وهنا اختفت شويه شويه لحدما صار حتى ظلها ممبين ..
اختفت مثل النسمه الي تدخل وتضربك وتصيرون روح وحده بس هيه نسمه تروح ..
وهيج راحت رشا ..
شويه واسمع صوت يمي
_رأفتت هاي شدسوي هنا
_ها هلاو ابراهيم .. هيج جنت ضايج شويه كلت اشم هوه بره احسن من البيت خنكه وضوجه ..
_اي والله تفتهم .. اليوم اني اوف شنو رايك تجي بلبيت نتعشه سوه ونلعب بلي يلا مو خابصني اني وبس بلطوبه شوفني مهارتك
_والله مادري شكلك كلشي مخنوك وماريد اخرب مودك خليهه غير مره ..
_هاا اي مبين ..
عقدت حاجبي وسألت .. شنو الي مبين ؟
_مو انت خفت هسه فبين متعرف تلعب
_اهاا تتحداني ديلا امشي وانشوف .. بس اذا خسرتك شريد تنطيني ..
_يابه غيوني الك بس اذا فزت اني شون ..
_اطيك نص المحل شرايك !
_لاا مو لهل درجه
_اي كول مراح تفوز
_هذا هوه يابه نص المحل نصه ليش لا شخسران
رحت وياه واني بداخلي يتاكل شون راح احط عيني بعينهه بعد السويته بعد شكي بيها اخخخخ يا غبائي اخخ
حسيت الطريق خطوتين .. هيج ناوي القدر ينزلي راسي هيج ناوي يخليني اضوك الضكتي ويجوز اكثر ،..
دخلنه للبيت خابر ابراهيم وصه على بيتزا وهمبركر وشاورما وببسي ومقبلات واجه فتح الاضويه وراح للمطبخ اني فتت للصاله انتظره ..
بينما صافن افكر بيها وينها هسه شتكول من تشوفني ياترى شونهه .. اتذكر شكله بلحجاب شونهه كلامهه حبها كلها كلشي بيها اتذكره ذكراها مثل السكن بيه وجنني دخت بذكرياتنه سوه .. تمنيتت عركه من عركاتنه قبل ولا الي ديصير هسه ..
شويه واجه ابراهيم بيده صينيه جاي وماعون كيك اكيد هيه مسويته اعرفهه تحب هلسواللف ،..
واني الي خدعتهه وخنت ثقتهه كاعد يم اخوها هسه ويضيفني طبخهة اخخخ اخخ بس شوكت ابطل اتسرع..
بعده هسه كعد ابراهيم جان ينفتح الباب وفاتت اميرتي ..
اشوفهه اللعين منفوخه والخشم احمر انمرد كلبي عليها .. تمنيت مثل كل مره اكوللهه حتى لو اني الي متعارك وياج تعالي واشكيلي مني تمنيت اخذهة بحضني واسكتها تمنيتي دوه الجروححة مو اني الجرح الها..
ابراهيم ..
_رشااا شبيج حبيبتي باجيه ؟
ابتسمت بوجهة وكالت _هلاو رأفت شونك ..
_الحمدلله وانتي رشا خير شبي وجهج ؟
_ههههه ماكو شي بس جنت يم صديقتي وقريت قصه وانقهرت على نهاية ابطالهة ..
_اوفف يالله شهل بنيه شكد حساسه انتي لتنقهرين حبيبتي روحي بدلي وارتاحي .. اصبلج جاي
_لا حبيبي برهمتي حروح ابدل وانام شويه راسي يوجعني اخذوا راحتكم انتوا ..
_تمام حبيبتي ..
راحت صعدت فوك واني بقيت العب ويه ابراهيم لل ٧ كمنه اكلنه وكملنه راح ابراهيم صعد الرشا الاكل ونزل يكول نايمه ..
بقينه لل ٨ ورجعنه للبلي لل١٠ وخابروا اهله يباتوا بيت ياسر ياسر اجه وره شويه جايب نركيله وتايكر بقينه نلعب محسينه غير ساعه بال ١ وكل هذا رشا ماكو ..
كمنه عزلنه البيت ويه ابراهيم انخبص عيب لل ١:٣٠ جان تنزل رشا العيون حمررر والخشم احمر والخدود حمره .. شكد باجيه لعد ...
شافتنه اني وياسر وصعدت جابت الشال وغيرت هدومهه لبست كلابيه ردن وطويله من الخصر مخروطه رماني وفوكاها شال حرير بلون الكلابيه بي ذهبي حروف وعطرها غطه المكان سلمت على ياسر وكامت نظفت البيت بقيت اراقب حركاتهة .. يربي مو بنيه يعني البنيه كلهة ريحه نظافه وعطرها يخبل الترتيب الشال الجسم البياض من كدما بيضه احسههة مثل الهوى الاورده البيدهة كلهة بارزه والايد ناعمه الطول مالتهة ياربي تناكل اكل .. لازم اراضيهة شوون بسس
واحت للمطبخ تسوي نسكافي ردت اروح وراها بس الولد كاعدين مكدرت شويه وكام يمها ياسر اخخ بس اخنكه اموتة لهل صكط
