المهم اني وين سرحت بافكاري فتت للبيت صوت بجي شصار ياربي بسلا بابا ....
_ماما ابراهيم وينكم شكووو بابا وين شبي بابا احجوا وينكم ؟
ادور بلبيت مثل المخبله افوت ع الغرف وابجي صعدت فوك الغرفة بابا بابا متمدد وماما وابراهيم يمه ويبجون
_شكوو احجوووا راح اتخبل ليش تبجون بابا حبيبي بيك شي ؟
_ماكو شي بنتي روحي ارتاحي دخت شويه وكلبوهه بچي اهلج متدرين بيهم ميتحملون
حاولت اصير قويه مثلهم وااخذ الخوف الي بعيون بابا وابدله بفرح بقوه متي بس متحملت احس عيوني بدت تنزل دمع بس لا هاي مو دمع دمع حرك عيني احسه تيزاب احس عيني تريد تنفجر احسهه حتطلع من كد الحراره متحملت ماردت اشوف هذا الضعف الي بعين بابا ماكدر ممتعلمه هيج بابا القوي هيج يصير بي حاولت بصوت ممسموع مادري اذا سمعوني لو لا كلت
_يصير خير ابدل واجي
ورحت الغرفتي سديت الباب بس مقفلته وكعدت ابجي انفجرت بجي ماحس بلدنيا بعد مااحس بروحي مااحس بكلشي الا بابا احس بضعفه احس بانكساره
_لييييش يا بابا ليش ليش تشوفني هل انكسار وانت القوي ليش اجاك هلمرض ليش ياربي ماكدر اتحمل بعد ياربي ليتطور كافي تتطلع اعراضه يارب يارب اني عبدك الضعيف وانت القوي يارب ماللي غيرك لتسوي بيه هيج وتاخذ عزيز كلبي يارب يارب لتزل ايدي وانت ممستاحب الي اختبرني بروحي بالدنيا دراستي فلوس كلشي الا اهلي اني مو كد هلامتحان
وضليت ابجي بلا مااحس لحدما انفتح الباب مسحت دموعي بس شفايده الدموع اذا هيه متبين فعيوني حيبينن اني جنت ابجي رفعت راسي بابا
_ها بابا حياتي ليش تعبت واجيت تريد شي محتاج شي جان صحتني ليش تعبت روحك
اتقرب يمي كعد ع الجربايه واشرلي اجي اكعد يمه
مثل كل مره مثل من جنت صغيره لو جنت غلطانه او لا دائما بابا ييجي يكعد يمي .. يشبكني .. يهديني ... هلمره هم من يحتاجني يمه اجه يراضيني من لازم اقوي اجه هوه يقويني
من شفته هيج ماتحملت اكون قويه بعد لا مستحيل شبكته كل قوتي وكعدت ابجي بحضنه وحسيت اكو شي نزل على راسي رفعت راسي ولو ميته بيومهه ولا رافعته لو ميته ولا شايفه الي شفته
بابا شفت دموع بابا
_لاا لاا بابا الله يخليك لاا دموعك غاليه عليه والله مااتحمل اشوفهه اوعدك بابا اني اني اا وعد كك راح تصيرر زين بس لتبجي بابا انت علمتني اصير قويه تذكر كلت انتي متعيشين اذا متقوين كل الي نشوفوا من هلمرض حابوا بقوه الله يخليك بابا لتبجي
بس ايده ومسحت دموعه
بابا حبيبي كوم ارتاح تريد اسفوك اطلعك نروح للهند بس كلي انت شتريد اسوي ايشي الك بس لتبجييي الله يخليك الخاطري
_هاي مسحت دموعي يلا نزلي سوي جاي اشتهيت جاي من ايدج اني شعندي غيرج تدرين بيه قريه بس شفت بنيتي بجت كلت انزل كم دمعه حتى تسكت ام دميعه
