وراحت ...
قرأة ممتعه
الكاتبة:مينا
صعدت بغرفتي سبحت ونشوف شعري لبست فسان اسود وحذاء جلد النمر عالي وشال اسود ونزلت بعدما دكت عليه ماما ..
رجل تقدم ورجل تأخر ماريد انزل بس مجبوره كلما هزلت درجه كلما انسحبت روحي اكثر ..
لحدما وصلت للاخير وحسيتني بلعبه صعبه مثل طفله تحب التحدي وصعدت بسفينه نوح وبنزلة السفينه كلبها تحسه يطير ويرجع بالصعده اني لا اني كلبي طار ومارجع ..
صاروا كبالي وعيني ملاينه دموع فتت الهم سلمت عليهم وكعدت خالتي خزرتني وكالت صار سنتين على وفاة المرحوم شوكت تذبين الاسود ..
_من كلبي يتقبل الموضوع خاله هذا ابويه مو اي احد والمفروض تفرحين تشوفين شكد وفيه وغير هيج هذا ابويه مو كرايبي او صديقي ..
_شون افرح واني داشوف البنيه الدنخطبها حزينه بس اليوم لو مجاملتنه ولابسه الوان كسري اللبس بلون على الاقل ..
ابتسمت الها ودرت وجهي على اعصابي كاعده اتمنى بابا يمي ويلوموني لان لابسه عليك اسود واني اتمناك بكل لحظاتي وانت ناقصني يا بابا هواي ناقصني ..
بعد الكهوه والعصير والحجي حجه ابوه ياسر الحجي التقليدي الملخصه تريد نخطب بنتكم رشا الابنه ياسر على سنه الله ورسورله..
وراها ييجي دور اهل العروسه الي يدرون بيها مراضيه بس حيكون جوابهم ( هذا شرف النه وماكو احسن من ياسر البنتنه رشا ) ..
ومن هلسوالف المتنتهي بقوا سوالف ومجامله عبالك الكدامهم صاروا غير ناس مو بيت خالتي بس امي اشوفها صافنه لا تكدر تحجي شي ولا تكدر تسكت عيونها بيها لمعه واعرفها للمعه دمع بس متريد تبين
اما ابراهيم والصدمه ميس هه فالضحكه تارسه حلكهم
ورغد بين المصدومه وبين الضايجه لدرجه مااطت رددة فعل ..
كملت السوالف مال خطبه كلها عزلنه البيت وصعدت سبحت ورحت على فراشي ماعرف شسوي احس داخلي دابجي بس بدون صوت
احسني مخنوكه احس اكو شي ديتكطع من جوه
حتى عيني احسها مراضيه على الي صاير وديصير مستمر بس الدموع نشفن بيها وميطلعن بعد ..
اصعب شعور هوه شعور الوحده انك وحيد بس اكو احد يمك !!
هيه هاي الوحده من تكون بوسط ناس بس محد يفهمك ..
بقيت مخنوكه يربي نفسي ميطلع شسوووي كمت صليت ونمت كعدت الصبح فتحت تلفوني لكيت رأفت داك عليه كومه دازلي مسجات يسأل ويني وشصار وليش مغلق تلفوني وكومه رسأل اخر وحده حجيج والله اذا مادكيتي العصر يمج ..
