اا اريد يصعد عمو رأفت ويانه لان متعوده اله عادي
اكص ايدي اذا مو رافت كايل للبنيه هيج هسه اذا اكله اهلي يفهمون غلط مم شسوي
_اوكي حبيبتي كوليله او اذا تردين يعني نصعد سوه نتعود على بعض واذا متعودتي اني اصيحه الج شنو رأيج ؟
_بس اليوم حباااابه ست حباابه
_هههه يلا شسوي خل ييجي
_شكرااا كلش ست ... عمو رأفت عادي تصعد ويانه
_هااا اا اخذوا راحتكم انتوا واني راح اروح واجيج من اكمل ماريد ازعجكم
ابراهيم .. لا شنو ازعاج وبعدين البنيه مامتعوده ظل هنا نتغده سوه ومن تكمل تاخذهه مو غربه انت هم صديق العائله
_شكرا .. يلا يحلوه اني هنا لعد انتظر
كلت مصدك يربي ههههه
ايه ... يعني متصعد ويانه
ابراهيم بهمس مكدرت اسمع زين
رأفت ... طبعا مثل متوقعت مقبلوا اروح وهذا الي متفقين عليه اخر شي راذت ايه الي اني كتلهه اصعد وياهم للدرس وابراهيم كال بهمس
_مبين البنيه متعوده الك اصعد شويه وياهم بينما تاخذ على الجو وهم انت دارس انكليزي تساعدهم اذا مليت اني جوه بس خطيه مستغربع البنيه
_يعني ماريد يصير ازعاج .. بغرفه رشا
_ اني صريح شوف اذا ناوثق بيك اني واثق باختي لهذا ماكو احراج اني مربي اختي واعرفهه وبعدين جايين درس اكيد اتفضل
_شكرا اوكي
والله فرحت وزاد اعجابي برشا شكد شريفه وبنت اصول حتى هيج يوثقون اهلها بيهه
رشا.. كل هذا واحنى صافنين لحدما كال رأفت
_يلا يحلوه امشي صاعد وياج
استغربت بصراحه بس مشيت صعدت وهوه صعد ورانه كامش ايه ويمشون
ايه كلش بريئه وناعمه الي يشوفهه يكول ابتدائيه
فتحت بابا غرفتي ... تفضلوا ادخلوا
دخلوا ودخلت وراهم بس عفت الباب مفتوح اصلا جانت كهرباء فتحت المبرده وكلت
_تعاي حبيبتي ايو هنا نكعد واشرت على المكتب
ايه .. عمو تعال اكعد يمنه
_لا حبيبتي خليني مازعجكم
خلي عمو براحته .. احنى كدامك اذا تحتاج شي كول اخذ راحتك وابتسمت
_شكرا .. راحت هيه عدهه بالغرفه مثل المكتبه كلهه كتب وميز وبي كراسي كعدت عليه هيه وايه واني ظليت افتر بالغرفه شفت صورهه بايطار على ميز يمهه شكد ردت احتفظ بالصوره .. يلا تصيرين مرتي واشبع منج شوف
دزاين الغرفه مالتهه كلش نازك وبسيط عكس شخصيتهه الي مبينه قويه كلش توقعت الكيهه سوده الغرفه بس هيه سمائي وابيض كلهه وبيهه هواي العاب .. شكد بريئه رحت كعدت على قنفه تبين بيهه كدامي ظليت اراقب كل حركاتهه صوتهه ايدهه شرحهه خسيت الي دتشرح سرحت بيهه الفتره .. كمت وراها رحت يمهم شفت اكو ممكتبه بيهه هواي كتب كعدت اقره شنو المتب كلهه كتب اجنبيه واكو روايات عربي ولكيت بينهم دفتر فتحت اول ورقه مكتوب اهلا بكِ يامذكراتي في اليوم الاول بس خط صغير مبين مال طفله بالابتدائية .. حسيت بتأنيب الضمير عفته وشفت دفاتر ثانيه ٥ دفاتر كلهه مذكرات اجزاء .. هنا فضولي قتل ضميري للصراحه واخذت الدفتر الاول اول جزء وحطيته بهدومي سديت القبوط عليه لان جنت لابس .. بنطرون جنز وقميص فوكاها قبوط قصير ورحت كعدت يمهم شفتهه شون تشرح والبنيه كلش حابتهه عبالك عدها خبره بالتدريس ظليت صافن بيهه لحدما كالت ..
_الوو ويانه
_ها اي اي وياكم
ضحكوا هيه وايه
