رأفت ... رجعت للبيت ميت تعب وفرح وسعاده .. فتت سبحت وطلعت تمدد على الفراش اتذكر قبل كم شهر من خطبتهه وكالت تريد تكمل كليه واهلها ميوافقون الا بيدها شهاده صح فرحت بيومها لان صعبه اثنينه كليه ونزوج بس اكو شي انكسر بداخلي اريدها يمي اصبح بوجها ومانام الا واني العب بشعرها ... وراها تذكرت من اختها وكع الطفل شون صارت حالتها اتذكر لحد هسه عطرها من تبجي على كتفي .... واهم شي اليوم الي حيظل ببالي نمت كعدت الصبح عندي حمتس كملت كم شغله بلبيت كهربائيات ورحت شفتها طالعه تخبل لابسه كلبيه بيتنجاني وهيه بيضه وحمره حتطه وردي تخبل طالعه احلى من البنطرون ششلت عيني عنها وفتت يم ابوها كلش حبيته وهم حبني هذا فرحني اول مرجعت وديت ايه ورحت على الگهوة كعدت ويه شلتي شربنه نركيله وسوالف اتفقنه نروح للشمال اسبوع ظلينه لل ١١ ورجعنه فتت جوعان امي نايمه كليت بصل صار اشكر كمت حطيت فلفل حارل هم ذبب وطككيت بيض بكاسه خفقته وخليته ماحبه من يكون بي ابيض هيج يصير اصفر اخذت صمون اكلت وغسلت اماعيني وصعدت سبحت وطلعت تمدتت فتحت التلفون كلبت بي داسده وانام شفت مذكرات رشا ... رحت فتحتها وبديت اقره
مذكرات لم تكتب
اليوم بديت اكتب مذكراتي
بدت تحجي بلبدايه ع قصه ابراهيم لحدما كملتها وصلت من حجت على اختها بس الصدمه مو رغد !!
.. اختي تؤمي مصدر قوتي الهامي فرح
فرح فرح منو وينها هسه ومن هيج حبت بنت خاله صبريه افراح
... بيوم عادي جداً جنه اني وفرح كاعدين ومثل العاده صار
فرح .. شوشي شبيج ضايجه
رشا .. فرحتي اني خايفه خاف هم انضرب خاف هم انجوي وجوعانه والله
فرح .. شوشي اني هنا اني احميج
رشا.. بس ماريد تتأذين انتي هم كلمره تدافعين عندي فرحتي ليش هيج احنى ليش متحبنه ماما دائماً تضربنه دائماً تدلل ابراهيم عبالك بس هوه ابنهه
فرح... شوشي لتحجين هيج والله انقهر شبيدي اني والله دري حقج تضوجين وتنزعجين بس هاي قدرنه ومابيدنه شي انولدنه بعائله غلط
اندك الباب ومثل كليوم فاتت امي وعصبيتهه تارستهه باوعت عليها بتسائل معقوله ! هاي امي صح هيه تشبهني بلشكل بس متحبني تضربني تخوفني ياتره هلمره ليش حنضرب ؟
فاطمه (ام رشا) ليش فاتحين الضوه
متحملت اسكت كلت الها .. اوكي هم غلطانين طبعا اعدائج احنى شنسوي غلط بنظرج هاي كدامج اني ضربيني وروحي بوسي ابراهيم بس سؤال انتي مو ام هااا اني شنو ذنبي امي هيج احجيلي شنو ذنبي
.... ولججج ادبسزز ممتربيه تلاسنيني هاي جزاتي مو زين متحملتكم اني
احتي ضربتني ضرب اتمنيت تطلع روحي منه
طفله صغيره المفروض حلمهه يكون العاب طلعه .. اني حلمي عائله دفو اب يحميني ام تهتم بيه ظليت اون من الالم جسمي ازرك ودم من حلكي الي تشككتت
كامت فرح جان تجرهه الي اسمهه امي من شعرهه وتدفرهه بلكاع رفستهه بكلياتهه وراحت
... فرححح فررحح كومي الله يخليج يااالله كله منورايه هيج صار يااررب اخذ روووحي وخلصني ليش عايشه والله بعد مااتحمل ياالله
حاولت اكوم تمسكت بلجربايه وكمت اسحل بروحي حتى اوصل الفرح رحت يمهه خليت راسهه على رجليه جانت شبه مغمه عليهه بين الصاحيه وبين الفاقده الوعي وخرت شعرها عن وجهه وكعدت اباوع عليهه وابجي ... فرحح الله يخليج كومي والله مااتحمل اشوفج هيج .. فرح اني محد باقي الي بس انتي كومي ياروحي انتي
ضربتها على وجهه شويه وصحصحت فتحت عينها تصيح من كلياتهه
... فرحتتي كومي كومي الله يخليج خلي ايدج على ضهري .. اخذتهه ونومتهه على الجربايه ورحت ركض جبتلهه مي شربته وكالت تريد تنام عفتهه وفتت للحمام اباوع على وجهي بلمرايه شفتي كلهه دم اثر ضرب على خدي ووجععع الي احس بي ميتحمله بشر مو وجع جسدي لان تعودت بس وجع روحي ... كل الي يشوفني يكول نيالج رشا عايشه ومتهنيه بيتكم حلو وجبير وعندج اخوات اثنين واخ حلو وامج وابوج يمج و٢٤ ساعه تضحكين بس بداخلي اني نار شاعله كل واحد بجهة ومحد متضرر غيري اني وفرح ورغد محد ينضرب وينهان غيرنه محد فد يوم فكر يسأل انتي زينه انتي مرتاحه محد يدري اني عايشه بعائله متشتتهه عائله بيهه ام مريضه متقبل تتعالج .. اب ميكدر يسوي شي ... اخ اصلا شقيق مدلل من خوف امي انوا يعوفهه بابا بس الناس شاطره تحكم ع المضاهر وهمه نفسهم اذا يعيشون حياتي يتمنون ساعه من حياتهم المعاجبتهم
