه اجي
كمت غسلت وفرجت ونزلت جوه
ابراهيم _ظهر الخير
_ههههه ظهر النور
_تعاي كعدي متنه جوع واحنى منتظرج
_يي يلا جايه اني هم جوعانه
_يبو بنتي جوعانه واني عايفتها تنام
_حبيبتي ماماتي والله الصراحه كلش خوش نومه وكعدت جوعانه هم كلش زين اكل ونوم تحلى شي بلحياه اليوم مثالي
الكل ضحك
_ام السان كعدي يلا حتاكلين سوالف
_اجيت اجيت
كمنه اكلنا ناكل ونسولف كملنه اكل سويت جاي وعدنه كليجه شربت واكلت وكمت اشتغلت بلبيت بينما كملت كلش تعبت كلت اسبح يروح التعب
صعدت سبحت وطلعت بدلت حطيت عطر ومشطت شعري وجففته سويته ضفيره وكعدت ع التلفون شفت انستگرام ستوريات وصلت الايسر ناشر بلمستشفى .... صح اضوج منه لان احسه غامض احس اكو شي حرام غلط وراه مادري يجوز لان امه تفتح موضوع زواج دتئما بس يبقى عزيز عندي هذا طفولتي
_سلامت شكو اشو مستشفى ؟
_والله يا رشا دااموت
_شكووو شبيك ظل بالي
_سچاچين تكطع بمعدتي
_عزززه زين اخذت دوه شافوك انت وين هسه منو اخذك ؟
