احياناً كثيره تحدث اشياء خارج طاقتنا لدرجه اننا نسأل كيف حدث كل هذا .. ولا نجد الاجابه لماذا !! ببساطه لانه قدرنا الذي لا يصدق وضع هذه الاشياء
كمثل قدر شاب وضع حياته كلها بيد فتاة ارادوا ان يزوجوها لغيره وهوه يبحث عن حل لتبقى له فيفقد ذاكرته
وفتاة وضعت املها في هذا الشاب لينقذها وعندما تذهب وتسأله ما الحل لا يتذكرها حتى
بقلمي : مينا
شبييي رأفت احجيلي ويننه
_رأفت بمستشفى .... مسوي حادث وحالته موزينه يحتاج احد اقاربه ومن تجين اطيج التفاصيل
_ش ش شون ييعني خخطرره !
_من تجين افهمج مع السلامه .
ياااربي صدك تحجي هاي كلشي محجت شهل معامله
ياروحي رأفت محتاجتي يا كلبي شبيك شون اجيك شون تسوي هيج بروحك
اوف اني شداسولف خلشوف هذا وين وله حتى اروح اذا ماكو بس شكول للي اسمه اخويه
يارب اوكف وياي لازم اضبط كلشي قبل ماانكشف
رحت خليت كم مخده وخليت عليهم غطه
بعدين رحت بسكوت شفت جوه ابراهيم يحجي بالتلفون وياسر ماكو كلش زين ماما اكيد نايمه بس ساعه ٧
تقدمت شويه شفتها دتتفرج تلفزيون
زين شوون ياربي هااا خوش اجتي فكره ببالي
نزلت اني مبدله اصلا اخذت بس شال لفيته على بطني حتى ميشكون ونزلت نط ابراهيم
_نورت العروسه
ابتسم ورحت اخذت كلاص بي مي وطلعت وره البيت كال وين كتله مخنوكه شويه حتمشه بالحديقه الهنا ها خلجيب كتاب اقره شويه وارتاح وراي عرسين عرس اخويه وعرسي
_سدي الباب من تفوتين
_اي خوش
صعدت جبت كتاب ورحت طلعت خليت الكتاب ع الكرسي ولبست الشال وطلعت ادور ع المستشفى قريبه كلش على البيت ربع ساعه ووصلت ركض ليجوه للرسبشن سالت عليه كالت يالعناية المركزه رحت ركض ادور بالاقسام لحدما طلعت ممرضه سالتها ع رافت كالت يم وحده اسمها سها
بقيت ادور ع سها بالنص ساعه واخيراً لكيتها
_انتي زوجته
_اي اني وين رأفت
اخذتني للقسم الاول مقبلت افوت فكتلها اريد الدكتور مالته اخذتني اله وسنه يلا فتت
_مرحبا دكتور اكدر اعرف شنو بي
_مرحبا مدام .. رأفت سوه حادث سياره وللاسف صايره عنده نزيف حاد سويناله عمليه وهوه تحت تاثير البنج يصحه وتشوفي وان شاء الله ماكو شي ثاني
_دكتور شنو ماكو شي انت مفحصته شفت شبي مابي
_ها هذا الفهمتي لا اني مسؤول عن العمليه وبما ان كلبج نار خلكلج على وضعه بشكل عام
صاير عنده كسر بالايد اليمنه ورجله بيها رضوض وغير النزيف الي بالدماغ واريدج تصيرين قويه لان ..
