جنت كاعده اتأملك اتأمل ملامحك اسمك صوتك صورك كلشي بيك ..
واجتني العاصفه الذكرتني اني مو الك
العاصفه الي كالتلي راح منج هوه
جانت العاصفه بهيئة هوا دخل لكل رئه براحه بس اني دخل الرئتي حتى يخنكني ينزل دموعي وبكتم صوتي لان مالي حق ابوح عن الي بداخلي
ومن لحظتها كلت كل هوا يدخل رئتي يذكرني بيك اسمي عاصفتي لان يحول الهدوء الي بداخلي العاصفه وحرب ..
الكاتبة : مينا Mfiras22
...........................................
باوعت كوه بنظره توسل ببراهيم شفته ولا معبرني باوعلي هز براسه وكال
والله يا عمي انتوا خوش ناس جربنه كرابتكم وهاي دنشوفكم شون واكفين ويانه وجربنه نسابتكم ودنشوف نسابتكم وشفت اختي سعيده وحياتها حلووه وياكم فشكلك خلني نفكر بالموضوع لان ماكو منكم انتوا اكدر آمن على اختي وياكم بس هذا مستقبل قبل لتسمع جوابي افضل تطوني مهله اشوف البنيه ..
وجدان: الك الي تريده
_اسبوع وان شاء الله مطيك جواب
_شدعوه اسبوع !
_زين يابه يومين هيه مو سلك بيض ..
_تمام يابه اخذوا راحتكم وفكروا ومايصير الا الي كاتبه الله
_ان شاء الله ابقوا والله وين كايمين ؟
_لا هم ياله نروح انتوا تعبتوا
_لا بلعكس شرفتونه اصلا
رشا ...
راحوا همه واني راحت روحي بس مو وياهم راحت روحي بعيد وبعد ماندلها اريد اوكف على رجليه ماكدر مو نن الفرح لاا من الخوف والضياع
خوف من ابراهيم يوفق وضياع بدون ابويه الي جان رفض
خوف على مستقبلي خوف من انوا يقبل خوف من كلشي ..
دخل ابراهيم وابتسامته على كد وجهة كله
باوعتله واصطنعت القوة..
ابتسمت بوجهة وكلت ههه شعجب مسديت الموضع مثل كل مره
_اسده ! هه ليش اسده شدتحجين انتي
_ابراهيم هاي شبيككك شنو هلستهزاء
_اصعدي يلاا بالغرفه وبعد يومين ارد الموافقه غير هيج ماسمع اني كلت يومين علمود كرامتنه اوكي عيني ...
_بس اني ماريده ماريد ياسر شنو نسيت منو ياسر ! انت مو تدري بابا الله يرحمه شكد جان رافض هلفكره !!
_اول شي يا ست رشا ماعدنه بنات ياخذون غريب عيب شنو وين عاداتنه وتقاليدنا لو بنيتج تعشكين مثل الاجاننب اسمعي وخلي كلامي حلقه باذنج واذا جاوبتي بعد كلامي بشي هاي المروحه اعلكج بيها اول شي ماعدنه بنات يحبن ويزوجن غريب لو ابن عمج لو ماكو زواج وبما انوا ماعدنه بنات يعنسن فانتي تزوجي وحمدي ربج وشكري وشغله لخ ابوج مات بعد خلص ماكوو اب اكو ابراهيم ويلا هسه فوك
سمعت كلامه بقيت مصدمه صافنه ماعرف شاحجي والله ..
صعدت فوك والدموع مجمعه بعيني اول شي سويته صليت ركعتين واني اصلي ودموعي توكع مااسيطر عليها بعد كمت اشهك بالصلاة ..
كملت دعيت الله (يارب انت وكيلي يارب انت قوتي انت الاهي وانت الوحيد الي وياي بوقت الي محد الي بي بعد وفاة بابا كلها صارت وحوش وماكدر وحدي اريدك وياي يااالله ) ادعي وابجي لحدما كملت كمت خابرت رأفت اريد احجي حجايه ماكدر من البجي
_ولج شوشي لتخبليني احجي شصايرر !
_رأفت .. اني .. اني اريد ... اريد .. امووت
_ولج شصاير احجي اجيج هسه ؟
_لا لاا
_لعد اهدئي حبيبتي واسمعي اقري المعوذات وفهميني شصاير حتى اساعدج يا روحي وراحتي انتي لتسوين هيج والله اموت من اشوفج هيج
_بس اشرب مي واجيك نحجي اوكي انتظرني محتاجتك لتعوفني رأفت
_شون اعوفج ولج انتي عافيتي شعوف منج وانتي دنيتي كلها يلا ابقي فاتحه خط وروحي غسلي وشربي مي وتعالي تحجي ماريد اسمعج دتبجين ولا اريد دمعه تنزل من عيونج
