اجتي الجعه
رحت ويه بابا صبح اخذ اول جرعه كيمياوي
💬 صباح الخير رشا شلونج ... اسف داازعجج بس ظل بالي على عمو ان شاء الله بخير شلونهه اول جرعة كيمياوي
اسف مااحيت بس محبيت تشوفيني الا تاخذين قرارج
فتحت التلفون رأفت
هه يعني ديذكرني لو يريد يخلي بالي مشغول لو شنو قصده
💬 صباح النور ...
بابا بخير كمل الجرعه احسهه أثرت عليه كومه تعب بيهه وجهه اصفر كلش مادري كلش خايفه عليه
المهم شكرا السؤالك
يااا اني شدااسوي صدك دااشكيلهه ياربي وين عقلي واني الكلت اجاوب ببرود حتى ميفهم شي ثاني
وره خمس دقايق دك عليه
هلاااوو رشاا شلونج شنووو شبي عمي
ها هلو رأفت لاا مابيش شي بس تعب من الجرعه كلللش واني كلش خايفه عليه شون خيتحمل باقي العلاج
_كولي ييااالله انتي كلتي علاج ميحتاج اوصيجج اهتمي باكله وفيتاميناته حتى يصير اكو بجسمه قوه ويتحمل الجرعه انتي كل اسبوع وحده لازم خلال الاسبوع اني مطيته فيتامينات وحديد واكل صحي ومكملات غذائيه حتى يكون جسمه قوي يتحمل الجرعه
اي هم صحيح اكيد مراح اقصر وياه شكرا
_العفو واجبي
رحنه بطريقنه حبنه كليجه و رجعنه للبيت
سبحت بدلت بابا راح مدد بلهول وماما كاعده يمه ابراهيم يقره
كلت اغير جو لبابا هابرت ميس كتلهه تجيب امهه وتحي عازمتهم ونطلع نجيب مشاوي نغير جو سوه
كمت قريت قرأن شويه
ونزلت
ماما حبيبتي عزمت ام ميس وميس وحطلع ويه ميس نجيب مشاوي ونكعد كلنه نتغده وبابا محتاج يتغذه واكل صحي اجيبله معلاك
_عفيه بنيتي والله عيب شكد اجت ام ميس النه تعبت ويانه وماعزمتهه راحت من بالي
اي والله الله يخليهه ياربي
وره شويه اندك الباب فاتت ام ميس وميس بوستهم ودخلتهم سويت حاي وظلينه سوالف وجاي وكليجه شويه وطلعنه اني وميس وظلت ماما وبابا وابراهيم وام ميس
رحنه وصينه مشاوي كباب وتكه دجاج ولحم وكباب دجاج الام ميس متكدر تاكل لحم ووصيت معلاك وابراهيم يحب الدجاج وصيت دجاجه شوي على التمن
ميس نروح للسوبر ماركت بينما يجهز
_اي يلا
وحنه للسوبر ماركت جبت نساتل وحب جبس ولبن ويه الاكل ودفعت الحساب طلعنه شفت الوقت بعد بقه للاكل نص ساعه
ميس المحلات حلوه هنا نفتر بيهه !
_اي ياريت ضايجه اصلاً
ظلينه نفتر
هذا حلو المحل امشي نفوت عليه ونرجع
