_ي وين الرقم
اطتني الرقم بس هذا مو غريب عزززه معقوووله شيسوي هذا هنا !!!!!
شكو رشا وجهج صار اصفر منو هذا ؟_
_مادري داحاول اذكر المهم اشوفه بعدين شويه وييجون بيت عمو وجدان خل اكوم اصلي واسبح حتى اصب ناكل واعزل البيت عيب
_اوكي حبيبة بس خلي ببالج الرقم يردون يبلشون باقرب وقت تدرين العطله صغيره هم خطيه البنيه
_اكيد اي ماانساه
رحت البابا سلمت عليه بسته وطلعت صليت وسبحت وكملت نزلت صبيت غده اتغدينه جان الهدوء سيد الساحه محد بي حيل يحجي لحدما كسرت الهدوء
_برهم شونك بلسادس خوما متحاج شي ؟
_لا كله تمام
طبعا كلش يهمني برهم يطلع معدل لان بعدما قدم ويه ميس مصارتله الفرصه ابراهيم تارك دراسته بس مخلص سادس مع ذلك معدله مااهله بس مراد يكسر بميس فخلاها تكمل وهوه قدم خارجي يدرس ويفوت مثل قسمهه حتى يتطمن وياها هم بالكيله وهم بالشغل ..
كملنه اكل ،.. وكمت غسل اماعين عزلت البيت مسحت اطراف الكاشي الظاهر كنست الزوالي مبقه شي رجعت سبحت كلت خاف عركت او شي طلعت
عندي شعور اطمئنان داخلي فمرتاحه شويه مادري اذا هيه راحه بس الي ادري بيه انهه احسن من شعوري قبل شويه اهدء ماكو عاصفه بداخلي غير شغله وحده ودتسوي صراع بداخلي وكاتمته ... هيه حبي الرأفت ..
صح اني مدافكر بي بس داحس بي رأفت اهتمامه .. مراقبته الي من بعيد .. سؤاله .. سلامه .. اعترافه ... كلشي جذبني بي بحيث حبيته ويجوز لان اول مره احجي ويه ولد هيج احس اني اريده واريد اتملكه اول مره ارغب بلزواج وياه اذكرت الخصوصي رقمه اله يعني اني متأكده علمود يشوفني هاي حجج هههه غير عليك سوالف رأفت المهم اتأخرت واني صافنه
كمت حطيت گحله شويه وحمره خفيفه لان عطله بدت ومحلو اكون مبهذله
مشطت شعري على كيفي وسويته ضفيره الشي الوحيد الي مااكبر عليه كملت ونزلت
وره دقايق دك الباب عرفت هاي بيت عمو وجدان رحت فتحته ،.. سلمت عليهم وكعدوا بلهول كعد بابا وماما يمهم وابراهيم حتى مااجه سلم ... يقره جان لان عنده كومه دراسه
كمت سويت گهوه وقدمتها الهم ويه الكيك وسوالف متنتهي فلانه تزوجت وفلانه اطلكت وفلان انخطبت وفلان مات وفلان ورث كذا مبلغ سوالف مالها معنى مادري ليش هيج نظل دائما منكدر نحجي بنفسنه بمستقبلنه عايفين كلشي وشايلين هم فلان وعلان ...
ظليت صافنه عليهم وره شويه كمت جبت كرزات وحب وجاي وبسكت
الشته كلش بارد والمشروبات الدافيه ويه الصوبه تحسسني بالدفو فجنت كل شويه اسوي شي دافي كمل الوقت وراحوا همه كمت عزلت البيت مسحت الطبلات غسلت اخر وجبه مال اماعين لان جنت اغسل وقت بوقته ومسحت اخر شي صعدت كلش تعبانه صح بارررده كلش كلش واحد مابي حيل يتحرك بس مكدرت انام ظليت اتكلب بلفراش لحدما سبحت ... ونمت اول مطلعت من الحمام ..
مكعدت غير ثاني يوم الضهر كوه كعدت ميته نعس ،....
