دفعت اخطاء اختياراتهم

البارات الاخير

من قبل نحن وعندما نتكلم نقول كنا ..
الان لا يوجد غير انت وانا ولا بجمع بيننا (نا)

الكاتبه : مينا

اول موصلنه شفت نفسي بالمحكه يعني بعد ماكدر اسوي شي وشريد لازم اتطلك زين شوووون يرربي
نزلت دموعي الي كلت عنهم نشفن من شفت المكان
نزل هوه وفتح الباب بقيت متحجره بمكاني ماعرف شسوي ..
_نزلي شبيج اليوم مو طبيعيه لتشلعين كلبي يلا

_ااا مو اني اريد اخويه صديقتي امي وياي بهل يوم
_يا صدك تحجين يا اخ يا صديقه وتدرين بيهم منافقين وبعدين من شوكت العقد نعقده سوه يلا رشا ريلا لتطلعين اعصابي

_اوكي ..
نزلت واني صرت بلا احساس حرفياً مداحس بشي ..
اصعب شي يحسه الانسان هوه الفراغ الداخلي الي ييجي من الماسعر متراكمه لدررجه نحس مشاعرنه نفجرت وماكوو حتى بقايا من هلانفجار فيصير فراغ بجوفنه نحس الموت اهون من هلبرود واحنى نار ...

مشيت ووقعت صرنه عاقدين رسمي اجه يمي ياسر كمش ايدي اثنينهم وتقرب باس راسي وكال صرتي مرتي هسه كلش فرحان جنت منتظر هللحظه من زمان ..

ابتسمتله وكلت مبروك
_مبروك علينه حبيبتي امشي بلا نعقد شيخ ونخلص
مشيت مثل الرجل الآلي عقدنه شيخ بلبيت مجهزين كلشي جان متفق ويه اهلي وحفله بسيطه لليل بقه يمنه عساس ديروح بس ابراهيم جلب بي لان الوقت تأخر فبات يمنه ..

كمت عزلت البيت ونطفته عل سريع سويت عشه تعشينه كلنه سوه وصعدت عود دانام ..
جنت محتاجه لحظه صمت وهدوء افهم بيها الديصير افهم اني جنت كاعده ويه واحد صار زوجي
ورغم الكعده ويه روحي والتفكير طلع ضوه السمه واني بعدني مطلعت من ظلمة روحي ..

كمت اشتغلت بلبيت باستثناء الغرف الكاعدين بيها همه .. كملت شغل طبيت سبحت طلعت لبست وحطيت المي ع النار دكيت الباب على ابراهيم طلع ياسر
_صباح الخير حبيبتي
ابتسمتله وكلت صباح النور .. اا شسمه سويت الريوك يلا
ابتسم وكال تمام اغسل اكعد ياسر واجي
_اوكي
عفته ورحت الامي شفتها ننايمه وامو مكان يمها تمددت يمها وبقيت شابكتها وابجي بصمت حتى متحس بيه لان البيها كافيها ..

حسيتها تحركت كمت من يمها ومسحت دموعي وكعدتها وديتها للحمام غسلت الها وجبتها للميز الولد طلعوا كعدنه سوه نتريك كل شويه واحد يحجي واني ملتزمه الصمت ماما عينها عليه وداشوف الحزن البيها ادري حاسه بيه صح متدري برأفت بس تدري شكد اكره يكون ياسر هوه زوجي ..

كملت غسلت اماعين الريوك وداكعد افتح التلفون جان يندك الباب فتحته طلع ياسر

_ها رشا اني رايح بيباي
_باي
راح وهز بيده اني سديت الباب وفتحت التلفون على الصور داشوف صوري ويه رأفت وقريت الرسائل كلها احس مداشبع مشتاااقه اله اريد هسه اروح واكابله واكعد بس اصفن بوجهه ..