خابر رأفت كال حييجون لان منتظر خطار يخفون وصار لازم ييجي هوه والدته
كتله تمام واتفقنه ييجون بعد اسبوع يوم الجمعه تحديداً
مره اليوم عادي صعدت سبحت ونزلت شربت مي وصعدت صايره هواي اعطش من التعب يمكن او الحر ..
كملت كلشي ونمت .. ثاني يوم كعدت من دنتريك سمعت حييجون بيت عمو وجدان وياسر وامه بليل كلت اطلع العصر شويه كمت خابرت على فرح وميس واتفقنه نطلع بال ٥ حتى الجو شويه يبرد ولو هوه شتى بس اني المحتره مادري شبيه ..
باوعت للساعه بال ١٠ كمت اشتغلت كملت كلشي ساعه ٣ سويت كيك وزينته كله بالككو وسويت اقسام فستق بعدين مبروش وراها فستق وراها مبروش وغلفتهة ورحت سبحت ومكيجت بدلت وطلعت للمول اشتريت فساتين مال طلعه ومكياج كملنه ورحنه صعدنه فوك اكلنه ورجعنه
جانت طلعه خفيفه كلش اتونسنه
بينما وصلت للبيت ساعه ٧:٠٠ وبيت خاله ييجون ب ٨ كمت صعدت الغراض ضميتهه غسلت جسمي بدلت ومشطت ونزلت ويه مانزلت اجوي سلمت عليهم وكمت اسوي جاي واحجي ويه رأفت او بالاحرى اتعارك بس عرك حبايب مو شي جدي منوره الغيره مالته
كملت وكتله رايحه يم الخطار سديت التلفون واخذت كيك وجاي ورحت وديتهم اكللنه وشربنه غسلت الاماعين ورحت حطيت حلويات بالماعون جبت وياي هم اكلناها ويه الببسي سوالف بقينه ل١٢ وراحوا بيتهم قريب فيبقون دائماً الوقت متأخر ..
صعدت فوك لبست دشداشه كدري ماكدر انام بلبجامه اصلا احس بوخه بكل جسمي شلت شعري حطيت مرطب وتونر وهلسوالف ونمت جريتهه نومه لل ٢ الظهر كمت بسرعه غسلت وصليت ونزلت لكيتهم هم هسه كاعدين صبحت عليهم وكالوا
بابا .. غير مشتهي مشاوي وخبز هذا المتفخ الله
ابراهيم .. اي والله اني كلش مشتهي كباب ومقبلات وخبز حار ولبن وراها جاي غير شكل
ماما ضلت تضحك عليهم فَكلت الهم ..
_اوكي شنو رأيكم نطلع اليوم نتغده بره
الكل..
_اي والله ياريت
_زين ححمي لحم بعجين وجاي هسه ولل ٦ نطلع حتى ماكو ازدحام
الكل ..
_اوكي
كمت حميت لحم بعجين وسويت جاي اكلنه وكمنه عزلت البيت ونظفته وبخرته ورحت سبحت وطلعت بدلت شفتهم بعدهم ممكملين كمت فتحت التلفون من البارحه سادته ..
شفت رأفت خابص الدنيا ١٠ مكالمات ورسائل او رزايل 😂😂
_ شوشي لتكعدين يم ياسر
ولتططلعين بلتراك لبسي شي عريض وطويل
لتسولفين هواي
الووو ويامن احجي
هااا متشوفين رسائلي
وين رحتي
هاااا سديتي التلفون علموده موو
اي خليج هيج خليج
اني الج يا رشا بسيطه اله اربيج من جديد وابطل طبعج هذا
تدرين شنو خليني اروح اني يم غيرج يم رقية اشو تحبني وتريدني شعندي هنا
وانتي هم خليج يم حبيب الكلب
مكافي يمه بالهند
وغير لبسج ومكياجج اليوم
لا والشعر طالع
وعفتيني ورحتي
