حبيتچ بگلب من نساج عقلي كلبي نبضلج وحبچ من جديد
حبيتچ بكلب مو مره لا مرتين ولو تصير الفرصه احبج للمره الالف
حبيتچ بكلب ينسه الكل وماينساج
حبيتچ بكلب هوى ركصچ مو نبض هذا الي بكلبي هذا ركصچ عليه سوت صوت سميته رشا..
حبيتچ حب بگلب صافي فارغ مابي غير اسمج وانفساج وشويه من عطرچ
الكاتبة : مينا
_شوفي يا فرح وسمعيني عدل ..
رأفت بالمستشفى واني اكيده انتي متدرين لان محد يحبج او يريدج بس اني مجبوره اجيج لان ادري تحبي لرأفت فلهذا محد يفيدني غيرج
_شنووووو كرايبي مريض اخذ الخبر من غرريبة هه والله زمن وشبي رأفت بعدين ليش بالمستشفى وانتي شتردين عفيه حبيبه تجي لوحد تحب حبيبها وتحجي هيج بسهوله
_عفيه شويه اهدي انتي بنيه صيري انزك من هيج صرعتيني من الحجي اوكفي شويه شويه وتفهمين كلشي .
_اوكي اسفه احجي
_رأفت سوه حادث صار عنده فقدان مؤقت للذاكره ميتذكرني هوه بس يعرفني ميعرف شنو اصيرله المهم انتي اكيد مانساج بصفتج كرايبه والاكيد اكثر نسه شنو صار بينكم فاني راح .. راح ا..تر..ك ااا احم راح اترك رأفت واا ريدج تهتمين بي وتديرين بالج عليه سمعي قبل لتحجين
بدت تنزل دموعي واكول ..
باعي كليوم ب ١٢:٠٠ رأفت يفرغ من طلعة وشغل فتحجين وياه وحجي حلو وايجابي حتى يرتاح وياج
لل ١:٠٠ ينام
و٧ صبح يكعد كعدي واياه كتبيله كلام مال صباح حلو يكعد عليه وابقي احجي وياه لحدما يروح للشغل ادعيله خلي يحس انه مو وحده
وبالنسبه لرجعته فيرجع ب ١٢ يرتاح ويصلي ويكعد ويه امه لل ٣ يكمل غداه ويرجع هلفتره تعوفي بس ب ٢ تحجي وياه ل٣ عندي ونسي وشوفي الشغل شبي جديد وشسوه لحدما يروح تسدين الحجي وتحجين وياه ب ٧ المغرب من يرجع مراح يجاوب لان يكون ديصلي ويتعشه ويكعد ويه امه ب ٨ ب ٩ يحجي ويجاوب يبقى نص ساعه يحجي وياج ويطلع ويه جماعته من يطلع احجي وياه لتخلي يدخن ولا يتاخر من يرجع يسبح ويقره كتاب طبعاً لازم انتي تطي اسم كليوم اني راح ادزلج كتب تدزيلها اله تقروها سوه تكملون تشوفون فلم سوه ببرنامج عنده خليكلج ع اسمه تحجون هناك بالبرنامج ع الفلم وهيج تكملون تدكون ع بعض تتناقشون ع الكتاب والسرد وهيج من تكملون تحجون بعد بكيفكم ..
ميحب الرومانسيه المفرطه ديربالج منها احجي برومانسيه بس كوني طبيعيه لان الحب مو بس حبيبي وحياتي الحب اهتمام الحب ثقه الحب مستقبل فانتي خلي جزء من يومج حتى يحسج وياه ويمه على طول ..
هذا شي مهم دواه يصوره ويشربه اكل وشرب صوروا البعض حتى تكونون سوه او تحسون سوه انتوا ويصيرله نفس ياكل دائماً ضحكي ودللي رأفت يحب الي يدللهه
لتزعلي ابد تره لتشوفين هاي القساوه رأفت يقدر المرأه ويحبها الدرجه زعلها يكسره
حبي حتى يحبج وهسه صار لازم اروح ماكدر اسمع شي هذا رقمي شتحتاجين بخصوصه كوليلي وكاتبه بالورقه اسم المستشفى وكلشي بخصوص رأفت كلامي لتنسي وبلحظه الي يتذكر رشا كوليليه ماتت حتى ميدور عليه بلحظه لاني متاكده من حبه الي وهذا الشي يضرج من تكولين تركتك مراح يصدكج ..
مع السلامه .
طلعت واني اصطنع الثقه وامشي احسني داسحل بروحي حتى ماانهار كدامها ..
طلعت للحديقه جانت قريبه كعدت على مكانه اني وياه وابجي صرت اتخيل هيئته كاعد يمي ويكلي شوشي شبيج حياتي دموعج هاي تموتني ليش تبجين بعد روحي احجيلي خليني اساعدج رشااا
مثل المخبله احجي صرت اكول بصوت يرجف وعيون مغوشه من كثر الدمع ..
_رأفت اني بيدي سلمتك الغيري رأفت بنتنا الي جنه مقررين نسميها رؤى حتصير من افراح مو مني رأفت حبنا انتهى اني شسويت اني رحت رأفتتت اني اني اني راح اتزوج غيرك رأفت
ماحسيت غير على مره عيونها ملونه كلش حلوه جبيره بس واحد يكدر يتخيل شبابه وشون جمالها بوقتها بش شكلها مألوف شايفتها
كالت .. بنتي انتي زينه ويامن دتحجين
درت وجهي وكلي ثقه اريد اكول حبيبي بس شفت ماكو احد كتلها محد خاله تعبانه وداحجي ويه روحي ابتسمت ابتسامه مصطنعه لان تعودت محد لازم يشوف السلبيه واني مسؤوله عن الايجابيه للكل مادري منو خلاني اتعود على هلموضوع شكد ثكيل عليه بس نتائجه حلوه ..
اصلا محد يستاهل يشوف تعبنا محد مجبور تعبنا النا وحدنا ..
_بنتي انتي مو نفسج الي اجيتي ويه ولد حليوه اخذتي كلاده بيها ٣ R وكتلج شسمج كلتي رشا وهوه رأفت بس ال R الثالثه منو واختاريتوا اسم رؤى بنتكم بالمستقبل وهيه ثمره حبكم وهيه ال ٣
نزلت دموعي احس عيني تحركني غمضت وهزيت براسي بمعنى اي كالت اي وين زوجج
_انفصلنا ..
ورحت مشيت للبيت
اول ماوصلت صعدت فوك بدلت وغسلت وصليت ونمت كلش تعبانه من الصوع من البيت المستشفى ومن التفكير اخذت فاليوم بفضل ياسر الي مادري شون جابه بلا وصفه طبيه بس على الاقل فادني المهم اخذتهم ونمت .
رأفت ..
بعدما اخذت العلاج وقعنه الاوراق دادفع فلوس للمستشفى عرفت مدفوعات من زوجتي الي هيه رشا ابتسمت وبدلت وطلعت للبيت دورت مبايل احجي ويه رشا تلفوني ماكو امي ماعدها رقم رشا كلش ضجت اريدها اريد ابشرها اريد احجي وياها مشتاق لعيونها البيها لمعه ماكدر اوصفها ..
ياترى شدتسوي هسه بشنو تفكر شنو لون شعرها ياربي ملكتني هلبنيه خلتني دايخ بيها
معقوله جنت احبها هيج لا مستحيل احبها هيج لان حبي هسه كلش جبير اول مره احب هيج لدرجه روحي احسها رايحه بدونها ..
رحت اكلت شكد مشتاق الاكل امي ونمت كلت بس اكعد ادور عطرها بالدنيا كلها والكيها ههه لا اكيد امي تندل بس احسني نعسان من الدوه من اكعد اروحلها ..
نمت ..
ساعه وكعدت لكيت فوك راسي بنيه اول مره اشوفهه بس ملامحها مو غريبه عليه ركزت زين كلت اني بحلم ابتسمت الها ونمت ماحسيت غير ....
يتبع
اسفه كلش داطول عليكم بس مشغوله كلش فوك متصورون داكتب ويبقى كم كلمه وميصير مجال اكملها بس هسه جبرت نفسي وشويه واكمل جزء حتى لو نص جزء هم وانشره باجر صبح
وبليل هم انشر لو جزء لو نص ♥️
