لااسطيع ..
النفس الذي لانتشارك فيه لا اريده
الحياة التي لا تكون فيها ليست حياة
نعم الهواء يدخل رئتي لكنه يخنقني هل تفهم !!
هل تعرف صعوبه الامر عندما يكون نفسك يخنقك لا تفهم
هل تعرف معنى الموت .. الموت اسهل من ان تعيش وروحك تركتك غابت عنك
واصعب مافي الامر التمثيل الذي اقوم فيه ..
امثل الفرح امثل الابتسامه الراحه الا اني لا اشعر بهم انها اشياء تخنقني هل تسطيع ان تفهم
الكاتبة : مينا
.....................
كال رشا
_رأفت اتذكرتني ؟
_لاا بس سمعت تبجين وانتي دتجين كليوم داشوف شبيج ؟
_لا هيج مابيه مع السلامه
طلعت وصرت ابجي بس هلمره بصوت ابجي كل قوتي لان حسيت خسرت كلشي ..
طلعت من المستشفى ورحت للحديقه اني حرفياً جنت دااودع كلشي يخصنه كانما راح اهاجر بلدي كله ولا عبالك حبقى بنفس المكان والمدينه ..
رجعت للبيت سبحت ورحت لفراشي اتذكر رأفت حجي ياسر ابراهيم بابا طلعة باجر للحلقات الي لازم تكون ويه رأفت بس حصير ويه ياسر بحيث دخت كلش
لدرجه صرت احس اكو حرب بداخلي ومتهده اريد هدنه بس عقلي رافض يأخذها
بقيت اتكلب بلفراش ماكدرت انام نزلت سويت حليب وبسكت كلش جعت صار كومة مماكله اصلا ماتذكر شكلت اخر شي ..
اكلت بسكتايه واجه ببالي رافت كمت شربت الحليب وصعدت نمت والدموع مجمعه بعيني
رحت تمددت وافكر لحدما غفيت
كعدت ويه اذان الفجر صارت عمدي عاده اكعد هيج وقت واروح الرأفت
فتحت تلفوني شفت ابراهيم داك عليه ممجاوبته اصلا صامت التلفون
ياسر داز مسج كال اجيج بال ٢ باجر
_هممم ييجي بال ٢ وهسه ب٦ خلسبح بالله واشوف الي ببالي
كمت سبحت على راحتي الحمام الدفو البي الهدوء يغريني كلش ماكدر استعجل بي
كملت سبح وبدلت وسويت شعري صارت ساعه ٨ كمت نظفت البيت وطبخت الغده وسويتلي جاي ولكيت كيك اكلت قطعه وكمت سويت جاي ثاني وريوك الماما وابراهيم كعدتهم اتريكوا غسلت اللماعين شفت الساعه ١ كمت صليت وبددلت ١:٥٩ الباب يندك
نزلت شفت ياسر ..
_صباح الخير رشا اي الكيج جاهزه ماعندج حجه ..
_اي
دنك راسه ونفخ كال هفف وكال يلا امشي اودعناكم وباس ايد امي وطلع
ودعت ماما وبستها ورحت صعدت بالسياره على اعصابي ..
_ايي بعدج لابسه اسود شوكت تنزعي انتي عروسه
_اي وردت انزعه بس شسوي لبسته ع الفاتحه الدنجهزلها
_مو مال حجي وياج انتي تسدين النفس ..
سكت وره شويه كال
وجهج اصفر عيونج حمر جوه عينج اسود وفوكاها ضعفانه صايره جلد وعظم اني ماريد مرتي هيج ..
_كلش زين اذا متريد ياريت نلغي كلشي .
_داكلج مرتي مرتي ! سمعي عدل
_هوووف افف ..
_لتحركين بدمج يلا نزلي وصلنا لو عجبج الحجي وياي ومبتسم
باوعت من فوك ليجوه وهزيت ايدج بلا ماحجي ونزلت
سمعته يضحك ورايه
اجه كمش ايدي وفوتني على محل مال ذهب اول مفتت غلق المحل كال حاجزه بس الج تفترين بي براحتج خاف احد ياخذ شي ويعجبج
باوعتله انقهر لان يعاملني بلطف واني ماحبه واحب غيره اني يمه وبالي ويه رأفت
كتله..
_شكراً
دخلت جوه لكيت رشا اجه يم اذني كال محبيت تكونين وحدج وادري بيج مطايقتني فجبت الي تحبيها
جانت رغد كاعده رحت الها شبكتها وابجي كالت مشتاقتلي فتبجي دتبرر الياسر وهيه تعرف على شنو دابجي اجتي مي تحملي حبيبتي تحملي لخاطر بابا لتبينين شي وتنزلين راسنه علمود بابا
ابتسمت الها ومسحت دموعي وكتلها مشتاقتلج كومه ولج ومشتاقه للحلو مالتي
_واحنى مشتاقيلج حياتي ان شاء الله يجيبج ياسر
_اي اكيد اجيبها بس هسه خلنختار الذهب اذا تردين الماس عادي الي يعجبج اختاري
درتله وجهي وشكرته وكعدت رغد تختار واني اهز راسي بتملل وشتكول اكوللها مادري اي بكيفج. انتبهت على ياسر ضاج كام يدول اختارلي تخم كلش حلو ونازك كلش كال هذا الج هديه مني لان اريدج تلبسين الماس والذهب كل مره تحبه ولا بد منه فواحد هديه واحد نيشان تمام
_ميحتاج كل هذا .. اتقرب يمي واخذ ايدي وكال
_وعيونج هاي قليل بحقج لو يكولولي بكد وزنها ذهب هم اجيبه واني الممنون
ابتسمت ماعرفت شنو احجي اختار الالماس كلش حلو وفخم مبين شي راقي وغالي
وراها اختارينه الحلقات ردت تاير بس كال لا ابو الالماسه احلى عليج فاخذنه ورجعت الطريق كله صافنه ميله هلفلوس معقوله فلوس حرام ؟ ماكو واحد هسه عنده هلفلوس ويدري ماططيقه اني شنو بشتغل ياترى
بقيت صافنه لحدما رجعت سبحت وخابرت افراح طلبت نلتقي ورحت للمستشفى شفته رأفت نايم اجيت يم راسه بسته وكلت :
_باجر خلص ينتهي كلشي وتتحول حريتي لقيود وهاي القيود مو قيودك تحي قيود ياسر
شكد جنه نتمنى بيت يجمعنه شكد خططنه وسولفنه شكد حبينه بعض كمت اشهك واحجي كلت انت الي عيني ماشافت غيره جنت مستعده وياك للموت بس انت تخليت اني ادري بيك والله رجال وكد كلمتك وادري القدر مانوي يجمعنه لتخاف مالومك بيوم لان نسيتني بس اتمنى منك تعرف اني رشا الي ماتخلت عنك مو من تذكر عبالك تخليت اني تحت قيود عادات قديمه ولحد هلسنه مستمره
احبك رأفت
اسفه
بيباي يانور عيني
رحت لكيت امه محجيت شي نزلت راسي ودرت وجهي حتى مشوفني ورحت للمطعم الافراح ..
رأفت .. جنت نايم وكعدتني امي علمود الدوه وكالوا راح يخرجوني احتاج اصير زين نفسياً بس حسيت روحي مو يمي روحي رايحه حتى النفس يخنكني
_يوم جانت هنا مووو ؟
_منيه يمه ؟
_ماما رشا هنا
_مادري والله يجوز اجتي من جنت طالعه ليش وليدي ؟
_اني حبيتها لدرجه صرت اعرف عطرها صح اني مااذكرها بس تدرين عطرها لحد هسه بخشمي من اول يوم حسيت هلعطر مال شي ملكي وحبيتها من جديد واني فاقد ذاكرتي حبيتها اكثر من سمعت من المرضات انوا بعدها تجي وتحجي وياي وتبجي وتروح
_وليدي انت صير زين وارجعلها اوكف ويه نفسك ولتضوج حتى تاخذها مريه الك ولتزل دموعها خوش رشا هيه
_ان شاء الله حسوي كلشي في سببل اتذكرها
_تمام بمه
ابراهيم ..
اتفقت ويه ابراهيم على خاضر وغايب ٢٥ ب ٥٠ وهوه قبل بلبدايه شلع كلبي وقبل ورحت الميس كتلها نتزوج وراهم حتى اخذ الفلوس الي استفاد منهن بزواجنا ونسافر مناك لتركيا حتى ترجع تعتني بامها هيه ..
رشا ..
بقيت انتظر بالمطعم فتره ماكو هيه طلبت جاي شربت وكملت وماكو ردت اروح وطلعت بوجهي سلمت عليها من بعيد وكعدنه بينما طلبت كهوه وشربتها يلا بدينه حجي
_اي احجي شكو جايبتني لهنا شصاير مصيبة
_احجي عدل رجاءاً مادام محترمتج لتخليني اعوفج بنص الطريق متعرفين شنو اريد وتبقين متندمه الاريده راح يفيدج
_خوش خوش اعصابج تمام احجي
_شوفي يا افراح وسمعيني عدل ...
يتبع ..
قراءه ممتعه واتمننى عجبتكم ♥️
