مرحبا يا حلوين شلونكم .....
اجيتكم بالجزء الثاني اني كاتبه كم بارت القصه راح تبدي تختلف حتبدي توضح اكثر
احب اشكركم على المستوى الاول الي كومه شفته خلال هلفتره
واترككم بقراه ممتعه
الجزء الثاني المستقبل ...
لا مو هيج القصه واني راضية وساكته بس تعبت الى متى بيوم وليله كلشي تغير من ذاك اليوم لحد هسه اني ممرتاحه مااعرف شسوي
سحر : شنو متعرفين انتي اكيد تخبلتي يعني اكو وحده عدهه عقل تسوي الي سويتي حظرتج
_لعد شسوي المن اظل ؟ الى متى ؟ اوكي صار الي صار ماكدر اسوي وتعودت بس .....
_بس شنو ؟ انتي ماعندج عقل كم مره كتلج حركي كلبه ولج هوه يحب الي يذله ليش مدتفهمين
_زين اوكي وابني ؟ مداكدر والله واخاف احمل مره ثانيه وماريد منه مااريد حقير ابن حرام الي سواه مو قليل مجرم اصلا
_استهدي بلرحمن واخذي مانع حمل واني وياج
_الله كريم
طبعا كلام سحر الي كلش صح مادري ليش اقتنع ومن ارجع للبيت اتخبل ياربي يارب انت وحدك تكدر تساعدني وتعرف الي بيه ياالله اوكف وياي وانصفني يارب
رجعت للبيت ساعه 7:30
_وين جنتي ؟ اتاخرتي 5 دقايق عن كل مره ليش ؟
_جنت بجهنم على اساس متدري وين وبعدين اذا هيج دتضوج مااروح بعد اكيف
_لترردينننن عليه فهمتي لو لا السانج اكصه اذا طولتي
_كصه وماكدر اروح وتوكع بيك ويلوموك احبابك يا وسخ
_اوووي ياروحي عساس شون تهمني الناس بابا لا انتي ولا الناس ولا اي مكان يهمني شنو نسيتي اني منو
_لا مانسيت انت النسيت لحضه اذكرك انت الي سحلت روحك حتى تحصل كلمه مني انت الي حبيتني لحكتني بلكليه تحبني بجنون وتتمناني انت هذا لو نسيت لا لا انت متنسى تتناسه ولا تتناسه بس انت واحد جبان ضعيف وبلا شخصيه نسونچي
_ولج منوو هذا النسونجي وميت عليج ولج انتي لعبتي اخذتج حتى اكسر خشمي ولي نسييتي وين لكيتج وتحملت وسكتت الخاطر العشره بس انتي وحده متنحملين عساج بموت اشو تعاي اربيج بيدي
واستلمني ضرب لحد ما فقدت ياربي ليش ليش اني شسويت تحملت وتعبت ادري غلطت بس ياالله ماقصدي ولا ادري هيج نهايه طريقي يالله ماتحمل اخذ روحي وخلصني
هه اني اني رشا المدللهه المحبوبه الي محد يرجعلهه كلمه هيج يصير بيه هاي آخرتي ؟ انضرب وانهان ومحد يسمعني
دموعي الي جانت ذهب هسه صارت بدال ضحكتي
لهل درجه غلطي صعب ينغقر
نمت من التفكير
............
#زوجها
تأخرت رشا خمس دقايق ومع اني ادري انها يم سحر ومتاكد بس مع ذلك صيحت عليهه شكد حبيتها لهل بنيه بس لسانهه طويل وهذا السانهه خلاني انجبر اضربها
بس اوف ياكلبي .
شفتها تبجي وتحجي ويه الله ماعدهه احد تشكيله والدم تارس وجهه متكدر تكوم من الالم ضليت اراقبها ومقهور عليهه انتظرتهه بلكي تنام
بد مانامت كومتهه على الفراش جبت قماش نظيف نظفت وجهه من الدم وبدلتلها هدومهه وهيه محاسه بشي تون من الالم
نمت وخليتهه على صدري
_رشا اني اسف اني عصبي وانتي تجبريني اسوي هيج الاحترام متعرفي هذا السانج مشكلتج متحسين على روحج
اوف اوف اني المن احجي وهيه نايمه واصلا لو كاعده الي براسها براسها وعنادهه موتتهه
نمت يمهه مع اني منعسان بس اني يمهه انسه الدنيا ومابيهه حبي الها ماكدر اوصفه طول عمري احبهه وارتاح يمهه هه جنت اتمنى اسويهه اميرتي بس هيه الي مافضلتني ششافت بي مو بيه
وره مانمنه 3 ساعات بدون منحس كعدت لكيتهه مختنكه عركانه وتصيح كعدتهه شبكتني ..
ههاي اول مره
_رشا رشا حبيبتي شبيج رشا اني يمج
_لتعوووفني الله يخلليك ظل يمي ماريد البيتنت مارريد اني بعيني شفتهه والله شفتهه انت مصدكني
_رجعنه النفس الموضوع شون بيج رشا وتالي اني مليت وتعبت ماتحمل بعد صلي ع النبي ونامي
_لتعوفني
مع اني احبهه بس ماكدر اعاملهه باحترام لازم اقسو عليهه حتى تتوب
_عنذي شغل ماكدر نامي انتي مانعسان
كمت على الحاسبه كملت كم شغله ورديت على كم ايميل وشفتهه نامت نمت يمهه
يتبع ..
حبيت اوضح جزء بسيطمن الجزء الجديد طبعا هذا مراح تشوفوا نصاً هذا توضيح او نصوص ناقصه تتكلم بصوت رشا مره وزوجهه المجهول مره
غلطه رشا
زوجهه
عمرهه
شصار بابنهه
اهلها وين
ليش يحبها ويضربهه
كل هذا ماعرفتوا بس من خلال الجزء الثاني كلشي حيتوضح
اتمنى عجبكم وتحمستوا للجزء الجديد
تحياتي ❤️
