تقرب كلش انفاسننه اختلطت سوه عيوني بعيونه اجه على الجامه يسدهه خاف الجو عايزه حراره يسد الجامه حتى اموت بحبه وشوقي اله اكثر
_رشا .. ياسر ممنوع حرف وياه لا لعبه ولا غير تردين شي تكوليلي تمام
_ا اا اي
تقرب على وجهي اكثر وكال مسمعت عيدي
حجيت بثقه اكثر .. تمام
وهوه مسمع او ادعه انه مسمع قرب اكثر صارت اذنه بين شفايفي وكال عيدي اخر مره
كلت تمام بس الحرف اجره جر من حلكي ميطلع
كال اوكي بس بعده بمكانه ونفس قربه وخر الحزام وصار اقرب بحيث لوما ادري بي ثقه لجان حسيت بشفايفي ملاصقه راسه حرك حزام الامان بكل هدوء واني ويه هدوئة استنشق عطره ..
لحدما وصل الحزام ديرجع جان يكول تخيلي لو هسه ... ارجع وانطخ بمال مرايه الاماميه لان بالي مو وياي فارجع بشكل غلط واكول
_اخخ شنو حديد .. انتي تكولين بكل حنيه ..
_تعال تعال هاي شنو غير تنتبه هل اشوفهه خوما تاذيت
واكلج ..
_اي اي شوفيهه بالله
تشوفيهه وتلكيني مبتسم تكولين ..
_وين هنا اكلج ..
_شويه يمنه
وراها تدورين لحد متوصلين لمكان وتسالين مره ثانيه
.. مم هنا .. فاخلي ايدي على ايدج واقرب راسي فصير بحظنج وتسويلي مساج خفيف واجي اكول
_اخخخ كلش ديأذني اذا بستي يمكن يصير زين انتي تنصدمين ويصير شكلج ييجنن تكولين ..
_اني !!! ابوووسه !!!
اجاوبج بكل ثقه وبصوت حزين ..
_اي شبيج تخيلي طفل ومتأذي متبوسي
انتي تصيرين ذكيه وتكولين
_بس انت مو طفل
اني استغل الوضع وبكل رومانسيه اكول
_اني طفلج اخخ يارااسيي
انتي تستسلمين فتكولين
_اوكي اوكي تقربين يمي وتبوسين راسي من ترفعين راسج بهدف الرجعه اكول احس بتحسن بسيط بالله رجعي بس طولي .. انت مخبل يلا عمه وجدو نزلوا
.. اخر مره الخاطري توقعت تقبلين فاقرب راسي واجي ابوس خدودج
_ظليت صافنه مصدومة تخبل الولد ..
جان يكوم يضحك والله خيال حلو المهم يلا ننزل قبل ليجي برهم ويشنقني
_عزززا امشي لنجيب الشبهة النفسنه امشي مخبل
رحنة الهم لكيناهم كاعدين يم شجره جبيره يم الشمس ..
ام رأفت .. ها اجيتوا .. اتأخرتوا صارلنه ساعه ننتظر
رأفت غمزلي وكال .. اي بينما جبنه الغراض ،. خوش مكان هذا الكاعدين بي خل افرش الحصيرة هنا
رشا .. خل اساعدك اطيني الجهه الثانية
فرشنة الحصيرة وخابرت ابراهيم ..
_يمعود كلت توصل قبلنه وينك
_جاي هسه بلمدخل مال بابا
