الحياة ..
اقسى شيء يرن في مسمعنا
كلٌ منا يملك ضربه من الحياة تجعله يكره مسمعها هناك من نسى الامه ولم يتذكرها
هناك من نسى الامه وهذه السطور اوقفته لترجع ذكره في الماضي اوجعته وثم سيستمر هناك من لم يعيش هذا الالم
وهناك من بدأ يعيشه
كما في قصتي هنا ستبدا بدايه جديده في القصه سنكون قريبين من النهايه ولنبدا بالسرد حيث وققنا
...........................
الكاتبة مينا
...............
صرت عصبي كلش احس فقدت اعصابي ماسيطر عليها كمت من مكاني بسرعه وطلعت اخذت السياره وشحطتها ورحت امشي بلا ماشوف الدموع تجمعت بعيني مابيدي شي اسوي ومامدر اكول انوا مابيدي شي لازم اسوي شي لازم انقذ حبي يارب اطيني القوه
يارب اررريد حل اريد حل يااااارب ساعدني اطيني حل اشاره ماكدر ابقه هيج بلا نفع
دك التلفون شفت اسمها هه اسمها رشا اي رشا لان اسمها احبه اسمها الها مو استهلك اله دلع او غزل هيه دنيتي وروحي وعمري وكلبي بس يبقى اسمها احلى من كلشي لانه منها لان شي يخصها مالتها لو راحت او رجعت تبقى رشا يكفي اسمها احد اساب حبي الها
شلته عليها اختصرت كلشي بمجلتين
حبيبتي اني بالطريق
من اوصل اخابرج
وسدت التلفون..
اول مره اسده بلا ماسمع ردها
ماكدر اسمعها تكول ها رأفوتي شصار وياك ها حبيبي شسويت
ها دنيتي شنو الحل
ها راح نبقى واني ماعرف شكول
ماكدر يا ناس افهموني
هيه هيه بنيني اي اني ربيتها من بعيد ربيتها بنظراتي ربيتها واني اراقبها
اراقب الناس التمشي وياهم
واني اتعارك ويه اليباوع الها
كبرت على ايدي
خفت احد ياخذها صارحتها وصرت حبها الاول وصارت حبي الاول والاخير
زعلها مجان حجي باذاني لا جان بكلبي هيج يشخطه شخط من تكول زعلانه كلبي اليبجي مو عيني
وهيج هسه ييجي احد يكلي حتروح من ايدك ؟
لا طبعا محد يتجرأ ياخذا لا لا
هوه الياخذها يعرف شتحب .. شتكره .. يعرف من تزعل شتسوي شون يراضيها شون تفرح شوكت تنام شوكت تكعد شوكت تبجي شوكت تاكل محد يحفظ تفاصيلها اني وقت تلفونها حافظه اني اذا تنفست مره هوه زايد اني اعرف بي هيه تعمقت بداخلي صارت كلي وملكي لدرجه كلش يخصها صار يخصني
محسيت غير انضربت السياره اصور بوقتها فقدت الوعي لحظات وحسيت شي بارد ينزل من راسي اني بلشترع ظلمه صوت اسعاف .. شصاير اني وين رجعت دخت واغمه عليه ..
............
رشا دكيت على رأفت جاوب بجملتين لا لا اكو شي صار شي لا رأفت ميسده اذا ميسمع صوتي لازم يكلي شصار
لحظه خلهده
ادك .. لا لا مادك هوه بالطريق
زين وين جانن
يارب احرسه كلبي ممرتاح يارب مالي غيره بهل دنيا انتهي بدونه اني
بقيت ادعي اله صار فوك الساعه وهوه ماكو ادري وين رايح
دزيت مسج
رأفتي حبيبي وصلت بالي وياك بس طمني لتخلي كلبي محروك عليك
بقيت نص ساعه انتظر ماكو رأفت
ادك عليه يطلع تلفونه مغلق وجهي صار اصفر دخت كلش ماشوف بعيني بعد بقيت ادك ومغلق ماعرف شسوي بعد ياربي ايدي ترجف وكع التلفون من ايدي رجلي صارت شعرايات بس اريد اوكف ماكدر وكعت واني ابجي
اجتي ببالي عواي اشياء محلوه وكل شويه اتعوذ الشيطان ختمت القران واني ادعيله واقره ادعي واقره وادك وهم مغلق حسيت روحي الي انغلقت
طلعت بلكوه بالسطح واخذ سجاتي اصلي وادعي حرفياً صليت ١٠٠ ركعه وابجي وادعي و اوكع واستند
مجنت متوقعه راح احب رأفت لهل درجه وبهل حب الي يخليني من افقده اصلي علموده اسوي اطهر شي بالحياة علمود بس صوته ..
بقيت ادعي اله صارت ساعه ٧ صبح وهوه ماكو واني على فد كعده استغليت الفرصه كمت لبست فستان ولفيت الحجاب على السريع وطلعت لبيتهم دكيت الباب محد طلع صعدت فوك الباب داشوف سيارته مموجوده
