هذه المذكرات كتبتها في ٢٠٠٠ وانا الان اكتب مذكراتي الاخر التي تخص فرح سيكون الجزء الثاني لكي يا فرح حياتي الذي انسرق مع ذهابكِ
سديت الدفتر وظليت صافن معقوله اكو وحده بعمره تحملت هل اشياء تسمعهه وتفهمهه تكتبهه شون كدرت وحدهه تواجه هل حقيقه .. الحياة غريبة وظالمه ويانه متعدل ابد بس اني على يقين انوا اكو وره كل حرن فرح جبير .. مثلما اني فرحتي صارت كدام عيني بقه خطوه ونتزوج متاكد رشا حتلكي فرحهة
......
رشا ..
اول مرحوا غسلت اماعين غزلت وصعدت فوك كعدت الجربايه اذكر صوته كلماته هيبته ثكله شخصيته ياربي شكد حبيته
شفت مذكراتي ...
هلاوو مذكراتي
انتي تعودتي تسمعيني وكفتي وياي بقصه ابراهيم بقصتي بزواج اختي والاهم بقصه اختي ... هسه ماالج داعي حتخلص منج واخلي الجزء البي فرحتي بس لهذا تعالي وياي
اخذت المذكرات بدون مااحسبهه وخليتهه بصندوك والمفتاح شلته وشمرته على الحديقه خلص ماريد اتذكر شي منهه ولا اريد اقراها لابد خليت اليوميات الي اكتبهه العاميه العاديه
ظليت فاتحه الشباك وافكر برأفت شكد جذاب وحلو شكد طيب ثكيل ومرح
عضلاته عطره طوله ... ابد ماجنت متوقعه حااحب شخص اطول مني .. كتفه عريض جسمه متناسق
بس عطره كافي ..
اني هايمه بي واتذكره واتخيله جان يدك التلفون صوت رساله
ميس ... هلااا بالكاطع صارله يومين ميسأل
رشا .. وحدج ؟
دكت عليه
ههه اووح فدوه للتفهمني
رشا... احم احم عاش من سمع صوتج
ميس.. اها طلعت اني او انتي
_لا اني مالومج قابل الراهيم وكل يوم لل ٢ حبيبي وحياتي
_انجبي ولج انتي الاصل والله
_اي اي مهو باين 😂
_ام حلك لتضحكين عندي خطه خنفشاريه ..
_هلاا اموت على خططك ياخطير
_دسمعي لعد باجر انتي منظفه ادري فلهذا باجر رييست (راحه) خل نروح للزوراء نتونس اكعدي الصبح شوفي شعندج وبال ٧ نحرك نظل لل ١١ ونرجع والجو خرافي اصلا
_ابراهيم شون بابا ماما
_يدرون قبلوا
_عززززة شكد حقيررة ولي حيوانه صدك بعتيني اني اخررر من يعلم شرفي الزمن شيسوي
_شنو هل الفاظ عزيزتي تدرين بيه مؤدبه
_هههههههههه هجم بيت الباميا المهم اروح انام وراي كعده من ٩
_شعندج متنامين
_محجالج زوجج العزيز
_شكووو ولج احجي
_افكر باجر احجي بااي
سديت الخط كمت سويت كم ماسك ( قناع للبشره ) ليلي وسبحت طبعت ظفرت شعري ١٨ ضعيره حتى يصير كيرلي ميريام فارس زماني 😂
ورحت اكو مسلسل اجنبي اتابعه علمود مافقد لغتي لان اذا مو ممارسه تنسي شفته اصلا ٢٢ دقيقه الحلقه شفت الساعه بال ١١ ممم اسوي الي ببالي لو لا
خل اسوي .. لا عيب
اوكي اسوي علمود ايه قابل ليش
