دفعت اخطاء اختياراتهم

بارت 21

ما لَذَّ لي العَيشُ مُذ غابَت مَحاسِنُكُم
وَلا حَلَت بَعدَ رُؤياكُم لِيَ النِعَمُ
قَد كانَ لَيلي نَهاراً مِن ضِيائِكُمُ
فَاليَومَ ضَوءُ نَهاري بَعدَكُم ظُلَمُ
عَشِقتُكُم لِخِلالٍ كُنتُ أَعرِفُها
وَإِنَّما تُعشَقُ الأَخلاقُ وَالشِيَمُ
لا تَنقَضوا ذِمَمَي بَعدَ الوَفاءِ بِها
إِنَّ الكِرامَ لَدَيها تُحفَظُ الذِمَمُ
(منقول يوضح جزء من بارت اليوم )
فتحته لكيت صورتي اني ورأفت من دخت وكامشني ورسائل بينه وجوه مكتوب
_حلوين سوه مو .. شكد لايكين البعض ياربي بس ابوج رشودي يدري بهل عصافير يدري بهذا الي ملفي ببيته شون خاين ثقته .. ولا يهمج اني اكله لرشودي لتعبين السانج او يجوز نتصافه ويبقى هذا سرنه انتي اختاري انتظر ردج ..

رجلي من الخوف ماحملني وكعت بلكاع احس خدر بكل جسمي مادري شسوي ..

ايدي ترجف وجسمي منمل احس اصلا روحي بمكان وجسمي بس الي بلغرفه ..

رحت كتبت .. اوكي شتردين مني من النهايه
مجاوبتني كمت سبحت ونزلت نظفت البيت كله وعطرته وسويت اكل لليوم والباجر هدرت ورحت صعدت هم سبحت وكل شي اسوي بلا وعي مجرد جسد وروحي بعلقه بهل رساله الي حتوصل ..
رحت بسرعه غسلت وجهي وطلعت شربت مي وصفنت بلرساله منووو هذا الي يسوي هيج يربي منوو ... لحظه لحظه اني دازه صور بس خلاقارن انتبهت على الشحن الساعه الوقت بالصورتين نفسه ..
صرت اعصاب كمت شمرت التلفون وكعدت ايدي ترجف من العصبيه خليتهه على راسي واخذت نفس كمت من الكاع ورحت عل حمام فتحت الدوش وكعدت جواه لحدما استرخت اعصابي طلعت من الحمام بدلت ومشطت ربطت شعري واخذت التلفون من شفت الشحن ٣٠ شحنته ونزلت كملت كل شغلي صبينه غده ماشتهي اكلت شويه وكمت صعدت فوك صافنه اكول الرأفت او لا ..

عفت كلشي وسديته ونمت ..

بقيت نايمه لل ٩ بليل كعدت على صوت المبايل كمت غسلت ورحت لفراشي شفت ٥ ممالمات رأفت ورساله من الرقم ..

كمت غسلت ورحت سويت جاي واشتهيت بسكت لكيت بسكت كلش احبه خفيف خليت ٢ وصعدت اكلت البسكت وشربت الجاي وخابرت رأفت حجيت وياه شويه كتله على الحلم وعلى الحجاب كلش فرح شويه وسديته منه ..

رحت قريت الرساله كالت تعوفين رأفت ..
مهتميت اصلا لان اعرف منو هي بس كلت الكي اكثر من دليل حتى متنكر رحت جبت ورقه وقلم كتبت الرقم اتصلت على الشركه سألت عليه بلبدايه مقبلوا كالوا خصوصيه جربت كتلهم تهديد واصلني من الرقم مفاد بعدين تذكرت ياسر كال اي شي تحتاجي خابريني من اي جهة مسؤوله او شركه صدك خابرته وكتله محتاجه اعرف الرقم مال منو بلا ليش هوه مقصر وره دقايق جابلي معلومات كامله قريت الاسم مثل ماتوقعت ..

شكرته وبقيت صافنه شسوي اخذت صور للرساله ودزيتهه الرأفت ويه معلومات الرقم الي يعود الفرح شافهه بس محجه شي بقيت الوب بسلا سويت شي غلط خاف سوه شي بلبنيه خابرته مشاله دزيت رساله
_وين اميري ؟ ليش متشيله ..